英文小學全英上課的問題?

flower99

我女女上堂無問題聽得明老師d英文,但在堂上/在家做worksheet時總是唔識睇英文題目,要老師/我讀條題目比佢聽(用英文讀),咁佢先識做,測驗都唔知點算!而家英,數,常識全部上堂都只用英文,每日淨係串/認生字都頭暈,老師仲叫我教佢學睇英文題目,淨係識聽識講係唔夠,但諗諗下開學都只係一個月,一個五六歲小朋友一向幼稚園用開中文既忽然上到小一就轉左英文,淨係數學都要學過點睇英文計法,所以想請教各位家長你們的小朋友有冇以上或其他問題分享下嗎?

geppetto

英文就ok,因為可以拼音,估到個字係乜。
中文科就好大問題,成行問題識唔到一半,唔知點考。

Bluestar

flower99,

你要叫個女，做功課時，先大聲讀出個例子，然後再讀出條問題。

我個仔同你個女情況一樣，甚至更壞 - 讀俾佢聽都未必明白條題目問乜。
但做功課時，我要他自己讀出來，==>你咁先至知道佢明唔明白條題目問乜。佢唔明就解俾佢聽。讀/解多幾次，佢就明白題目問乜，先至識得做。順手學埋英文.
我個仔比9月初已經明顯有進步。

littlecat

我相信要比d時間小朋友適應, 我囝囝初初都係一樣, 尤其係轉左去睇英文數, 佢一樣都唔識解題目, 開學初期真係錯好多, 但經過一段時間學習, 佢已經習慣, 現時都冇問題. 其實小朋友既適應能力好高, 只要耐心去教導, 我相信好快會適應.

努力!       

yoyoDD

flower99

請問你囡囡讀那間小學?

SandyMummy

My daughter has the same problem when she was in p.1. Her school is also an english primary.  But don't worry, you cannot imagine the adaptability of young kids. She will be fine after a few months and getting better year after year!  

flower99

亞女唔係次次都可以讀全條英文題目,好多時只係識幾隻字就要估條題目做咩,所以佢零願叫人讀比佢聽,咁生定定又識做喎,你話係咪比佢激死,但測驗無可能題題都讀比佢聽,試過測數時,題目係count and write the numbers in words,佢話睇完前面識果d英文字就知係數,數完跟手就寫個阿拉伯數目字,但其實係要寫英文數目字,就係咁已經錯十條,你地話死唔死!仲有係佢話因為前面果d睇完要諗下點解,解完又諗下d英文點寫,又唔識因時間,搞兩搞都打鐘交卷,後面果d已經唔使做,當然我無話佢啦,因為佢自己都好唔開心

yw

我仔今年小二先開始轉英文台, 都有類似的問題, 阿仔話唔知老師講mug野 , 驚考試唔識wor....  
其實佢功課so far都可以做到, 但始終聽唔明老師上堂....我都好擔心... :cry:
但聽你地咁講, 係唔係可以俾多少少時間等佢適應呢.....唔洗咁緊張去找補習住呢?

flower99

yw
其實係好應該比時間佢適應,因此中都只係剛開學,但我女女個班主任打比我話發現佢唔識睇題目喎,唔可以淨上堂時識聽識講,仲要測驗時識睇題目,咁我就要面對呢個問題,但暫時都無諗住要補習,因為佢聽,講,寫都ok,但就唔識解問題既意思,只要讀比佢聽,做佢又會識做喎!

marinayiu

flower99

其實你囡囡都好叻女呀, 咁快已經識聽/識講了, 想問下屋企有冇講開英文gar ?

flower99

marinayiu
我一向都同佢講中文,但我有請個鬼佬單對單教佢英文,所以佢習慣聽同講,但對住我就好少講,因為怕醜,反而入左英小後,而家有時佢會同我講幾句,仲串我d音唔正,因為學校有鬼婆教英文,同佢個私人英文老師口音一樣,所以佢都學左d鬼佬口音

qqbaby123

flower99
想問下你搵外籍老師單對單教英語大約幾$個鐘,上門定係出面既英語中心呢,因我搵極都揾唔到好既外籍老師,話哂大家同校既,比d資料我可以嗎 Thanks

maymay2000

請問你

flower99

maymay2000
我諗讀邊間幼稚園問題不大,因為大多數都主要係中文教學,要真係上到英小轉左英文台,咁d問題就浮出黎啦!

Mimi_Ma

我囡囡是國際幼稚園上英文小學,  問題不大,  
不過中文就回略差,  如是普通幼稚園上,  識應期會比較長,  始終都要時間浸入.

maymay2000

flower99
           當然有分別啦,就如 Mimi_Ma

我囡囡是國際幼稚園上英文小學, 問題不大,
(不過中文就回略差), 如是普通幼稚園上, 識應期會比較長, 始終都要時間浸入

weiwei

Mimi_Ma

May I know where is your kid studying?

Thanks.

qqbaby123

maymay2000 寫道:
flower99
           當然有分別啦,就如 Mimi_Ma

我囡囡是國際幼稚園上英文小學, 問題不大,
(不過中文就回略差), 如是普通幼稚園上, 識應期會比較長, 始終都要時間浸入

我小朋友之前都係讀國際班(只有英/普),但係講多過做,所以
去到小學時,要應付文字上既文題,都係要重新識應架,不過可能真係會比較快d

ms99

flower99：

慢慢來吧。

其實小一啲題目來來去去都差不多的，無論 中文或英文都係選詞填充、數數、寫寫、填色之類，你就將學校做過嘅練習同佢每日都望吓，工多藝術嗻。甚至將啲重要生字識咗佢，測驗上嚟，叫亞女將啲重要字highlight出嚟，唔識成句都估到8 , 9成啦。 生字如write, colour, or , and, count, draw, rewrite, words, sentences, read, blanks, missing, choose, underline...，不妨個別每個字抽出嚟寫開教，好過每次一大條題目逐個解啦。

OldSim

qqbaby123 寫道:
flower99
想問下你搵外籍老師單對單教英語大約幾$個鐘,上門定係出面既英語中心呢,因我搵極都揾唔到好既外籍老師,話哂大家同校既,比d資料我可以嗎 Thanks

flower99,

May I have the information too? Thanks :