你地既小朋友手頭上學緊幾多樣野?

Mummy

我個仔暫時得一樣, 學彈琴。  遲d熱d會比佢學游水, 變左兩樣, 好似都幾辛苦...  但我又想比佢學英文with native speaker果d班, 但如果一星期先得一堂, 每堂打你一個鐘, 其實唔知有冇用, 會唔會屣錢??  是關我唔想好似有d家長咁, 剩係使o係細路既興趣班每月要成萬銀, 我冇咁多錢呢! :-x

我識得有d, 早上比佢返正常幼稚園班 ($2000), 下午就比佢返下午國際幼稚園班 ($5000), 剩係學費都7000, 仲未計其他興趣班, 佢地仲係咁叫我比個仔咁返法, 但我覺得好貴囉, 我唔係幾千萬未開頭......

bb818

我個仔現在學彈琴，游水，打豉，英文(Oral+Phonics)﹐劃畫。一個月大約三仟左右，再加幼稚園學費真係要成六仟。其實我個仔仲話要學體操同普通話(因為佢d同學有學)，不過實在無咁多時間同$$

klyie

我囡囡學緊鋼琴,晝班,呢兩樣系佢話要學,7月夏天到,佢話要學游水,我會比佢學.遲d讀一年班,學校課外活動有Phonics.就會學埋.其實我會選擇一d佢有興趣和對佢有用ga野比佢學.當然只可選2-3樣啦.我都會去小童群益會d興趣班.因為平d,同埋暑假可以學多幾樣,無咁貴.

kfwong

我個仔學彈琴、圍棋、跆拳道、足球
每月用大約2千-3千元,ok喇。
想佢再學英文,佢自己就想學多劃畫一項,但無時間,小學功課太多了!!!!
但暑假期間我諗會比佢學游水。