好開心又好擔心!終於買鋼琴!!大家幫幫手啦~~

whitewhite311

      今日去左觀塘既x拔x琴倉,訂左個YAMAHA U1陳列鋼琴!其實現時就還未落訂,但都諗住過幾日出糧就買了,原本諗住去名古屋度買,但係成日聽人話果度唔好,所以就冇上到去囉`
     我睇中果部琴價$15000,個外觀好新架,琴倉D人話部琴係日本琴倉的display琴,琴年有十年以上了,有十年零件免費更換保養,兩年內半價回收,送琴椅,拍子機和一次tune琴,我覺得好似好好咁呀,但剛番到屋企又開始有點擔心會否是翻新琴...........努煩大家幫幫我啊~~~~
因為真係好急想買個琴``
    

longlong媽

之前好多topic都有講買d所謂陳列琴好冒險, 您仲要話部琴好新添, 都唔知係咪得個殼既? 有冇搵人幫手揀/試琴呀? serial no. 有冇抄低呀?(上網check下年份) 如果有既話似唔似原裝架? 有d琴倉連serial no. 都識冒架... :-x

不過如果比我就唔敢博囉....

whitewhite311

唉~~我剛剛打電話去問個女人,我今日睇中果部 u1既serial num,佢又左推右推唔肯話比我聽.........
話到時上去再睇,跟住又話而家做緊野,唔得閒住,得間回覆我.....
唉~~買野真係煩.........
我都係諗住好好地買部琴彈下姐~~

longlong媽

如果係冇野既就唔駛左推右推唔肯話比您聽啦, 一定有問題啦. 梗係等您再上去先至再落咀頭"tum"您買, 講一d您唔明既野又扮到懶有道理咁啦... :evil:

咁您仲諗唔諗住再上去呀?

whitewhite311

我冇搵人同我去試呀,因為我身邊都冇朋友識彈琴,所以唯有自己一個膽粗粗去睇囉```
都唔知可以搵邊個...

whitewhite311

好彩我頭先打去問一問姐,
經過頭先個幕,我而家真係覺得好驚!
但係我又想去琴倉買部平平地既鋼琴喎,
``因為我預算唔夠多呀````
仲諗住今日搵到鍾意既琴啦,但......
而家都唔知點算好.........

longlong媽

唔好去果d琴倉啦, 去大琴行咪好囉, 而家大把琴都有得做分期啦, 一個月幾百蚊之嘛, 信譽緊要嘛....

您買琴唔可以叫miss同您去既咩? 唔會托您手掙呱...

whitewhite311

其實我而家冇學緊架,我打算係買左先學~~
反正遲早都學的`~~~

haohao

希望對買琴的家長有多少參考價值 .................

【刊於 第 788 期 14-04-2005 壹週刊 】

投 訴 (1)
報 細 琴 齡 　 琴 行 出 術 搵 笨

為 鼓 勵 子 女 好 好 練 琴 ， 家 長 往 往 不 惜 花 費 數 萬 元 ， 買 台 名 廠 鋼 琴 回 家 。 不 過 ， 有 琴 行 將 琴 齡 達 二 十 年 以 上 的 二 手 琴 說 成 陳 列 琴 ， 有 的 甚 至 售 賣 改 裝 舊 琴 ， 報 細 琴 齡 欺 騙 消 費 者 。


雅 博 琴 行 有 六 間 分 店 ， 圖 中 一 間 位 於 荃 灣 沙 咀 道 。


個 案 1 ： 廿 幾 年 舊 琴 扮 陳 列 貨
最 近 本 刊 收 到 讀 者 投 訴 ， 指 在 葵 芳 新 都 會 廣 場 四 樓 的 雅 博 琴 行 ， 看 見 一 台 YAMAHA U1 型 號 鋼 琴 ， 只 售 二 萬 多 ， 比 香 港 YAMAHA 總 代 理 通 利 琴 行 平 一 半 。 琴 行 職 員 向 她 表 示 ， 該 琴 為 陳 列 琴 ， 所 以 較 便 宜 ， 但 強 調 只 陳 列 了 數 年 ， 故 十 分 抵 買 。
讀 者 有 點 懷 疑 ， 於 是 悄 悄 打 開 鋼 琴 頂 蓋 ， 記 下 琴 內 的 序 號 ， 上 網 一 查 ， 發 現 該 琴 琴 齡 高 達 廿 多 年 。


這 台 YAMAHA 鋼 琴 序 號 為 3068051 ， 八 ○ 年 出 廠 ， 琴 齡 達 廿 五 年 。


雅 博 琴 行 職 員 稱 ， 琴 行 內 的 兩 部 YAMAHA 鋼 琴 ， 只 在 日 本 琴 行 陳 列 過 ， 並 非 二 手 琴 ， 還 叫 記 者 大 可 放 心 。
     



求 證 ： 八 十 年 代 出 廠
記 者 扮 客 到 雅 博 琴 行 ， 裡 面 陳 列  一 部 YAMAHA U1 及 一 部 YAMAHA U3 鋼 琴 ， 序 號 分 別 為 3068051 及 4117080 。 職 員 謂 該 琴 只 在 琴 行 陳 列 了 數 年 ， 舊 極 有 限 。 但 根 據 YAMAHA 官 方 網 站 ， 兩 部 琴 其 實 分 別 在 一 九 八 ○ 年 及 一 九 八 五 年 出 廠 ， 琴 齡 最 少 廿 年 。
從 事 二 手 鋼 琴 銷 售 的 張 先 生 指 出 ， 現 時 市 面 上 許 多 琴 行 所 賣 的 陳 列 琴 ， 都 是 從 日 本 進 口 的 二 手 琴 ， 曾 在 日 本 家 庭 中 使 用 。 一 些 較 老 實 的 琴 行 ， 會 直 接 向 客 人 說 是 二 手 琴 ， 但 大 部 分 琴 行 為 求 促 銷 ， 都 不 會 說 明 。
「 日 本 邊 有 咁 多 陳 列 琴  ！ 好 似 通 利 咁 ， 有 陳 列 琴 都 減 價 賣 返 俾 自 己  客 啦 ， 點 會 再 賣 俾 其 他 琴 行  ！ 所 以 你  外 面 買 到  YAMAHA 陳 列 琴 ， 其 實 都 係 二 手 琴 ！ 」

回 應 ： 職 員 不 懂 分 辨
記 者 就 此 向 雅 博 琴 行 質 詢 ， 負 責 人 姚 先 生 堅 稱 ， 該 兩 部 YAMAHA 鋼 琴 在 琴 行 只 陳 列 了 數 年 ， 但 在 日 本 陳 列 了 多 久 就 不 得 而 知 。 他 辯 稱 該 職 員 不 懂 從 序 號 看 鋼 琴 的 出 廠 年 份 ， 因 此 並 非 存 心 欺 騙 。
對 於 兩 部 鋼 琴 是 否 二 手 琴 ， 姚 先 生 則 回 應 ︰ 「  琴  日 本 訂 返  ， 日 本  邊 話 係 陳 列 琴 ， 我  都 查 證 唔 到 係 咪 二 手 喎 ！ 」 一 味 推 卸 責 任 。

個 案 2 ： 更 改 序 號
然 而 ， 從 序 號 看 鋼 琴 的 出 廠 年 份 ， 亦 非 百 分 百 可 靠 ， 因 有 些 琴 行 會 將 琴 內 鋼 板 上 的 序 號 更 改 ， 扮 後 生 以 圖 魚 目 混 珠 。 記 者 在 觀 塘 開 源 道 的 名 古 屋 鋼 琴 直 銷 會 社 ， 便 發 現 多 部 懷 疑 序 號 被 改 過 的 YAMAHA 鋼 琴 。



（ 新 ） 新 型 的 YAMAHA 鋼 琴 ， 其 腳 踏 應 呈 流 線 型 ， 如 呈 方 型 則 顯 示 該 琴 起 碼 出 廠 達 十 五 年 以 上 。


（ 舊 ）



（ 新 ） 鋼 板 內 顯 示 型 號 的 字 體 凸 出 ， 亦 是 舊 YAMAHA 琴 的 特 徵 。


（ 舊 ）



（ 新 ） 序 號 在 五 百 七 十 萬 以 後 的 YAMAHA U 系 列 鋼 琴 ， 即 九 八 至 九 九 年 以 後 出 廠 的 產 品 ， 全 部 都 有 油 壓 蓋 ， 而 琴 鍵 兩 側 的 琴 板 亦 改 成 斜 角 而 非 直 角 。


（ 舊 ）



名 古 屋 鋼 琴 直 銷 會 社 以 特 價 發 售 日 本 名 廠 鋼 琴 作 招 徠 。
   
記 者 扮 客 到 上 址 表 示 想 買 YAMAHA 鋼 琴 ， 一 名 林 姓 職 員 隨 即 向 記 者 介 紹 多 部 YAMAHA U1 及 U3 陳 列 琴 ， 她 稱 這 些 鋼 琴 全 部 從 日 本 入 口 ， 還 主 動 教 記 者 從 鋼 板 上 的 序 號 ， 辨 別 出 廠 年 份 。
這 些 鋼 琴 的 序 號 都 在 五 百 八 十 一 萬 至 五 百 八 十 三 萬 之 間 ， 理 論 上 應 於 九 九 年 出 廠 。 但 一 名 資 深 的 YAMAHA 鋼 琴 調 音 師 指 出 ， 所 有 出 廠 編 號 在 五 百 七 十 萬 以 後 的 YAMAHA U 系 列 鋼 琴 ， 應 全 部 都 有 油 壓 蓋 ， 而 連 接 琴 鍵 與 琴 身 之 間 的 琴 板 ， 亦 應 成 斜 角 ， 和 該 店 的 鋼 琴 並 不 吻 合 。
此 外 ， 這 些 鋼 琴 更 有 多 種 超 過 十 五 年 以 上 YAMAHA 鋼 琴 才 有 的 特 徵 ， 例 如 腳 踏 呈 方 型 ， 鋼 板 內 U1 及 U3 等 顯 示 型 號 的 字 樣 ， 是 連 鋼 板 鑄 造 出 來 ， 而 非 印 在 鋼 板 之 上 等 。 「 呢  琴 如 果 第 日 想 賣 番 出 去 ， 根 本 無 人 會 要 ！ 」 該 名 調 音 師 說 。

回 應 ： 推 落 供 應 商
記 者 就 此 質 詢 名 古 屋 鋼 琴 直 銷 會 社 負 責 人 馬 先 生 ， 他 稱 未 能 求 證 記 者 用 來 辨 別 新 舊 YAMAHA 鋼 琴 方 法 的 真 假 ， 又 謂 即 使 所 出 售 的 鋼 琴 真 有 序 號 被 更 改 過 ， 亦 只 可 能 是 供 應 商 所 做 的 手 腳 ， 堅 稱 對 此 事 毫 不 知 情 。 「 我  呢 幾 年 生 意 好 ， 搵 多  兩 個 供 應 商 入 貨 ， 貨 源 可 能 咁 樣 溝 雜  。 」

貼 士 ： 新 舊 琴 點 分
YAMAHA 的 官 方 網 站 ， 有 教 人 從 序 號 看 鋼 琴 的 出 廠 年 份 。 編 號 在 五 百 三 十 九 萬 以 後 的 ， 屬 近 十 年 出 產 的 鋼 琴 ， 而 二 ○ ○ 二 年 後 出 廠 的 鋼 琴 則 為 六 字 頭 。 網 址 ： www.yamaha.co.jp/english/product/piano/about/about. html 。
除 了 查 看 序 號 ， 消 費 者 還 須 從 以 下 幾 個 特 徵 ， 去 判 斷 新 舊 ︰
1. 琴 蓋 ︰ 所 有 出 廠 編 號 在 五 百 七 十 萬 以 後 的 YAMAHA U 系 列 鋼 琴 ， 全 部 都 有 油 壓 蓋 ， 而 連 接 琴 鍵 與 琴 身 之 間 的 琴 板 ， 亦 應 成 斜 角 而 非 直 角 。
2. 腳 踏 ︰ 新 琴 腳 踏 應 為 流 線 型 ， 如 腳 踏 呈 方 型 ， 該 琴 出 廠 起 碼 有 十 五 年 以 上 。
3. 鋼 板 上 的 型 號 ︰ 新 琴 的 型 號 應 如 序 號 一 樣 印 在 鋼 板 之 上 ， 如 型 號 的 字 樣 是 連 鋼 板 鑄 造 出 來 ， 該 琴 琴 齡 起 碼 有 廿 年 以 上 。
4. 序 號 ︰ 原 廠 的 序 號 字 體 排 列 較 緊 密 而 且 清 晰 ， 經 更 改 的 序 號 字 體 會 略 有 不 同 。
5. 鋼 板 顏 色 ︰ 新 琴 較 金 黃 ， 舊 琴 較 暗 啞 。 （ 黃 雅 詩 ）

琴 行 起 底
雅 博 琴 行 東 主 為 林 少 南 ， 除 葵 芳 新 都 會 廣 場 外 ， 於 荃 灣 、 元 朗 、 屯 門 及 西 營 盤 分 別 有 五 間 分 店 。
名 古 屋 鋼 琴 直 銷 會 社 有 限 公 司 於 二 ○ ○ ○ 年 十 一 月 成 立 ， MA KOON MAN 及 WONG CHI HO 各 佔 一 半 股 權 。 店 鋪 位 於 觀 塘 開 源 道 開 聯 工 業 中 心 。
明 明 舊 琴 扮 後 生 ， 雅 博 及 名 古 屋 卻 將 責 任 推 卸 到 供 應 商 身 上 ， 賣 琴 不 懂 分 琴 齡 ， 如 此 狡 辯 ， 無 法 接 受 。
評 語 ： 劣 劣 劣 劣 劣

longlong媽

ic...咁您報左學先啦, 我個同事都係報左先, 係琴行租琴室練左一個月先至叫miss同佢去揀琴架...您又唔洗急得咁緊要既...慢慢都唔遲啦...

whitewhite311

其實呢``我之前己經學左兩個月架喇,係琴行租琴練,但最近返工D時間唔夾,所以冇學囉~~~

whitewhite311

丫`係呀longlong媽`想問下你可否介紹一個好的tune琴師父比我呀?因為我想搵個師父一齊去睇琴,咁我照比返錢佢,咁咪有保障囉!?你話呢個方法work 唔 work?

longlong媽

SORRY呀...我冇相熟既tune琴師呀, 我個琴都係今年1月先至新買, 仲有2次免費tune琴都未用, 我都係約tomlee果d師傅架咋...

您既方法都好既...不如您睇下BK其他媽咪幫唔幫到您啦...

Charitymami

我諗個間係黑店, 你唔好上去幫襯佢。

事緣有一日, 我個囡放左學冇打電話向我報到, 直接同工人去左琴行練琴, 佢間琴行又叫"拔x琴行", (係TKO), 咁我就打去查詢電話號碼, 但係佢唔係PCCW登記, PCCW只是查到觀塘"拔x"電話............咁打電話去, 有個女人接聽, 請問佢 TKO 嘅 centre 電話 No., 個女人好惡咁話, 點解打黎呢處搵? 你係邊位? ............我問佢 TKO 係咪你地分店, 佢話唔係, 我跟她 say sorry 收線。

問下啫, 駛唔駛咁惡呀? 睇完你的 post, 才恍然明白虧心人做虧心事, 咁唔老實, 以為人人都係乜周刊Ｄ人打電話去套料。  :tongue:  :tongue:  :tongue:

whitewhite311 寫道:
唉~~我剛剛打電話去問個女人,我今日睇中果部 u1既serial num,佢又左推右推唔肯話比我聽.........
話到時上去再睇,跟住又話而家做緊野,唔得閒住,得間回覆我.....
唉~~買野真係煩.........
我都係諗住好好地買部琴彈下姐~~

daddy_mike

you can consider digital piano, it is around $10000 (already very good) at Tom Lee, the feeling when you play is very similar to the traditional one, and you do not need to tune it, it is light weighted and more compact, and you can record your music to computer!

小袓

BK有個mami(我唔方便透露係邊個)，早排響yahoo拍賣場見到部2手琴，佢覺得價錢ok，於是約個賣家出黎試琴，試琴當日，佢約埋我一齊去，我地上到去先知原來賣家就係「拔x琴行」，位置響觀塘地鐵站附近某工廠大廈。

其實一上到去我已經覺得唔妥，琴倉入面有2個人(應該係2公婆)，有個阿伯正在將琴膽拆出及修理(?)，另一個阿姐就不斷游說果位mami唔好買平琴，改買yamaha。因為果位mami本身唔識彈琴，加上心急又易信人，於是最後都無買到響2手市場post果部平野，反而買左部過萬o既yamaha。

琴倉果個人同佢講果部yamaha係display琴，用左10-15年，100%日本黎，包送貨調音及保養，之後果位阿姐仲搵正在拆琴膽果個阿伯示範，邊大讚特讚部琴d聲有幾清幾靚，當時我已經警告果位mami，睇定d先，唔好咁快比錢買，但佢一意孤行，立即落訂。

5日後，鋼琴終於送到佢屋企，點知佢上網check，發現琴身編號位置與yamaha網頁教人辨別真偽所講的有所出入。之後，佢再搵其他調音師傅上門檢查部琴，發現琴膽、琴搥通通不屬於yahama原裝。

我自己也彈琴，我覺得，買琴千萬唔好貪平!!!用萬多兩萬響琴倉買部冒充貨實在非常戇居。即使真係能夠買到一隻yamaha，琴齡肯定over 30年!!!

whitewhite311

多謝大家的回應``
越看真是越覺得世風日下~~~~
點解而家D人咁無良架!!!
其實我本身都好易信人的,那天都差不多決定要買了,好彩上來post一post,如果唔係就真係買到假野了!!
我原本都覺得琴倉果位呀叔講野都幾中肯,係之後打去問個serial num先覺得佢地好有問題架!好彩好彩~~~~
我今日去名古屋睇過,有幾部二手yamaha u1,一部11000,另一部14000,另一部u3仲平,都係16000,睇睇下又覺得好吸引,但諗起果日既琴倉事件又有D陰影........
我而家諗諗下都係去tomlee買部珠江牌算了,13000,115 pe3,今日去睇既,覺得都ok咁,都係唔夠膽博了~~~~
唔識琴想買琴真係慘```好似除左買新琴就別無選擇了~~

longlong媽

點解唔買部yamaha LU90呀(唔知係咪咁上下model no.), 好似都係兩萬蚊鬆d咋喎, 爭少少姐. 不過好似係印尼裝咯喎, 我都唔係好記得.  放翻出去都貴d啦. (雖然YUNGDI LI細個都係用珠江牌)

whitewhite311

我都想呀`但我原本預算係(萬二-萬六),所以都係冇得諗@@

haohao

whitewhite311 寫道:
我都想呀`但我原本預算係(萬二-萬六),所以都係冇得諗@@

唔好買琴倉0的琴啦，不如試下月供或者私人轉讓哥0的啦！