請教各位專家,葵青區有那幾間出名小學?

kak1021

我一家人搬往葵涌居住,小女明年上小一,請教各位專家,葵青區有那幾間出名小學?

Nymph

你住葵青區边度呀?     

睡寶

我都住葵涌, 64網
thanks

christina

仁立/仁紀

EmilyBB

這兩間是65網噃。

christina 寫道:
仁立/仁紀

AlanB

Hi,

仁立/仁紀為什麼出名，是因為林護嗎？

Alan B

    

愛美

各位好, 我都係net 65, 上星期六葵青劇院外面有個展覽, 有各葵青學校既攤位, 介紹各學校, 經質各老師, 同學, 校長等交談後, 有幾點好深刻既印象想講：
1) 葵青學校, 多數都係舊校舍番新
2) 每班有好多學生, 只有一兩間係小班教學, 有d仲要成43人一班
3) 葵青名校, 仁立, 仁紀, 佢叫左d舊年畢業既舊生番黎幫手, 我問d 同學仔學校如何, 同學既回覆係..間學校真係好好, 我又問功課多唔多, 佢地答多, 好多架.. 再問辛唔辛苦, 其中一個已經即答辛苦, 跟住再補番句, 但間學校真係好開心.
4) 總括o甘多間學校, 我反而至喜歡林金殿, 校長同老師好細心解釋學校, 亦好注重學生既發展, 另外係葵盛信義, 佢地係小班教學, 老師對家長既問題, 好用心解答, 反而有一間唔記得係祖遙既咩小學 (唔係天主教), 位主任好大口氣, 佢話一定要學生參加公開表演 (e.g. 英文or 中文話劇), 跟住我問佢如果小朋友比較內向,你地會點安排, 因為我好相信你強迫, 小朋友既反抗會好大, 適得其反, 位主任話都要嘗試架啦, 因為今日係學校發生既事, 未來係社會搵食都要面對, 唉, 聽完我即刻走去第二個攤位..  另外既名校仁紀, 佢地老師態度都不錯, 不過佢地外表就唔似係老師, 我初初都唔敢問, 因為以為佢地係黎參觀既家長.. 涼鞋, 街坊裝..

以上係我個人既小小意見, 本來我都想試下仁紀, sat 後完全改觀, 真係好煩..

Mrssslui

愛美,
我都有去喎!
點解你話聽完仁紀後完全改觀既?
你覺得有咩唔好呀?
仁立你又覺得好呀?

愛美

Mrssslui, 我去果陣12點幾, 都唔係好多人, 之前都知仁立係一間功課量好多, 好傳統既學校，當日仁立既攤位已經報置好了, 有老師企左係度, 我亦有行埋去睇資料, 不過現場冇一個人埋黎問我想有冇咩問題, 亦冇人派印好既資料比我, 我等左一陣, 都冇人理我, o甘我行去隔離, 林金殿, 當我同林金殿校長傾緊既時候, 有幾位一直企係仁立既老師就企出黎傾計啦, 佢根本都冇諗過要招呼我.  

至於仁紀, 我以為佢地新小小, 問老師有咩方法去幫小朋友涵接升小一適應既問題, 答案係我估唔到既.. 默書會係默d簡單d 既等佢慢慢適應, 天啊, 原來小一既學生要適應係從默書著手, 唔係心理上既適應. 再問老師, 教學模式, 佢一口就講我地只係傳統教學, 冇活動教學, 呢樣我都明白, 間間學校既教學方式唔同, 而呢間學校出名係佢大部份學生升讀林護. 另一個原因係我剛才講既老師外表, 雖然呢個唔係好重要, 但係當日老師係代表學校去接待, 係應該尊重場合, 只係著番似一個老師, 而當日除左有一位著番條裙似番個老師, 另外果d真係好似去完飲茶行過, 我唔係o甘鐘意囉.

Mrssslui

我知你講邊個,佢係主任嚟架!
佢答人冇嚟神氣咁,唔怪之得你咁諗啦!
至於仁立,舊年同今年比我個感覺都一樣,D老師好冇熱誠,好似唔憂咁,完全唔理d家長,你有你企係度,佢都唔sale學校,又唔招呼你.又唔主動介紹下間學校,你問一句答一句,我對佢地都大打折扣.比我感覺係冇愛心,好 cool, 官僚.

愛美

Mrssslui, agree, 冇愛心, 好官僚, 我仲以為我要求高, 好彩你都有同感, 可能佢真係唔憂冇人讀所以都唔彩我地啦..
唔知你SAT 睇完, 對其他學校有咩意見呢.

Mrssslui

如果唔睇升中派位,我就一定唔諗仁立.
其實而家間間小學都好平均,聽佢地講完,反而睇見好多唔出名既小學,十分進取,好多改革,比我有較好印象.
基真 - 係區內唔出名,但佢地真係好為D學生,老師進取,而且中英文有佢地既教學方法.如英文科,佢地打散幾級同學教,相同既程度分小組教授,又用 storybook. 中文就用普通話教.佢地係葵青區嚟講,算係最先推行既幾間.
高可寧 - 不嬲冇好印象,小一只開一班.但介紹個老師唔錯,佢話東華有10幾萬比佢地,增加資源.英文科又同英國文化協會合辦課程,中文科用新加坡既一套教材,聽落比理想中好.
兩間Buddism學校冇聽
另外,許大同都唔錯,有專題研習.

睡寶

我都有去, 可能我係5點幾去, 無咩人又差唔多完, 我同意你地D講法, 想走時有間荃灣商會, 有個人走黎(以為佢係老師, 原來係校長), 佢話因為學校有$, 所以所有課外活動唔使$, 又有進步長金, 校車又唔使$, 如果即場報名即收, 已經可以有課外活動比你啦, 又話小班教學, 真係邊有甘大隻XX.     

愛美

係啦, 唔知點解, 果日睇完覺得d學校好hard sell, 講真我想入都唔係一定入到架, 要抽籤架馬, 總知本來已經唔鍾意net 65 d 學校, 而家仲更加唔鍾意..   

Mrssslui

睡寶,
你講個間學校,佢地係青衣架,我都好好奇點解佢地會出葵芳攞,因為青衣裡面都有一個展覽,佢地冇攞度,主力係呢面.因此青衣相對少D人,佢地想爭取D葵涌區既學生.
佢地真係好犀利,只要填份遊戲紙,就可以參加佢地搞既課外活動,真係好多多餘既資源比我地呢ｄ 街坊.   
佢地係學校外牆都吊起 banner 話校車免費接送,連 lunch 都免費.
佢地都係唔想被殺校,總之收夠23人就掂晒啦!係青衣收唔到,咪出嚟葵涌搶客囉!

Mrssslui

都有唔少葵涌住既人入去青衣讀架.

愛美 寫道:
係啦, 唔知點解, 果日睇完覺得d學校好hard sell, 講真我想入都唔係一定入到架, 要抽籤架馬, 總知本來已經唔鍾意net 65 d 學校, 而家仲更加唔鍾意..   

Mrssslui

仲有一間葵盛李一諤,佢地推出電子書包,又有新翼.

愛美

我知好多入左青衣, 不過青衣本身都唔少千禧小朋友, 怕且都爭崩頭lu.

Mrssslui

係咩!
你點知好多千禧B既?

愛美

青衣唔係好多間好既學校, 同埋青衣區人口已經唔少啦, 我都係估估下咋