讀了兩個月小學不開心

appledai

話不中意小學，想回去幼稚園，我應該如何幫女兒面對這個轉變。半日到全日，從有圖畫興趣班到沒時間參加，由每天公園1-1.5小時到沒時間去公園。每週默書，每月測驗。馬上期中考試，我有告訴女兒不用擔心成績，無論考成什麼樣，爸爸媽媽都愛你。但是我看得出她不開心。
請問大家是怎麼幫助孩子渡過這個時期

粉紅虎

首先要了解清楚囡囡點解唔鐘意返學， 系學業上遇到問題，還是與同學溝通上有問題，先再諗法，對証下藥

appledai

我個女一向都很內向甚至有些自閉。不怎麼和同學玩。其實她默書成績很好，但最近常常無故發脾氣。剛才問她為什麼不開心，問是不是不中意返小學，她說是。問是不是沒時間玩，沒讓你上圖畫堂不開心，她說是。都是我問她答，從不主動說什麼

aryemyem

現今小孩好可憐，由七點起身到四點返到屋企，回家還要做功課和溫默書。我仔間學校全日也只有20分鐘小息，下午吃完飯就上堂直到3點放學⋯

gigilovesnoopy

回覆 appledai 的帖子

睇完你話有得玩到冇，功課壓力多咁多，我係小朋友都唔仲意返學啦。
大人份工辛苦，都想轉工、攞病假抖吓。但小朋友話想轉校，可以嗎？吊頸都要抖吓氣。其實可唔可以每天去公園玩半小時，俾返D時間佢玩，放鬆心情，令佢明白讀書係好開心的一件事，慢慢改變負面的想法。

萬一小朋友的成績唔理想，大人一定要頂住學校（老師）的壓力，同小朋友用正面能量去解決問題。

appledai

平時周一到周四真沒時間玩，每日回到家都4點半有多無少。食些茶點，做功課，沖涼洗頭，就快7點。幼稚園時期的周4圖畫堂就cut了。周5小提琴，落公園1個鐘。週六懶覺，英文，跳舞，做功課。週日主日學。其實已經沒要求什麼了，週5的小提琴是學校一定要參加一樣選的，跳舞是自己喜歡的。下個月決定週六加個圖畫讓她開心下，最近兩個週末沒有玩，是因為要考試了，我想考完後再帶她好好的玩，短途旅行

粉紅虎

囡囡細過時，曾經上過一些playgroung,  小朋友遊戲完後，導帥有5 分鐘討論， 最記得系當小朋友放學回家後， 最好問她今日返學有咩開心事分享吓， 盡量唔好問今日有咩唔開心， 導帥話提及開心事會令小朋友好啲，暫時囡囡這程況，要睇程況而行事，樓主加油， 觀察吓囡囡情緒，再加以安慰

appledai

粉紅虎 發表於 17-10-29 01:08
囡囡細過時，曾經上過一些playgroung,  小朋友遊戲完後，導帥有5 分鐘討論， 最記得系當小朋友放學回家後， ...

你這個方法不錯，多謝！

MrBeast

appledai 發表於 17-10-29 00:01
我個女一向都很內向甚至有些自閉。不怎麼和同學玩。其實她默書成績很好，但最近常常無故發脾氣。剛才問她為 ...

繼續問，pillow talk，同學仔nice 5 nice，老師惡唔惡，小息做乜。另外有冇方法再squeeze 時間出來，如自行接送，跟下功課小d改正，有冇功課堂etc

gigilovesnoopy

appledai 發表於 17-10-29 00:01
我個女一向都很內向甚至有些自閉。不怎麼和同學玩。其實她默書成績很好，但最近常常無故發脾氣。剛才問她為 ...

我囡小時不喜歡，不會同我地講有D乜嘢唔開心或高興。

後來有人提出玩具療法（個名好似係咁），我去上課，其實都幾好玩。

我以前用公仔（其他玩具）作引導性問題，慢慢令亞囡提及自己的問題，進度緩慢。最後，找clinical psychology ，改善佢D溝通問題。

仲有，有D小朋友，好似我囡，唔會同父母講自己的問題，因為佢地知道父母知道後，會更加擔心，寧願同其他人(專業人士）傾，because my kid is too sensitive.  深信你囡囡唔需要這些特別的服務。

HaYi

我覺得如果有些小朋友有點 "自閉" (不是貶意), 佢地會比開放的小朋友更習慣少變模式,  唔習慣一下太多野變,  所以暫時keep 番佢喜歡的野, 好似你說繪畫, 佢會開心些.  

我估你雖說對佢就唔介意成績, 都平日會對佢有要求, 佢是感覺到的. 如你可以接受而佢成績都可以, 唔好去補英文, 留些時間去玩.  反正只是小一, 過得去就夠了, 80定90分冇大意義. 當然如果太差, 就平日溫多少少, 好過去上一小時堂.  

wan_sosin

appledai 發表於 17-10-29 00:15
平時周一到周四真沒時間玩，每日回到家都4點半有多無少。食些茶點，做功課，沖涼洗頭，就快7點。幼稚園時期 ...

小一第一次考試就兩個星期唔玩來溫習，真係辛苦咗少少喎，咁樣到高小點算?
我仔初小時，考試當日都仲會落公園玩一陣，現有高小都仍會落樓下走走，溫書都唔好太過悶，半小時至一小時輕鬆下，不太會影響成績，反而心情愉快些，對溫習有幫助。

manwai11

我相信現今無小朋友會鍾意返學，我囝係其中一個，但我會讚過升左小學叻左，以前幼稚園學唔識的野、而家學識左。

lui

manwai11 發表於 17-10-29 19:11
我相信現今無小朋友會鍾意返學，我囝係其中一個，但我會讚過升左小學叻左，以前幼稚園學唔識的野、而家學識 ...

咁又唔係既，我小朋喜歡上學。常提及學到乜，又唱聖詩（基督教學校）我都好開心。平日夜晚隔晚和她去公園散步。放學都可以去下clubhouse .我地今個星期有小測，今天照去海洋公園。不用太緊張不停溫習既

lui

manwai11 發表於 17-10-29 19:11
我相信現今無小朋友會鍾意返學，我囝係其中一個，但我會讚過升左小學叻左，以前幼稚園學唔識的野、而家學識 ...

咁又唔係既，我小朋喜歡上學。常提及學到乜，又唱聖詩（基督教學校）我都好開心。平日夜晚隔晚和她去公園散步。放學都可以去下clubhouse .我地今個星期有小測，今天照去海洋公園。不用太緊張不停溫習既

brother4

考慮星期六半日温書，剩下時間至星期日脕任玩，估小朋友可接受

retriever

appledai 發表於 17-10-29 00:15
平時周一到周四真沒時間玩，每日回到家都4點半有多無少。食些茶點，做功課，沖涼洗頭，就快7點。幼稚園時期 ...

有沒有跟細路解釋上學的意義？

BTW， 係咪上緊教會學校？ 好多野拉天父落水講，事半功倍。

retriever

lui 發表於 17-10-29 21:48
咁又唔係既，我小朋喜歡上學。常提及學到乜，又唱聖詩（基督教學校）我都好開心。平日夜晚隔晚和她去公園 ...

呢方面是否直資跟津校較常見差異？

一般直資教學活潑D，資源多D 學校活動亦多D。

lui

retriever 發表於 17-10-30 07:40
本帖最後由 retriever 於 17-10-30 07:41 編輯

呢方面是否直資跟津校較常見差異？

我覺得教會學校好d.比起我大女從前那間沒有宗教好明顯冇咁"into".

我女會講返學真系好，返學學到好多野。中英數一樣好重要。我想佢地好多野用「手」學，所以真系覺得自己學緊

章太郎

appledai 發表於 17-10-29 00:01
我個女一向都很內向甚至有些自閉。不怎麼和同學玩。其實她默書成績很好，但最近常常無故發脾氣。剛才問她為 ...

(emoji)