不知是自閉定係過度活躍症呢?

juliet

煩請評估一下,朋友的兒子,行為怪異,不知是什麼問題?

我朋友的兒子2歲時,父母say no ,無論在任何地方他會在地上撞頭或尖叫,拉他媽媽的頭髮,或掉東西,不聽指令,不理人,想要的東西馬上就要,不理環境許不許可,就去做,現在四歲,例如:我帶他去廁所,他急要,就叩全部廁所的門,把廁所內的人都叫出來,又或者他去餐廳吃飯,一坐下就把人家吃過餘下的食物全都吃掉,他媽媽阻止他,他都不理會,直至他媽媽叫人收掉桌面的食物為止,他喜歡離開坐位,坐在其他陌生人的位,和不認識的人吃飯,而且次數很多,坐的目標很多,不同的位置也坐,行為怪異,去玩具店,非常緊張興奮,推開其他正在玩的小朋友,自己獨佔,父母say no,他會大叫,等等....學習方面,只會學他媽媽教他的一種遊戲,其他不願意學新的東西和事物,寫字只懂寫1,3...等等,低於四歲的能力.....

仔女亞媽

呢度的媽咪問的大多是關於自己仔女的嘢, 好少問朋友仔仔的事??? 呢度是一個"真誠"的平台,大家媽咪之間都很担白, 同互相支持的.

LPYdad1

Totally agree

juliet

因為他媽媽很不接受,所以我才幫他問,希望你們可以幫忙!

pocoyo123

如果連媽媽也不願正面面對小朋友問題, 傍人又如何對她提供幫助, 駝鳥政策只能拖延時間, 絕不能解決問題, 受害只係小朋友

szeszes

如果佢父母唔理會, 唔同佢去搵專業人士評估 或 訓練

知道佢係什麼事又如何呢?

Torres

如果他仔仔已經四歲, 又未被評估, 應該盡快盡快去私人or政府去評估, 已你所提及的行為都頗為嚴重! 快快去找一些合適的訓練給他, 一定可以改善!

juliet

我都已send了一些有關資料給她,但她沒有回覆我,我想問他現在k2,學校有沒有評估的?

szeszes

小朋友已上學, 咁佢既老師有沒有任何投訴? 又或者, 有沒有老師叫佢去搵專家做評估呢?

我仔仔既 case 係 ... K3 老師係仔仔開課後, 1個月左右, 來電講 ... 仔仔言語發展及自理能力與同齡有明顯分別, 同埋好怕羞及社交唔係太好, 叫我地返去搵健康院 CHECK 下, 咁我就致電去健康院要求見醫生, 之後, 比左個期我見健康院醫生, 呢位醫生仲話唔覺仔仔有問題, 佢仲話我仔仔唔會有自閉 (因為仔仔當時有同醫生玩一些合作性既玩具), 係我仔再三要求下, 醫生才寫轉介信比我, 叫我去 CAC (兒童智力及體能評估中心) 約期, 前/後等左2個月就先見 CAC 中心既護士, 護士比左一些問卷, 叫我地將問卷交比老師填寫, 再寄回

咁再等3個月左右, CAC 中心來電通知, 心理專家做評估, 出來結果有 "自閉徵狀", 我又拿著 CAC 中心既轉介信去排 QM 精神科
[即係我由仔仔 K3 - 2010年9月底開始搵健康院, 而家要到2012年1月尾先見 QM 精神科醫生, 我仔既 CASE 叫做快証, 前後都搞左1年半; 好彩既係... 我仔仔 CASE 唔係典型, 樣樣都係少少, 即係擲界既一群]

咁你朋友小朋友仲未做評估, 而家都 K2 啦!! 叫佢唔好浪費時間啦!! 因為呢類小朋友係有黃金期去訓練, 過左就好難去糾正

你朋友既 CASE, 明顯係比較嚴重 D 果只, 勸你朋友早日接受事實, 正視問題, 咁先可以幫到小朋友的

[ 本帖最後由 szeszes 於 11-10-6 11:38 編輯 ]

juliet

佢話學校miss懷疑佢個仔係過度活躍症,係學校成日無顧大哭和善自離位,有時要小朋友即時打電話給她才不哭,她說突然掛住媽媽喎!@@真頭痛!其實我朋友是知他的問題,但他怕check左係嚴重果d,可能冇得選正常小學,確實又係..... (很同情父母,又可憐小朋友!!)

[ 本帖最後由 juliet 於 11-10-6 15:37 編輯 ]

szeszes

你叫佢唔好擔心啦!!

只要係智商正常, 都會叫小朋友去讀主流小學呀!!!

我朋友有個 過度活躍+專注力既仔仔, 佢仔試過一次無食藥返學, 亞仔走左去用廁所塞住耳仔, 走去操場 (小學) 大叫大喊, 嚇到成間學校既老師死死下; 呢個小朋友今年都升中一, 仍然係主流中學, 佢無咩樣特別大問題, 社交都 ok

juliet

但怎麼看出他是智商正常呢?因為他很多東西事物都不懂,4歲像2歲智商,算是正常嗎?

szeszes

智商呢家野, 梗緊要搵 CAC 中心 (兒童智力及體能發展中心) 入面既 學家 或 醫生 CHECK 出來啦!!

以你所講, 4歲得2歲智商, 已經就有問題啦!!

你同你朋友講, 佢小朋友而家 K2, 2年後就要入讀小學, 講真 ... 如果小朋友發展係低左2年的話, 你估上左小學後, 會唔會跟得上進度呢? 跟唔到進度既話, 又點讀上去呢?

叫你朋友正視一下問題, 做下評估, 搵下精神科醫生啦!! 等佢地幫下佢手, 搵搵小朋友問題, 有沒有藥物幫助一下佢啦, 我眼面有過度活躍+專注力不足既小朋友, 係藥物幫助下, 可以追得到進度 (當年我果位朋友, 2歲大時, 被評定弱智添, 去到搵精神科醫生才知係過度活躍+專注力不足, 影響佢學野, 加上呢個朋友屋企環境不差, 比左好多私家治療佢, 小朋友追返晒進步, 今年仲派位入讀中學, 成績唔差)

如果唔理既話, 一路下去, 小朋友去到升小一, 學習既野係 "幾何倍數咁增長", 你叫小朋友點學呀?

如果你朋友為小朋友著想, 真係做下評估先啦!! 講真一句, touchwood 真係出左來既結果係有嚴重問題, CAC 中心都要你朋友簽名批准, 才會將報告轉交去教署育既... 你朋友一日唔簽名, 佢地都唔可以咁做

因為我仔就係評定有自閉徵狀, 果時, CAC 中心都要我簽名批准才會遞給教育署, 而教育署都一直 HOLD 住份 REPORT, 直到我仔辦好入學申請 (即係小學唔可以拒收) 後, 教育署才再來電, 再問多一次, 係唔係決定將 REPORT 交比學校既

我當時決定遞交, 而學校社工 及 亞仔班主任都知我仔有呢個問題 ... 不過, 經班主任1個月既觀察, 唔覺亞仔有咩野問題, even 社交及言語表達都 ok!! 只係喜歡周圍望, 好八卦, 但係八卦得來, 又聽到及明白到老師所教既野, 所以無問題, 老師仲覺得佢算係聰明仔一名添 (講真, 我仔係認知與同齡既好, 我才唔擔心)

juliet

szeszes多謝你咁詳盡解釋,但可惜我真係有心無力,今日我send左有關自我評估資料比佢.佢回覆我話已做左應該唔係喎!!!.....既然佢咁講,我仲可以點講,唉!大家都叫佢,佢都唔聽,唔通真係要到小學跟唔上,被踢出校先至正視?學你話齋,宜家小學功課非常煩重,我個大仔宜家小二,每天背默測試,真的好多,如果到時我真係不敢想像,做朋友都做到無能為力,見佢死都冇得救佢,唉!......

[ 本帖最後由 juliet 於 11-10-9 01:04 編輯 ]

szeszes

所以, 好似我第一句就講, 如果家長本身都唔接受, 又去逃避報告結果的話, 其實你點幫佢都係無用

pocoyo123

呢個世界有好多自私的父母, 佢地覺得面子比兒子重要, 奈何!!!!!

Capricorn2521

so sad..... 四歲了.....

xixi1218

如果你朋友不聽你的建議，也沒辦法。世上沒有後悔藥吃，一切都要自己承受結果。爲什麽父母不趁早積極做多一些事情呢？？

如果可以時光倒流，我會更早去面對，更早去了解，更早去檢查和訓練。。。。。。

juliet

我今日去探訪一些有自閉症和發展遲緩的小朋友,佢0地媽媽真係好有心,他媽媽一d都唔覺得照顧佢0地辛苦,而且好錫佢,佢好正視和接受佢0地的問題,好樂觀好快樂咁面對,我真的佩服和敬佩他們...... (媽媽們努力,你們的小朋友一定會在你的適心照料下,有很大的進步,看完他們後,覺得媽媽很偉大.....)

[ 本帖最後由 juliet 於 11-10-9 01:14 編輯 ]