致某某小學既校長 !!!!

家熹媽咪

[size=medium]Deae all :

早2日接倒個電話 , 好唔開心 ! 我有個朋友佢個仔喺出面考咗間直資小學 , 由交表到 interview , 到收倒通知 , 我呢個朋友都好開心 , 點知 , 到佢去學校交留位費時 , 學校竟然話唔收佢個仔 , 佢都好突然 , 唔知發生咩事 , 一問之下 , 校方竟然話 , 因為佢個仔唔係香港出世 , 所以唔收得 , 我真係好想打電話去果間小學問 , 既然你地係咁去衡量收生標準既 , 咁當初你收表 , interview , 出信收佢時 , 點解唔一早講 , 等個家長個小朋友過完一關又一關既時間 , 佢地先至黎出聲 , 咁唔單止會對個小朋友做成影響 , 因為個小朋友真係好鍾意間小學 , 對個家長黎講 , 亦都係一種好大既侮辱  , 既然唔想人地失望 , 做咩要比希望人地 ! 話晒 , 你地都係出名既小學 , 希望你地可以想一想 , 今次你地既做法 , 係咪有點兒那過 !!!!!

[size=medium]*p.s : 我今次打呢段說話出黎 , 只係想導出我既不快 ! 希望大家唔好問我有關小學既資料 ! thx~ :cry:  :cry:  :cry:  :cry:

Daisyma

非常過份的學校!...替你friend不值!   

Enchante

直資小學, 因為唔係香港出世 , 所以唔收得
If their son has the right to live in Hong Kong, I can't see any reason for that 直資小學 to turn down his application.   

洋子

真是太過分了, 其實我的仔仔都是在上海出世的, 我從來都唔覺得這是個問題, 有這樣質素的校長, 這家學校備我都唔去, 費事影響小朋友的成長.     

Daisyma

Charlotte_mom 寫道:
下? 一收form已經知唔係香港出世啦
本身有咁既standard已經好唔arm, 仲要俾false hope, 真過份
個校長咁都講得出口, 去平機會投訴啦 :evil:

Agree!! 或去education dept.了解吓!!   

mom5354

Is it St Paul Co-edu Primary School ??

winma

吓    唔係掛，咁呢間直資學校好極有限   

786

如果是直資學校, 是受教署資助的, 是納稅人資助的. 其學生是要合法的香港居民才能接受資助.

若果是澳洲或美國出生的港人子女"外國公民", 也要在本港居留七年才成為合法的永久居民.

但該校也應查明申請人是否香港居民才發出合格信, 該校實有手續勉強之疑.

Msma

786

係呀， 呢d小朋友係只可讀國際/ 私立 學校，其實都無乜唔對，我地去外國都唔可享受教育福利，都要係公民先得 !

但學校真係係有責任去check 下先好叫人注冊窩 !  

patee

嘩~~

D profile 唔睇不特止,

連申請表都唔睇,真過份.

家熹媽咪

[size=medium]Dear all :

其實我呢位朋友佢本身係菲律賓籍人仕 , 佢仔仔都係喺果邊出世 , 但因為佢老公喺香港工作 ! 係長期果隻 , 咁佢地就舉家移民到HK , 雖然未完全有居留權 , 但佢地都喺HK生活左好幾年 , 而家個問題係 , 我果位朋友佢喺他方都係教中學既 , 知識水平一D都唔抵 , 佢只係唔知點面對仔仔 , 但就冇嬲過 , 佢同我講時 , 我真係好嬲 , 但佢倒返轉叫我唔好咁激動 ! 成件事個問題係 , 點解間學校可以咁 , 唔係先CHECK 清楚個學生知料先架咩 ! 就當佢第一關收表時冇睇清楚 , 咁第二關打電話通知佢去interview 時 , 一聽見人地同全英名對答 , 係咪或多或少都會再覆一次個小朋友知料 , 睇吓個小朋友乎唔乎合呢間小學既雖要 , 我再當佢第 2 階段都睇唔清楚 , 去到interview 果日都知喇掛 , 人地2母子都係用全英名對答 , 係個小朋友用佢緊餘既中文知識答問題 , 咁個老師都唔知 ..... 我再當埋第3個階段你都攪錯喇 ! 咁校方出信比個家長前 , 乜唔係應該要再覆核多次小朋友知料 , 及所有全部咩 ? 做咩要咁大整古 ! 最好笑係 , 我位朋友 , 同學校要求 , 自己比多 2 倍學費 , 校方拒絕 , 重話唔係錢既問題 , 只係唔想對本地既小朋友唔公平 , 咁 , 難道對呢位小朋友又好公平咩 ?

[size=medium]對唔住咁多位 , 我只係一時激動 , 先開呢個topic , 唔係有心作挑引 !

家熹媽咪

[size=medium]我好希望某某小學遇過有咁既case , 就自己撿討一下 ,  我果位朋友唔係要抓爛塊面要你收佢小朋友 , 只係 , 我作為佢一位平水相識既朋友 , 真係好想抱不平 , 講到底 , 今次個問題在於你地學校 , 希望你地可以小心處理呢件事 , 無為令更多人被整古 !!!!!

噓 ~~~ 講完之後舒服晒 !!!!!!!     

小小bb

直資是用納稅人的錢, 不收非香港永久居民是對的, 但學校應該一早看清楚才收生

judy

直資唔得，可以報私校，很多私校之學費不貴，質素也不錯。讀幾年後，拿到身份证再轉也不遲。

麟媽媽

港人享有本地教育福利，
如果你朋友不是港人，只拿working visa，
孩子亦不是港人，只是居留於此，
不能享受呢個福利真的無可厚非。
學校在招收學生時有不對的地方，
但發現了都是依照程序做罷。

家熹媽咪

我墦然明白到學校有咁既難處 , 只係 , 換轉個角色係麟媽媽你 , 過左咁多關 , 到交留位費先知道自己唔可以讀呢間小學 , 咁你會唔會一句 "算啦" 咁就算丫 ! 我知道而家做咩講咩都係冇用 , 只係 , 喺我角度 , 我覺得呢件事上面 , 的確係好兒嬉 , 我開呢個topic , 都只係想提醒一下各各學校 , 收生時一定要了解小朋友資料 , 先好作出安排 , 講到底 , 我果位朋友都冇嬲 , 冇覺得被玩 , 咁做朋友既我 , 可以做d咩 , 都只係上黎同大家分享下我既心情 !

家熹媽咪

judy 寫道:
直資唔得，可以報私校，很多私校之學費不貴，質素也不錯。讀幾年後，拿到身份证再轉也不遲。

我都係咁同佢講 , 冇計 , 而家真係咩都唔做得喇 , 佢都出去4圍搵學校 , 希望佢今次可以真正入倒間好既學校啦 ! 多謝你 !

麟媽媽

家熹媽咪,

無辦法喇，學校程序出錯，
學校都一定有唔對既地方。
不過身為expatriate，
亦有責任了解當地教育制度，
正如外籍朋友受聘於香港，
佢都會替孩子搵呢方面既資料既。
叫你朋友不用灰心，
香港還有好的私校，
你朋友的是仔或女？幾年班？
需唔需要全英環境授課？