post

PacoMum

post

Charlotte_mom

想問下: 你仔仔有幾坐唔定先? 首先你都要明白, 咩種類既學校都好, 都有需要坐定定既時候, 而分小組討論/活動時, 合作唔搗亂亦係好緊要的, 點講都好, 一班有30人, 老師都要控制秩序呀

我仔有專注力失調及過度活躍, 有時都會有d"脫線"行為, 老師都會按情況作出反應的, 例如小一我已經同學校溝通, 班主任會安排佢坐前面, 同埋會group d 乖d既同學一組, 有時佢"衰左" (多數都係多手多腳攪攪震, 或者發脾氣將d書好大力咁掟去檯面), 老師都會要求佢time out (課室裡面teacher's desk隔離有個位, 係班入面既靜思區), 當佢上堂唔專心, 可能會無小息罰去205室補做, 當佢跑就罰無小息靜坐, 當佢太離譜就要上7樓教員室聽老師"哦", 老師會打俾家長講返咩事, 老師點處理, 我仔試過校車上唔守秩序, 俾老師refer左去訓輔組"勞改", 寫悔過書呀, 但老師亦知道唔可以成日罰到佢地無晒小息, 咁又會影響左小朋友社交

我地講"合理consequence", 錯左係有後果的, 好多人以為活動教學既學校無規矩, 其實並唔正確, 你睇我仔就知

不過我相信學校接受到一般既活躍好動既

PacoMum

post

ziyi

小息可以去跑步徑跑呀
穿校服也可以配球鞋....方便小息去跑步徑跑呀
去跳繩

PacoMum

ziyi,  多謝你的回覆.

很高興學校可以有跑步徑給學生在小息時跑，加上跳繩，足夠消耗他們多餘的精力。相信頑皮的机會也會减少。

Charlotte_mom

係呀，之前曾經有媽咪問同一條問題：小息可吾可以跑。當時我仲吾明佢想問咩，心唸小息點解吾跑得？後來至知原來真係仲有學校小息只可以留喺課室！！呢方面，港同開明多了，擺明可以著波鞋返學，方便跑（不過缺點係，攪攪下，家長連黑鞋都費事買，去到學期尾影班相／表演要著黑鞋，頭都大埋）。同時補充一點，如果吾喺跑步徑跑，走去操場樓梯跑，風紀一樣會捉的，後果就係靜思己過了。至於小朋友拉扯，視乎咩情況啦，有時小朋友吾識，玩下玩下都有機會受傷，所以適當情況下，老師都會勸止架

PacoMum

Charlotte_mom, 你補充的資科很清楚. 港同是一間開明的學校,會站在小朋友的方面看. 相信小兒如在這裏讀書一定很開心.  當然明白纪律也是要守的啊!

謝謝!

sumchanma

我都鐘意俾地方小朋友跑的學校，我知有學校旅行都唔俾小朋友跑，難怪越來越難入港同

Charlotte_mom

港同係一間好"以學生為本"既學校, 例如俾著波鞋返學, 冬天羽絨無指定款式(我聽過我同事個仔, 讀某名校, 著羽絨返學, 風紀話今日11度, 未夠10度, 你唔除我扎你名, 個細路就凍左一日), 訂飯可以續日訂, 報校際學校全部會簽唔駛揀, 唔操tsa等等, 好多學校都做唔到

佢地唔會好似d名牌幼稚園咁offer帝皇式招待, 而家企o係一個錫學生, 教好學生既態度去唸, 生命教育我地會做, 有家長講過好impressed, 未試過有小一簡介會花1/3時間講生命教育, 從最基本教佢地尊敬師長鍚屋企人, 到一家大細出動既全校愛心活動日, 到請d再生鬥士黎做分享, 到p5,6要小組去做義工(傷殘機構, 幼稚園, 弱智人士中心), 你去學校website睇下就知學校一路有做, 如果學校唔鍚學生, 唔會side時間攪d咁既野

而家長揀學校都係鐘意學校呢d野, 會肯去配合, 所以家長教育我地都會focus o係親子溝通, 教養孩童等, 學校會明白教一個細路係多方面, 唔係淨係學業lor