分享現在考小一的情況

kit-long

各位努力的家長:

我是今年考2012-2013年度小一的家長.

今年阿女考小一,我一早就為她作準備,找資料,去了解哪間學校,出些問題問下阿女啦!

一間接一間報名,填表,影印資料,今年好,好多間環保不用太多個人file.

擇下面試日期,一路陪阿女去考,有些連家長都要見.

今個星期連續三日都要面試,兩母女非常疲倦,剛剛才起牀....

不知結果如何,好似大人見工,那麼快大人的社會,已在5歲的小朋友出現了.:;pppp:

若其他家長有感而發,歡迎在此分享!

hoikiuma

我同你一樣由上年開始找資料,今個月攞十幾日大假陪ah囡interview,因考幼稚園時我入左醫院攪到有d冇去到in,有d要交留位費都過左期,所以今次要努力d,唔知係咪昨天太多面試今日終於都病左

無氣同你講

我近月只考三間, 每間相隔最少一星期, 冇撞日子都已經覺得好累.......真佩服那些報10間8間, 加報自行.....的家長, 真係難為天下父母心......

最辛苦係等結果.....

[ 本帖最後由 無氣同你講 於 11-10-9 11:54 編輯 ]

Laney

This is the words I wrote on FB today! feel so relief after writing these...
終於與孩子一齊共同完成三間小學的面試，很奇怪，沒有如釋重負，心中的負擔反而更多，我一直希望孩子能夠快樂，但原來愉快學習真的不是太work！現在的小學考的要求的彷彿已把這些K3的孩子當成小一生，期望你中英數常普通話樣樣得，因後來人事關係得知很早前一間小學reject孩子的原因，其一是因為孩子跟老師唱歌跳舞時先觀察，不是立即"un"，我才驚覺原來這些學校容不下
觀察形的小孩, "un"慢D都唔得！當然孩子是有些害羞，我絕對理解他的心情，點解我要係你面前聞歌起舞呢，我不是一隻雞或一條蛇啊！難道沒有立即"un"就代表我沒有節奏感？！不過這些過程讓我了解孩子、我自己、甚至其它學校、家長、小孩更多，感謝天父讓我的孩子是獨
特的，沒有人能如此用半小時或一個小時就能判斷他是否可取，因我相信在天父的眼裡所有小孩子也可愛及可取，當然對我, 孩子更是無可比擬的，欣賞他的內斂，欣賞他的盡力，欣賞他每次也抱著喜悅的心，小小人兒便要面試，沒有氣餒沒有失望，不懂答問題就如實說不知道，他有著無比的勇氣和正能量呢！更感謝天父讓孩子有一間很好的小學作back up！無論之後結果如何，我相信也會是天父安排而且是最好的，最好的不是用人的眼光去量度，是用天父奇妙的大愛為實

[ 本帖最後由 Laney 於 11-10-9 20:47 編輯 ]

HaYi

我們都已完了第一輪的所有學校, 可能是所選校的關係(開心學習為主), 所有學校的內容又不如想像中難, 名校聽其它小朋友說的內容, 自己個又好似說咩都冇.. 不知是否名校早已安排大部份陪跑人士得個樣做左面試就算.  所以亦沒甚麼特別的期望.

simonchoy123

經過這幾天的面試了解, 我真的想知現今小一課程是要學生學什麼呢?????
同時我真的覺得所有小朋友都很叻.一天要走幾場面試. 就算家長只是在等都感到累,何況小朋友要答問題.所以在此向所有小朋友致敬.

仕澄母

對，我們從他在升K2時已開始準備小一的學校包括私校直資和統一，因為我們都是三無人士，所以特別困難（無宗教，無兄長，無母校因已殺校）。

hin216

難為天下父母心..........

莎莎莉莉

同阿仔報左四間直資
考第一間最認真(我講我)
考第二間已當係有少少玩.
考第三和第四間(同一日).,
已有點當係: 完成任務就算.
其實我擔心來做乜.
阿仔才是主角嘛.
我做的, 只係準時帶佢出席, 同埋同佢講聲give me five, 跟住就入去.
玩埋英華校長interview, 應該就無啦(我都無expect有第二輪.)

直資唔收, 咪安心等大抽獎囉.

我的心態係, 入到邊間都咁開心.
到時派位不理想, 咪叩門啦.】

im_csb

係搵學校的過程, 學會了更欣賞小朋友, 學會了不要比較, 不要在起步點時, 已認定小朋友是什麼類型,  真的要多點了解他們, 他們一邊長大, 都受著家長的影響.

lidoenwai

Laney, I share the exact same feeling with you.  How can those schools judge kids in a short interview.  Even if the kid can answer the question correctly, I am sure there are many of them who can get the right answer.  How are the schools going to pick?

gyeung77

I only applied for 4 schools but my friends said that I am not a good mum - I don't care about her future.

GIPW

Give a big hand to ourselves and our children

尤其看著熟睡的小孩才剛5歲 就要經歷好多interviews.  I think they are really tough. He seems to grow up a bit after each interview and will tell me which one he think is easy and which one he performed good.

I think it is easier to find a job then to find a school

ParcoBabyBaby

我上年就系甘樣
而家讀樓下津小， 一樣很開心的
^_^

Cookietk

原帖由 Laney 於 11-10-9 11:50 發表
This is the words I wrote on FB today! feel so relief after writing these...
終於與孩子一齊共同完成三間小學的面試，很奇怪，沒有如釋重負，心中的負擔反而更多，我一直希望孩子能夠快樂，但原來愉快學習真的不是太work！ ...

"無論之後結果如何，我相信也會是天父安排而且是最好的，最好的不是用人的眼光去量度，是用天父奇妙的大愛為實" - 這就是我心中最想講的說話...

sytw

係由整portfolio寫cover letter到而家去面試，都令我自己更了解呀仔，亦都知道佢強項弱項，可能因為呀仔本身都鍾意面試（佢當去玩），而我自己係全職媽媽時間上彈性d，其實我係好enjoy今次同佢一齊並肩作戰既感覺，當然有時都會覺得咁細個人仔要經歷咁多好可憐，不過overall我都覺得係一個開心正面既經驗。
而家小朋友越來越叻，所以d學校越考越深去揀人，其實係半個鐘內去決定個小朋友合唔合學校要求真係有d兒戲，對慢熱既會好蝕底，所以我諗小朋友入唔入到去讀都好睇佢同學校有冇緣份。

MaiGao

原帖由 gyeung77 於 11-10-9 23:39 發表
I only applied for 4 schools but my friends said that I am not a good mum - I don't care about her future.

那我也不是一個好媽媽
我報了四家直資，一家私立
沒有撞時間，但為了上學，放棄了私校的面試
直資面試也沒有為兒子特別預備
反而盼望抽中心儀的津校…

wing

我果個係細女,無宗教分,家姐讀直資小學,無得加分,所以只得適齡果10分. 以前家姐升小時, 屋企環境好D, 有興趣班, 有証書, 加上出生率低, 大家都無咁緊張. 而家到細女LA, 無興趣班, 無証書, 出生率高, 我開始識驚LA. 直資同私小其實我地唔啱, 因為要俾學費, 但唔報又好似對唔住亞女咁, 覺得點都應該俾佢去試下;

由一開頭,我已經知道自行無望,為的係最後的叩門機會;加上小女鐘意自己KG既小學,所以抱搏一搏既心態. 但有人覺得我咁樣搏好傻, 應該揀一間自己網內既交自行, 機會會大D;

尋日一連去兩場INTERVIEW, 我比亞女緊張好多, 唔知點解, 其實我一早就覺得亞女去係陪跑, 但都咁緊張; 我都只係交咗3間直資/私小咋, 諗緊報唔報多一間. 見到亞女尋日個樣, 我好心痛, 佢好倦, 要一早起身, 直踩到下晝, 有時係度諗, 咁辛苦究竟係值得定唔值得

教育制度苦了家長之餘, 最苦係小朋友

WCYH

如果心態係入唔到便等抽獎加扣門，自己和小朋友都唔會盡力；因一早有準備，小女學術中上，她沒參加公文，認字，ENOPI，只是買exercise做下，學校學術一般，但有上面試班，經過兩天面試，我們in的全是名校，學術問題難不到她，她聲稱自己主動說早晨，態度自然，因記得我教的禮貌，她認真對待面試，一早告知一日幾場，她也從容，這是我最欣賞的地方。就算全部失敗，我都覺得無撼，因她已盡力，仲比想像中好。她亦知入唔入我都好支持她，所以冇壓力。

青青河邊草

原帖由 WCYH 於 11-10-10 04:48 發表
如果心態係入唔到便等抽獎加扣門，自己和小朋友都唔會盡力；因一早有準備，小女學術中上，她沒參加公文，認字，ENOPI，只是買exercise做下，學校學術一般，但有上面試班，經過兩天面試，我們in的全是名校，學術問題難不到她，她聲稱自己主動說 ...

我想我一直的心態係
唔想仔女係用另一面的面孔去面試
面試前那麼"儘力", 我倒擔心, 老師看到的不是我真實的小朋友, 假如將來收左, 學校expect佢無時無刻都好似面試前咁"盡力". 咁我真係死得

或者有些人覺得咁係唔努力卦
但係, 五歲啫, 唔駛下下拉到條枚根咁痕囉.