如何計算零用錢

Snakemama

阿仔九月升中，現請教各位家長，怎樣計算俾佢嘅零用錢？（除交通、午膳等等必須開支外）
問過身邊的朋友，落差很大。
謝謝！

Yanamami

我頗刻薄, $30/day X 20days = $600.  我俾$650/m, 含MTR車費&電話咭($50用到3個月多d).  我話車佢, 佢唔俾.  我咪叫佢自己出$.  阿公每星期俾佢$100零用, 我見佢儲到1~2千就入銀行.  小妮子都好少消費, 係Easter時大出血買成套Vampire Diaries & 4隻CDs.....禁豪, 我諗佢儲到d$既.  有擔心佢慳埋lunch$架.  但見佢無放學似餓鬼, 應該有食既. 明年F2加$50啦.

One-Mama

"除交通、午膳等等必須開支外..." 咪即係 = 0用錢

其實真的悉隨尊便, 多少因人而異, 有的家長可能考慮埋早餐. 飲料. 下午茶支出. 班會費. 學校雜費. 文具支出. 假期外出使費等等 (even 拍拖費我都有聽過!!) .  最重要與仔女定下清淅要求及鼓勵孩子有固定儲蓄習慣.

好的開始便是成功的一半.  

祝你的囝囝有個愉快的中學生涯!  

Snakemama

回復 Yanamami 的帖子

我勁同意你的觀念和立場。我個仔嘅電話費$100=6個月（唔夠用自己增值-佢有儲埋好多利是$），所以佢好少煲電話粥。
可唔可以告訴我，你個女扣除交通費後還剩多少$？

Snakemama

回復 One-Mama 的帖子

多謝你的祝福。現在他是小學生，對銭的渴求不是咁強。我發帖子的目的是：先捜集資料，然後才同佢傾（唔打無把握嘅仗）。 我一向同阿仔的溝通方法都是：恊意咗先，大家同意咗就唔好反悔。除非有大轉變啦

Yanamami

Snakemama 發表於 12-5-7 17:30
回復 Yanamami 的帖子

我勁同意你的觀念和立場。我個仔嘅電話費$100=6個月（唔夠用自己增值-佢有儲 ...

哎o也! 扣除開支相信唔會有太多餘$.  阿公果$100零用多數儲起.  利是$除左d零頭一概入銀行(不動產).  我唔鼓勵出街, 所以如果special case要去同同學去睇戲之類, 自己出$.  早餐/ 下午茶/ 文具(fancy 野除外)屋企提供.  基本上「需要」由我俾$, 「想要」就自己搞掂. 間中買d佢「想要」既俾佢, 當甜頭.

Chanpp921

會唔會驚佢為左錢買野, 去做d非法野? 如果 $50/day (午飯+下午茶) 又可嗎?

Yanamami

Chanpp921 發表於 12-5-8 08:26
會唔會驚佢為左錢買野, 去做d非法野? 如果 $50/day (午飯+下午茶) 又可嗎?

慾念係無窮既. 最重要教識佢理財, 「需要&想要」, defer satisfaction, saving for the future/ emergency呢d概念, 否則$100/day都未必夠.  要追求物質, 永遠追唔完.  所以先會有人去援交.夠與唔夠保持溝通囉.  要加都要計條數出來俾我睇, 點唔夠法, 合理咪加俾佢.  一開頭鬆, 唔單止收唔番, 只有一路加上去. 睇下個可+可- 機制你就明.  最好去佢學校附近一帶d食肆望下价$(我都有做research, 我囡學校附近lunch $23~32不等)先決定.  $50/day包lunch, afternoon tea+transportation都OK既.

Ahling2004

我個仔F3, 每個星期待300 包早餐及LUNCH.  星期六及日唔計.  照計係有錢淨, 不過又唔入銀行, 話要用來買自已喜歡的嘢. 不過, 講明自已同同學仔出街要自付, 超出電話費要自付.  除非佢出口要幫, 否則自負盈虧.

ANChan59

零用錢適用範圍：
1。放學車錢
2。早餐，午餐及下午茶
3。電話費
4。文具，功課簿，
5。校章，枝呔
6。去街，娛樂，消費

其他由父母支出，但要有商有量，有時不合理者，都唔買。我們有時同他在旺角行街，他會帶我們到不同地方年膳，有平有貴。但是平既多d，因為要就部分同學，有時朋友生日或者

Yanamami

"Snakemama:原來吾道不孤。"

我倆臭味相投.

Glau

1200/m (不含電話費). 車費已400. lunch帶飯, 娛樂, 濕碎野自己買.

Snakemama

回復 Chanpp921 的帖子

正如 yanamami 所講： 慾望是無窮無盡（meaning) 。 要防止你所擔心的事發生，最重要是重視對孩子的德育教育。每次看到孩子偏離咗軌道，都必須立即指出，然後返回正軌。呢樣嘢係父母一生的工作，冇得抖嘅。

Snakemama

回復 Ahling2004 的帖子

有冇俾本簿佢 mark 低啲支出，然後阿媽（通常都係阿媽）每星期喺咁意望一望，咪心中有數囉。

Yanamami

"霖霜B媽咪:你囡囡真乖, 可能係學校文化...我個超大洗 !"

唔全部係學校文化, 囡話同學飯$由每月$600~$1200不等.  不過我囡讀平民學校, 校風尚算樸素.

Glau

Glau 發表於 12-5-8 10:27
1200/m (不含電話費). 車費已400. lunch帶飯, 娛樂, 濕碎野自己買.

有錢剩.  佢好孤寒架., 不過買貴野, 我要佢自己出一半, 咁先識珍惜.

新年12

我諗我最孤寒:
F1: 每天 $5, 因為步行返學, 早餐係屋企食, 午餐係學校食, 基本吾洗用錢, 只係象徵式等佢儲下錢
依家 F2, 佢開始要應酬下, 同同學仔食下野, 甘每星期 $60, (只係星期五外出食飯, 其餘不變) 但條友仔大洗到無朋友, 激死!

dad1234

可能我係另類,F1開始每月1600至現在F6每月2400,叫佢自已理財,從未過問,之前考DSE時同我講銀行有幾萬蚊

Snakemama

回復 dad1234 的帖子

嘩，你個仔（定女？）好厲害啊。 你都好厲害，對佢好信任。我希望我同我個仔都可以做到咁樣。用佢的$來俾大學學費 ^0*

Yanamami

Snakemama 發表於 12-5-8 17:56
回復 dad1234 的帖子

嘩，你個仔（定女？）好厲害啊。 你都好厲害，對佢好信任。我希望我同我個仔都可以做 ...

阿囡今年Music Festival 同考G7報名費+當日夾琴費都係自己出$啊......自己出$, 唔會懶唔練笛嘛.