學樂器--係小朋友自己想學,定係家長想比佢試吓?

CSW

因為我次次問我兒子想不想學樂器, 他都搖頭說不想...
他說想學足球, 籃球和乒乓球...
我現在只讓他上音樂啟蒙班, 學學一般樂理和唱歌等...

所以, 我想知其他媽咪通常是怎樣開始讓小朋友學樂器的呢?

Sindy

係阿女哀求我比佢學架，鋼琴求左我半年，小提琴求左我年幾架

CSW

SINDY,

你係咪之前比好多有關既exposure比佢?
例如:比佢聽classical music, 睇音樂會, 或佢有朋友在學樂器等..?

Sindy

我屋企有個鋼琴，咁我有時都會彈

CSW

我想比佢試吓學violin, 不過唔知佢反應會點?
有無經驗係小朋友最初無興趣學, 但後來又好有興趣學呢?

kayan_329

我係自己話學 不過有時都想放棄 但我個心想放棄我都仍然堅持會學 因為我知學學o下唔學會好浪費屋企人之前供我的錢  

BO_BO

我囡囡學 violin, 是佢求了我一年, 我才比佢學,鋼琴是因為佢在tom lee 上緊jmc , 好似順其自然就學了!  但始終都是囡囡自小喜歡音樂, 我才比佢學的!  反而其他興趣班, 就是我迫佢... 好似swimming ..

cloudless

學琴學o左十幾年, 諗番我細個o個時, 真係好不經意地接觸到鋼琴 (響琴行學畫畫, 聽到o的姐姐彈琴, 跟住就心思思想學琴), 小朋友o個時始終都唔會話咁有耐性, 要練琴, 練得唔好比老師鬧, 有時都會想放棄... 到今日, 我會覺得, 學樂器, 都係一半迫一半興趣。
興趣, 有時候可以係培養出來。

Teresa

係我想個仔學, 佢一定要學一種musical instrument.  而家學piano, 第時佢唔想學都得, 不過一定要搵另外一種instrument代替, 仲要學到highest level可以去教人為止.

babytsz

哎呀, 唔好意思, 我覺得呢個諗法唔係咁好哩!
講下我自己個人感覺。
學樂器, 唔應該以級數/將來o既成就來衡量(我自己係咁覺得)。
我係學琴, 亦係教琴o既。
點解我學琴, 一來係阿媽迫, 問心講興趣真係大個o左先開始有。學琴, 真係陶冶性情, 由心咁去學去認識音樂, 比有目的地去學琴來得好。
而家o的家長, 以級數去肯定自己仔女o既能力, 以鋼琴為例, 考試都係彈三首歌, 有人可以用二個月去死練, 再去考個合格。亦有人會選擇用多o的時間去了解每首樂曲, 接觸多o的音樂家, 先再去考試, 亦都係合格。咁你會覺得, 前者先係有能力, 定係後者?
希望學樂器, 唔會成為o左小朋友一種負擔。亦希望見到學生, 係真心為愛音樂而學。

Teresa 寫道:
係我想個仔學, 佢一定要學一種musical instrument.  而家學piano, 第時佢唔想學都得, 不過一定要搵另外一種instrument代替, 仲要學到highest level可以去教人為止.