BAND1 學校一定係好學校?

Ahling2004

個仔學校係BAND 1 英文學校, 當然有精英班制存在.  個仔由F1 - F2 都係精英班, 不過F3已去左所謂垃圾班. 雖然作為家長極之唔搭得, 但無辨法, 學校是以英文成績為最後依歸. 當然自已個仔係最大問題- 唔專心讀書.  不過, 精英班與普通班分別真係好明顯, 特別係老師資歷及教學的才料.  我的做家長係好易睇的出, 只有小朋友總好似不太願意接受呢個事實. 問題就係出自依家係F3, 出席了2次學校F3選科的講座, 次次都好唔開心聽到學校強調的那句話:  本學校係求學營, 希望各家長及學生明白.  每次聽完, 作為家長的我個心都好唔舒服, 自問:  個小朋友學習真係有困難, 係唔係代表學校要放棄他們? 或叫他們快的轉校,唔好拖低學校名聲或成績? 但係小朋友入的BAND 1學校,即表示佢的基礎唔係好差, 只不過上左中學之後有左轉繳,一時轉唔到過來, 並不代表佢係讀唔到書的人.  點解學校唔加強呢方面的輔助? 成年F3派成績表都唔見家長, 全班只係見左3-5個學生. 真係好奇怪問學校: 好的又唔見, 差的又唔見,咁派成績表有咩意思, 叫自已回去反思呀?  大家都知F3係好緊要, 應該個個都要見才正確, 好的就鼓勵下, 唔好就勉勵下家長及學生. 咁大家咪覺的學校有責任心.  最起碼都要分析下個學生再咁落去有咩後果, 等的小朋友知道下嚴重性, 起左警惕的作用都好.  依家咁樣狀況, 又唔係精英班, 又唔回學校補課, 又無咩特別輔導, 係唔係代表那些唔係精班的學生可以放棄, 可以是是但但或迫到無耐自行轉校呢?  真係好興.  個個作為家長都想自已個仔讀書好點, 有自已理想及方向, 埋頭苦讀. 但總有一批係沒開腦的小朋友, 如果學校唔在意呢班學生, 咁係唔係代表要家長自行尋求方法, 自救自家小朋友?  真係無耐.....

sakura65

回復 Ahling2004 的帖子

好明白Ahling2004家長的心情。我也有一朋友有相類似的經歷。而家在部份的Band1中學，都是以成績為主，學生在校內受不受到重視都是看成績。因為有好成績、才有好聲望、才受家長愛戴......什麼有教無類的校學精神，真係幾難可以找到..............

Ahling2004

有時激氣諗起, 真懷疑當初是否選錯校. 我地做家長又唔可以係仔面前數學校不對之處, 又唔可以話老師教學不當. 總要更加鼓勵佢要比心機讀書, 同佢講老師都有好大壓力, 都好幸苦. 不過, 事實上都要學校配合, 都唔係因材施教.  如果的一班考的好, 其他考的唔好, 咁的總成績及分數都會拉低啦. 到底的學校咩辦學理念呢????

Candywong61

D中學校長成曰話教育局新高中好多問題，但佢地從來都冇提出乜野方式幫學生，成績吾好只係叫你轉校，吾會想辨法幫你，返而band2就不停同學生補底，我朋友仔女讀band2讀得好開心，冇壓力，band1我仔讀緊，你吾好望學校補課，我自己比錢出面補才跟得上，

k_0530_a

原帖由 sakura65 於 12-03-22 發表
回復 Ahling2004 的帖子

好明白Ahling2004家長的心情。我也有一朋友有相類似的經歷。而家在部份的Band1中 ...

有，但在band1學校會小D ，反而在2／3線學校較易搵到。

霖霖B媽咪

Candywong61 發表於 12-3-22 20:08
D中學校長成曰話教育局新高中好多問題，但佢地從來都冇提出乜野方式幫學生，成績吾好只係叫你轉校，吾會想 ...

暫以我觀察, band 1學校會著重學生既自發性, 由於他們收既係band 1生, 根基好, 又或者家長背後支援足, 所以學校會放手比佢地, 可能認為乖果班自己會有動力催谷自己, 而弱果d, 家長亦會比資源佢地.

而band 2 學校, 以我個女既例子, 學生根基參差, 但自發性遜於band 1生, 反而學校會有好多補課, 補底班, 拔尖班去支援學生 (另一方面, 學校都想有機會升為band 1學校吧), 而學校會知道班學生其實有potential, 只不過自發力弱, 所以會比多d引導佢地.

雖然讀得有壓力, 但勝在師生關係好, 老師盡責, 所以囡囡都讀得好開心.

k_0530_a

原帖由 霖霖B媽咪 於 12-03-23 發表
暫以我觀察, band 1學校會著重學生既自發性, 由於他們收既係band 1生, 根基好, 又或者家長背後支援足, 所以 ...

Ahling2004

其實BAND 1 好, BAND 2都好, 最緊要係學校要盡責, 老師要有那顆心. 小朋友係中學過程是一個好重要的階段, 真係好需要學校及家長一起配合.  唔好成日認為學校出卷深的, 以後出去公開試就有的同人揮. 但有無想到, 學生沒出去已無心機讀書啦. 真係頭痛及心痛...

kilykilyk

霖霖B媽咪 發表於 12-3-23 08:56
暫以我觀察, band 1學校會著重學生既自發性, 由於他們收既係band 1生, 根基好, 又或者家長背後支援足, 所以 ...

對於比較弱學生,我也覺得band 2學校會比band 1注重

霖霖B媽咪

kilykilyk 發表於 12-3-23 13:46
對於比較弱學生,我也覺得band 2學校會比band 1注重

同意, 以小女為例, 雖然當年叩門有band 1收佢, 但最後我都揀左間佢鐘意同有潛力既band 2學校.  由於亞女自發力弱及懶散, 但有點小聰明. 與其係band 1學校做被遺棄的一群, 不如去band 2學校, 一來有老師既鞭策, 二來有可能成為受著視的一群. 翻身既可能性較大.  以現時睇, 我既選擇是對的. 起碼亞女知自己數學弱, 自己同另一個成績好, 唯獨數學弱的同學夾錢請一位補習老師補數, 雖然效果未知, 但動機已是一個進步.

98730

回復 霖霖B媽咪 的帖子

霖霖B媽咪:妳好.
      我同妳的想法完全一樣.
      仔仔上年自行時也被B1中學收了.但我們都放棄了.就是怕他失去自信.因太多學校採用拔尖.補底.
      我常說笑說.拔尖補底.中間的變(孤兒仔).
      還有就是在F3時.失去了選科優勢.
      現在學校雖不是B1校.但是以英文教學的科目也不少.還在升值中.
      還有就是.老師對學生的關顧.現階段我都很滿意

Kiufyma

Agreed！

霖霖B媽咪

Kiufyma 發表於 12-3-23 21:49
嘩,霖霖B媽咪及98730,

很高興在這裡又見到你們....絕對同意,如果小朋友在名中學只是中下游,倒不如找一間名 ...

都同意啊, 不過亦要睇小朋友性格, 如果佢自己本身對自己有要求, 有自發性同自控能力高的, 確實BAND 1學校在讀書風氣上會比較佔優... (個人覺得).

HI, 98730,
以我所知, 你仔仔簡直 , 就算係BAND 1學校讀都一樣係叻果批, 學校同科大攪既拔尖計劃, 分分鐘下年有你仔仔份啦!

ANChan59

回復 Ahling2004 的帖子

In HK, no band 1 school, only has band 1 students.


My son never in such elite classes from G7-9, once he clicked, he will be fine.

As parents, you need to be positive, if not, he will sink.......never give up. Education also starts at home, what's your role?

山不轉，人轉。 It doesn't mean change of school, change your attitude.

Ahling2004

唯有係做為家長的自已再鞭策下細路啦, 如果真係變成學校的(孤兒仔),總要係墊"私"底....

Yanamami

Quote: "個仔由F1 - F2 都係精英班, 不過F3已去左所謂垃圾班. "

禁樣講唔係禁好. Self-fulfilling prophecy.....自己覺得自己係乜, 就真係會變成禁.....或多或少你日常會抱怨囝跌入"垃圾班"?  佢俾你remind得多, 會唔會真係覺得自己變左做"垃圾"而自我放棄?

難為我囡一入就係輔導班, 無希望入精英班呢!  但又如何?  書還是要努力去讀.  我們還是要在旁做啦啦隊.

Ahling2004

當然所謂: "垃圾班" 係唔會在仔面前講, 只會不斷同佢講:自已要努力, 咩班都無所謂, 讀書係自已架, 唔讀精英班都總好, 無咁大壓力啦. 不過間學校真係好明顯對待不同的班, 叻班日日都有人鞭策, 其他連功課都無咩. 不過講來講去都係要睇個小朋友用咩心去讀書...   

98730

回復 霖霖B媽咪 的帖子

霖霖B媽咪.妳好:
         妳太誇獎了.其實我仔仔是個懶散.沒有要求.自信心和自發性比較底的人.所以我才捨近求遠.
         我的 想法其實跟妳一樣.希望小朋友在這校能得到多一點關顧.多一點機會.多一點信心.到中3選科時多一點選擇.這已是我做媽媽最後可盡的力了.(在學業上).上到高中.就要看他自己的選擇和去向.各位媽媽加油.

BBHim

各位,

我正係煩緊, 小兒做大塘小魚好, 定係小塘大魚好..........

是否精英班會好些, 因小兒是聰明..記性好, 但唔肯溫書, 所以唔係頭幾名, 但老師又經常同我講, 他在班內是最叻的答問題等...... 又容易受人影響, 現在讀的地區小學程度淺, 因要就其他學生, 我常唸是否給他深些又讀到, 對將來又好些.

但睇完你地的意見, 又怕他繼續懶散 (雖然是 band 1 生 ), 在 band 1中跌落普通班, 還是在 band 2中的精英班呢....? 還有選科問題, 在 band 1 唔夠人爭選科, 是否影響大學的選科機會..........?

cherrylemon

原帖由 Yanamami 於 12-03-24 發表
本帖最後由 Yanamami 於 12-3-24 10:25 編輯

Quote: "個仔由F1 - F2 都係精英班, 不過F3已去左所謂垃圾 ...

咁啱嘅我女都係中一入輔導班，我同佢講，入輔導班好呀，雖然可能有人會look u down，但其實呢個係一個好好的學習機會，輔導班老師照顧同學會比普通班多，咁你先有進步的機會嘛，分分鐘讀完明理更多，成績會超越普通班一些邊緣同學添呀，學習就係不恥下問！結果我女做到了，雖然今日數學成績唔係好好，但佢不輕言放棄，微小地進步中，我知佢憑住呢種心態，總有一日會成功，學習道路好長，靭力比眼前的分數更重要(^.^)