仔仔詩詞獨誦失準

師奶

今日係仔仔粵語詩詞獨誦比賽,可惜臨塲失準。
在學校班主任睇好佢,在家表現都好好,我都好滿意。
點知個仔尋晚發惡夢,話夢見有鬼。喊到死死下。
今日詩詞獨誦仲失準,問佢點解？？佢話好驚~~好驚,見嗰嗰人都吾識。
見佢鬼咁大壓力，攪到發惡夢tin。我話下次吾好參加啦！
其實我要求佢讀好學校d書就得,物物比賽吾參加都得，好過佢失準時我又吾開心。
冇冀望就冇失望。

東京mewmew

Dear 師奶,

唔好咁失望啦, 我囡都有參加散文獨誦, 佢無失場, 但係佢都唔滿意個成績, 我自己就無乜所謂, 我都覺得我個囡朗誦得幾好架, 但係朗誦呢家野, 我覺得好主觀, 我個女"law"唔到冠、亞、季軍, 佢都好失望架, 我都會有D失望, 但係, 我就教我個囡, 人生幾十年, 讀書都重要讀十幾年, 重有十幾次你去朗誦(如果好彩), 都唔係次次你"win"啦, 有進步咪得"law", 等D小朋友細個時遇下少少錯折, 對佢成長都係好架! 我又唔係好介意佢去呢D比賽, 得失只要平常心就O.K.架啦。

唔好唔開心啦 :wink:  :wink:

Midagemum

我女女2年級果陣時都去報粵語朗誦，連張Certificate都不夠資格(唔夠75分)，當時她見到其他同學仔有cert.強忍眼淚 唔知幾唔開心，話唔再出場表演任何活動，後來我地慢慢引導她，鼓勵她，時不時響家中開朗誦比賽，由我、她daddy同埋她哥哥朗讀(某些地方暗中學她，但唔話俾她知)，由她做評判，她都話我地甘樣甘樣係唔得gei，我地內心唔知幾開心，讓她明白她真係有一段距離，等她明白係一個學習過程，不再賭氣及難過。第2,3,年轉普通話(提早搵人教4-5堂，目的是俾番d信心她)，而且我心裡的期望唔話俾她知(老實講邊個唔想得到獎呢!就算係運氣都係一件好事)，我同她講只要她努力我就收貨，結果得到優良及季軍，從此無晒陰影，今年仲加多一樣英詩添，由學校老師指導，結果都lor到Ah軍。信心要緊，要讓她知道自已是得gei。
有希望唔係壞事，人無希望無動力。加油!!

師奶

東京mewmew
好多謝你安慰！我都明白得失吾應該睇得咁重,可惜口不對心，所以同大家傾下,等個心舒服d。

Midagemum
仔仔係有吾開心,問題出在我身上,因佢感覺到我吾開心，其實當仔仔朗誦到尾聲,竟然背左一句詩,但佢冇停仍然接住正確詩句讀落去，我應該開心先arm,因為佢冇停下來，偏偏我口不對心,我又裝吾出好開心。
派左78分,評語動作有設計、表現卻緊張了些。季軍82分，我就着眼個4分,如果吾失手就好........
係自己對佢冀望太大,失望越大。
尋晚自己平靜返,都讚個仔識"拾"生,錯左都冇停接得返,叻仔。佢就眼紅紅話下次會小心d。

你真係一個好媽媽,可以處理得咁好,我鄧你女女開心,經過努力終於得獎。
多謝你分享心得，今晚我比仔仔睇呢篇，希望刻服左緊張下次表現會更好。

eqqiqq

師奶:
DON'T GIVE UP. IF YOU GIVE UP, YOUR SON WILL LOSE THE AMBITIOUS FOR THIS THING. MAY BE AFFECT HIM TO LOSE THE AMBITIOUS FOR OTHERS.
TRY TO TRAIN HIM AND TELL HIM HE WILL DO BETTER NEXT TIME. WE WILL SUPPORT YOU.  

Vernique2005

So what? 比賽失手又如何﹖

壓力﹐是多方面來的﹐一方面﹐是自己對自己的期望﹐另一方面﹐是老師和家長加上去的﹐既然孩子自己都有壓力﹐會發惡夢﹐那當老師或家長的﹐才是第一個要看開一點的。
一個能快樂成長的孩子﹐可以輸掉無數個比賽﹐但不可輸掉親人的支持。

成功﹐也有多個因素﹐但當中不少得的﹐一定是面對失敗的勇氣和決心﹐孩子還小﹐努力引導他﹐看看有什麼可以改進的﹐重新來過罷。如果一次表現得不太好而就以後都放棄﹐他年紀還這麼小﹐將來還有多少事是他可以放棄的呢﹖

julietta

我而家都有d驚，阿仔下星期一要參加朗誦，呢兩日先至開始練，噙晚先開始練哂成首詩，不過仲有好多地方要執，而且又係第一次參加朗誦，唔知到時佢頂唔頂到，最慘我同老公都帶唔到佢去，只係麻麻帶佢去，我睇今次都係當玩、攞下經驗，最緊要唔好嚇怕咗，下次唔敢去就得。

東京mewmew

Dear 師奶,

咁好敢講啦, 你都係一個好媽媽, 關心仔女, 希望佢地成長快快樂樂。

你仔仔下次一定得架, 比信心仔仔, 比信心自己

warrrren

There are good winners; there are bad winners.
There are good losers; there are bad losers.

Better be a good loser than a bad winner.

Warrrren

easy

Dear 師奶,

唔好咁

珠仔

係囉！千其唔好氣餒，好似julietta咁講，咪當交下學費，下次再黎過啦，唔好比d小朋友見到你洩氣啊，佢好容易受你影響架。仲有，反問下自己今次你同佢參加朗誦比賽既意義係咩？如果純粹為攞獎既，未免太狹窄，我覺得參加任何比賽應該要本著為擴大小朋友視野為目標(因為我的小朋友尚細，只係小一)，等佢見識下咩野叫做勁，點樣為之叻，人地有咩表現，自己既表現又點等等，唔好等自己成為井底之蛙；不要太奢望攞獎，要是真的通過努力而獲獎，那就是一個bonus囉！

raccoon_dog

一場比賽成60人參加先得五個獎,
人人之前又練習咁多次,努力過,
我覺得每位上台朗誦的小朋友都係第一.

15分

啊師奶,

唔係好大件事,一班人比賽一定有Win and Lost. 而大部份都是 Lost.

為咩要精神緊張...還有很多考試同測驗, 點算好 !!!
次次都要 Win, 定話Sure Win才參與.

  

fion414

raccoon_dog,

好讚成妳講法 , 每位上台朗誦的小朋友都係第一!
我個仔下星期三參加學校普通話團體朗誦比賽, 我只叫他朗誦給我聽一次, 佢就好唔想, 好唔自然地朗誦, 佢話成班人一齊佢先夠膽大聲朗誦, 所以我好佩服獨誦d小朋友     

raccoon_dog 寫道:
一場比賽成60人參加先得五個獎,
人人之前又練習咁多次,努力過,
我覺得每位上台朗誦的小朋友都係第一.

師奶

All Ma
其實係老師揀佢參加,我從來都冇主動參加出外比賽,今次係第一次咋！老師賽前打電話比我,提醒我要帶手冊,仲讚佢得,係學校表現得好好,所以我就以為佢真係得,所以佢失手,我個剎那真係唔開心架！我從來都吾迫佢參加比賽,所以從冇冀望。
今次係有冀望以為會得獎,所以......。我自己由細到大都吾係叻,更加未層囉過獎,仲係蠢人一個，我又點會要佢參加就一定要囉到獎丫。我只係以為今次係最大機會囉獎咋！
好多謝各位媽咪意見！我真係開心各位用寶貝時間回應。

julietta

回想好似我地以前細個咁，要上台講野真係需好多勇氣先得，而家d細路已經很棒，呢個社會競爭大，佢地爭唔到唔代表佢地唔叻，其實只係人生一個經歷，唔好太在意！

chanwyf

小女K2, 今年普通話+英文朗誦比賽 -- 很驚, 唔肯上台!

佢訓練時好好架, 普通話老師話小女係佢20幾個學生裏面最好嘅一個, 沒有香港人的口音. 英文老師亦說小女是他的favourite student, 說她有語言天份, 還抽空從老遠看她比賽.  

她第一次比賽沒有上台......從天堂掉進地獄的感覺一點都不好受.  我當天失落得……直情覺得佢前途有限 :cry: ! 係第二次比賽, 我已經接受咗佢未ready, 我心情好得好了.  我沒有難為她, 亦沒有駡她, 因為我知道她心情亦不會好過!  

在往後的日子, 我打算會給她多點上台機會, 但會以群體活動為主,減低她的恐懼.

大家有甚麼活動可提議?