想知道資助或官立小學係咪都要交乜費物費?

pinky8618

想知道資助 或 官立小學要交呢d雜費嗎?
例如 : 冷氣費、學校習作簿費、外藉老師費、參觀費用、自願性課外活動費(校內參加)......
唔計自願性課外活動費, 一個學期交約$1500-2000

雖然金額唔算好多,

但記得自己以前讀小學係$1蚊都唔使交, 一樣有冷氣、有外藉老師、有參觀、有課外活動玩

好奇想問下, 而家係咪間間政府資助 / 官立小學都要交甘多雜費架?

choiman

我地有交冷氣費, 簿費, 如果OUTING就交車費, 課外活動都要收費, 因老師是外聘的

little_yolky

pinky8618 發表於 18-1-29 13:38
想知道資助 或 官立小學要交呢d雜費嗎?
例如 : 冷氣費、學校習作簿費、外藉老師費、參觀費用、自願性課外活 ...

我記得我細個時都有書簿費喎。我當年無冷氣, 無NET, 就無呢D費。不過, 學校唔係有錢請NET咩? 再收費係咪多D NET? 好事嚟呀。至於課外活動, 可以唔參加的, 如果規定參加, 一定有唔駛錢的揀吧? 不過選擇就唔多就是了。

gracelam

我小朋友小學"每年"費用:
冷氣費$5xx
簿費$5x
影印費/雜費$1xx

逐次收費:
旅行/camp/校外參觀活動的入場費及車費

課外活動:
大多都收費用, 因另外請導師教

我地無額外請多幾位NET, 所以無須家長夾錢

另學校間中有向家長募捐維修/裝修/增添儀器等費用, 不過冇硬性規定一定要損或損幾多錢。

1998Ruby1998

回覆 little_yolky 的帖子

我學校課外活動一律額外收費，唔洗錢果 d 只有功課輔導班、合唱團。

retriever

gracelam 發表於 18-1-29 15:39
我小朋友小學"每年"費用:
冷氣費$5xx
簿費$5x

即係一年共銀多少？

gracelam

retriever 發表於 18-1-30 07:52
即係一年共銀多少？

課外活動每人參加項目唔同, 有平D有貴D。

唔計課外活動, 每年1k有找。

retriever

1998Ruby1998 發表於 18-1-30 00:29
回覆 little_yolky 的帖子

我學校課外活動一律額外收費，唔洗錢果 d 只有功課輔導班、合唱團。 ...

你地又共銀多少？

小曳人

有堂費
另外課外活動/旅行參觀車錢自費

書簿校服係自己買

1998Ruby1998

回覆 retriever 的帖子

唔記得啦，十幾年前了，不過因為當時我地學生人數屬於偏多，所以冷氣費堂費可以低 d。我記得興趣班大概 ＄450-500 左右，如果係勁／靚 d 嘅班（領袖培訓班／參加公開比賽之類），應該 800 左右。我果時參加左籃球校隊、普通話話劇班、英語話劇班（籃球係抽籤，後兩者係老師推薦）。連埋校車費＄750（後來加到 ＄960）。
諗起都登阿媽肉赤，依家兩三千蚊對我黎講都唔少野，更莫論十年前。

retriever

1998Ruby1998 發表於 18-1-30 09:44
回覆 retriever 的帖子

唔記得啦，十幾年前了，不過因為當時我地學生人數屬於偏多，所以冷氣費堂費可以低  ...

幾十年，確係只需要交堂費。

書薄要用先買。

當年無冷氣費，維修費，請NET 費。

更加無咩課外活動費。

課外基本係足藍排，樂器係有老師識就教，識咩教咩，所以唔駛另外俾錢。

1998Ruby1998

回覆 retriever 的帖子

我地書簿係預先 pack 好，畀錢先有得攞，不過通常藍簿都唔夠用要再買。

wongtw

津校，要交上下學期書費，每期應不超過一千元，簿費不最過一百元，幾舊水冷氣費，外聘老師課外活動60-90元堂不等，每隔幾個月要上交一卷廁紙。

retriever

wongtw 發表於 18-1-30 13:15
津校，要交上下學期書費，每期應不超過一千元，簿費不最過一百元，幾舊水冷氣費，外聘老師課外活動60-90元 ...

計埋學校 *兩樣* 繳費課外，一年共銀多少？

little_yolky

IloveJJ 發表於 18-2-1 08:48
交廁紙?真架?咁攪笑?

好搞笑嗎? 家姐一年班時都交過, 不過二年班就唔駛交, 用公家了。

wongtw

retriever 發表於 18-2-1 08:00
計埋學校 *兩樣* 繳費課外，一年共銀多少？

濕碎野多沒有詳細記錄。靠估，書簿費+署期作業+冷氣費約2200元，中英數網上習作費約1100元（部份可以不申請，咁會平的），購買視藝和常識工課的材料費，平價製作約600元，校外活動+運動會+乜會物會等等+參觀入場費+外出活動期間接送車費，約800元，校內興趣班費用不計，每年總共約2200+1100+600+800=4700元。還有最貴是校車費，同區返放學原本是610元，今年下學期加價要交810元。搶錢。以前讀幼稚園跨了幾個區，K1都是收10XX，讀到K3只是加到11XX，3年總供加了約100元。

retriever

wongtw 發表於 18-2-1 21:05
濕碎野多沒有詳細記錄。靠估，書簿費+署期作業+冷氣費約2200元，中英數網上習作費約1100元（部份可以不申請 ...

謝謝資料。

校內繳費課外活動，如計兩個，一年約多少？

wongtw

retriever 發表於 18-2-2 07:12
謝謝資料。

校內繳費課外活動，如計兩個，一年約多少？

校內活動外聘老師教每堂70元X2個X32堂（8個月）=4480元。學校放假就不過上課，所以約返8個月。