私家兒童精神科

洋蔥頭媽咪

請問妳小朋友多大？醫生是普通醫生？健康院醫生？小朋友徵狀明顯嗎？明白如果小朋友有事父母的確比較難接受，但及早識別及訓練對小朋友先係最好。妳可以聯絡坊一些私人機構，先做評估先，再決定下一步點做。當然如果小朋友問題明顯，排政府後訓練費用會平好多，而且支援亦會多d。
我好明白妳地作為父母嘅擔心同顧慮，但小朋友有事要盡早接受訓練先係最好，切勿錯過黃金期，就算妳地排政府都有排排，如果小朋友不算嚴重，妳地亦唔想留有 record ,坊間私人機構訓練應該都對佢有幫助，當然費用亦唔小，妳要作好準備。
講真，政府有時都係流水作業，醫生嘅評估亦未必完全中肯（個人意見，不喜勿插），妳可以聽多d意見先，亦可約見心理學家作評估和訓練，未必要睇精神科醫生先，當然最終要睇妳小朋友問題有多嚴重。亦建議妳要調節一下心情，睇多d有關呢方面嘅書了解多些此症，對妳地同小朋友都會好d。

psv

請問有睇過政府精神科嘅記錄，咁會有乜影響？

洋蔥頭媽咪

其實妳小朋友確認有呢個問題，條路真係會好慢長，如果妳唔排政府精神科，唔知一路升上小學後會否仍可得到支援，除非妳有準備佢去外國而不join政府，否則一路治療洗費亦不少，以我所知如欲接受政府支援，學校係須要妳確認妳小朋友問題，中間包括心理學家、精神科醫生確定，所以妳唔見政府醫生，妳要再確定一下有否分別，因我不太清楚,sorry,我只係聽過學校教育心理學家講話如果冇呢d確認，學校都申請唔倒資助。
至於私家精神科，有媽媽層提及養和&仁安嘅兒童發展及評估門診，有位劉醫生好細心，有耐性，妳可以睇下。
Anyway ，祝妳小朋友越來越進步，身體健康！ 加油！