已有心儀小學收咗,你會唔會Quit咗K3下半年,用D錢同時間集中

淋雨

我曾想過,個仔已經找到一間心儀小學,現在QUIT咗K3半年唔讀,出去找些專供中英數的課程,閒咗半年錢,又可打好中英數基礎.大家有何看法?

Teresa

我就不會了！還有半年，就讓孩子享受多幾個月的幼稚園生活好了。要學小一中英數也急不在幾個月，反正上小一慢慢學也未遲，比其他人“行快少少”也不等於未來6年都會比其他人smart！

還有，更重要的，有沒有顧及孩子的感受？有畢業禮、畢業禮表演，還有一班同學仔一齊影畢業相，我們參加他們生平第一個畢業禮。這些都是難忘的，早了半年退學，將來就缺少了這個回憶，你覺得值得嗎？

Yukyuk

咁! 您囝囝咪冇得和其他同學仔行畢業典禮 / 表演.

我一定唔會咁做!  (如果有朋友家長係咁, 我一定好言相勸!)

請讓您囝囝留下美好的童年!

麟媽媽

我一定唔會囉。
小朋友返學除左得到課本上既知識之外，
仲有要學習點同別人相處，
同埋學習各樣規舉架嘛。
同埋呢D係佢既回憶，
大左會諗點解無啦啦自己有半年無學返？！

primary2006

小一唔單止得中英數,仲有其他科目及美勞,音樂等科,只專供中英數似乎唔得全面,加上小朋友半年時間未有正常的學校群體生活,到時更加得不償失!

我囡囡學校更有小一入學準備,俾將升小一的小朋友作升學前熱身,更加有畢業大匯演,唔返會miss 好多野!而且一日學三小時的中英數一的都唔平,小朋友更加會好悶!

AE_bb

我就唔會, 幼稚園校園生活好少唔開心 (如果唔開心你都會留意到並了解問題所在而解決左), 幼稚園返學模式同小學唔同, 興鬆好多, 比小朋友享受埋呢幾個月啦.

好似其他媽咪話 dry, 你個小朋友嘅第一次畢業禮、畢業禮表演, 影畢業相等等, 全部都令人難忘, 我個大仔畢業禮時, 我仲忍唔住喊 呢 d 咁難忘嘅片段同回憶, 過左就冇得返轉頭, 早半年退學, 我就覺得唔係好值得law

麟媽媽

我仔畢業我都有喊…..
唔好睇佢地細細個，
佢地都滿有情感的。
唱校歌的時候有女同學喊，
之後連我仔都喊…我都忍唔住。
呢D都全是成長的一部份黎架。

jiuin

我小學,中學,大學既畢業禮都唔係好記得, 就算記得都好似無乜特別。 反幼稚園既畢業禮就好記得, 可能因為人生中第一個畢業禮。
記得當時老師要我地攞著張用紅絲帶卷著既白紙排排企影相, 都唔知自己做梗乜, 矇下矇下咁, 好好笑。

MaMac

一定唔會，小孩子??? ... 唔止係中英數喎......仲有          :tongue:        ..... 好多其它嘢，，會得不償失。

cookie

no lar

G-Ma

我唔會, 讀早半年其實幫唔到d咩, 但提早離校半年對小朋友影響好大. 小朋友之間都有感情, 我k2幫個囡轉校時佢夜晚成日偷偷咁喊話好掛住d先生同同學, 攪到我自己好鬼內疚.     

Darth

唔會，原因，其他人都講好多，我可同意。
但我另外加多一個，就係要小朋友做人要有始有終。

CD

agree         

Darth 寫道:
唔會，原因，其他人都講好多，我可同意。
但我另外加多一個，就係要小朋友做人要有始有終。

淋雨

多謝各位的分享.我曾有這個想法的原因是:個仔常常說在校內學的東西很淺,玩的遊戲也很簡單,他只喜歡到美勞區自己創作美勞.所以,我才有這個想法.

我自己本身是全職媽媽,對小兒的發展也很全面關顧,初時想若真的quit了k3唔讀,除咗專供中英數外,也會參加一些群體活動,不過,這個想法在提出這條問題給大家發表意見之前已經取消了,因為學校提供給孩子的生活的確是家庭不能給予的,若今天quit了,的確損失了很多快樂的經驗.

今天提出這個題目,只是想知道其他人的想法.看過你們的意見後,也覺得很有道理.