小學難忘的經歷

WWT

你們小學的難忘經歷!?

Teresa

"難忘"既都係d衰野.....

(1)小四時, 班主任擺明偏心.  有個超級富家女既同學放假後第一日番學時同佢講, 漏左本作業o係遊艇, 班主任只係叫佢聽日帶番黎交就得喇.  而我, 雖然都係唔記得帶, 但係比佢閙完仲要寫手冊話比呀媽知!

(2)又係呢個班主任.  小五時, 佢教我maths, 有日大家上堂時做補充exercise, 我同前面個同學傾計.  佢冇warning之下叫我拎埋本補充得出去佢個位.  佢粒聲唔出就o係全班面前張我本補充撕左4截.  我又驚又嬲, 淨係識喊.  d同學比佢個舉動都嚇到呆左.  

呢個老師, 我而家仲好恨佢.  學生雖然有唔岩, 但係佢都唔應該用呢d approach.  (所以自此我好憎maths, Form 4 點都唔去理科班).  如果佢仲o係而家呢個年代教書, 我諗我實去complain佢.

Vernique2005

小學時﹐有位自以為是的老師要執正來做﹐見我多嘴﹐就要我站走廊﹐誰知老遠見到SISTER走過來﹐以為死緊﹐老師竟然比我還怕地把我推回課室。。哈哈哈﹗

中學時﹐個ORCHESTRA 要外出表演﹐我自己表演大提琴﹐但就拿了人家的小提琴來交換﹐做無賴﹗

大學時﹐為左看從北極飛回溫哥華的季候鳥﹐跟男朋友一起走堂去沙灘﹐真係嘆為觀止﹗見到鳥兒跟他們的小BABY 在一起﹐真感動~﹗

我想﹐我從小就是個頑皮的學生﹐小朋友們不要學我啊﹗但又可能因為我自己都比較頑皮﹐對好動的孩子容忍度都會大一點﹗