亞女太有信心,考試做完唔check卷,怎辨?請教各位媽咪!

BBee

老師話亞女反應快,接收力強,但粗心大意,無耐性,太有信心,鐘意快,考試做完唔check卷,覺得自己寫的答案一定啱,所以時時考試成績打8折!!! 連老師都話可惜,話要提高佢考試技巧. 我巳經有比練習佢做,佢又好努力温,因為佢要面,想考第一,老師話佢可能做得多,熟了就輕視,覺得自巳Sure Win.  而我比練習佢做,多數都啱,叫佢自己check,佢就好不滿,話我對佢無信心.  
三月又考啦!  我應該比練習佢做,還是唔做? 怎樣令佢虛心check卷呢?  我一直以為多做練習就可以提高佢考試技巧. 時時覺得做足準備就OK. 我又唔想比壓力佢,所以時時話盡了力溫熟了,就輕鬆去考試啦!但令女女太有自信,怎辨呢? 請教各位媽咪!    

Jackie

我覺得應該俾佢自己學識，她想要高分，但得唔到，就會check 架啦。你越叫佢，佢反而唔做架。最緊要佢好勝就得架啦！

BBee

Jackie,
真係呀!我越叫佢check, 佢就越覺得我煩.話我長氣,對佢無信心,激死我.
昨日,我同佢做賽後檢討,我又哦佢,佢都喊話唔服氣.佢真是好好勝,唔輸得.
老師叫我獎佢多D,鼓勵佢多D,我都時時做,因為我唔鐘意閙.
但再多獎勵,我怕佢变得好物質.
真煩
  

kae

而家好多小朋友都有唔輸得的心態，唔好講話驗測考試，連玩遊戲都係，一輸就攬住媽喊，咁幾時喊到大??

我係你就會比佢自己試下撞板，自己亦都唔好太緊張或太在意佢，她們巳經是一個獨立的個體，自己有自己的想法同應要學習安排自己要做的事，家長的角色都只是見佢真係做不到時給予她一些支持或引導，唔係要時時提住佢幫佢做，一定要比佢嘗試失敗，當佢做得好時就讚下佢，口頭上的稱讚/拍拍膊頭或摸摸頭的稱讚動作巳經是一個好好獎品，唔可以下下都用物質獎勵佢，佢習慣左以後就會覺得做得到或考得到就會有獎，到第日大個你無獎比佢就覺得你唔啱啦，唔通到佢考到車牌你就會買架車比佢咩。

BBee

kae,
係呀! 每次佢考試我都會做夠準備, 大約用一個星期我自已準備,然後用兩個星期同佢勁温,最後到考試期就輕輕鬆鬆溫吓.叫佢盡力做就OK! 點知     
真是我是的錯   

kae

BBee 寫道:
kae,
係呀! 每次佢考試我都會做夠準備, 大約用一個星期我自已準備,然後用兩個星期同佢勁温,最後到考試期就輕輕鬆鬆溫吓.叫佢盡力做就OK! 點知     
真是我是的錯   

你真係勤力過佢喎 ，佢都覺得你幫佢做左咁多囉，重點會驚自己唔得呀，就算唔得佢都係覺得你幫佢做d功夫唔得咋。

BBee

kae,

我自已好stupid,讀書時怕唔及格,所以好勤力, 我一直信一分耕云一分收獲!點知亞女   

kae

BBee 寫道:
kae,

我自已好stupid,讀書時怕唔及格,所以好勤力, 我一直信一分耕云一分收獲!點知亞女   

你又唔好咁話自己，只係每個家長都非常疼愛自己小朋友而會做出這些行為，由而家開始轉下用第二個方式囉，有心唔怕遲嘛。

BBee

多謝你的鼓勵!  我昨晚已经開始想緊用第二個方式去用同佢溫,重未想到,好迷惘   

marinayiu

Hi BBee,

想問下你個女讀幾年班呀? 名次排幾多呀? 如果有廿名左右, 我諗都ok喎. 我也相信"一分耕耘分收穫", 如果你個女仲細, 你可以慢慢解釋比佢聽, 如果已經有3年班的話, 我想你真係要比佢独立d啦.

BBee

Hi, marinayiu,

我個女二年級,考十四,十五!平均分就86/87啦!
我好怕佢l呢D考試態度,再唔改,好影响佢第時的成績,好可惜!
你哋掂教呀?   

Snow

although my daughter reviews the exam paper after finished but still cannot spot the careless mistakes like missing word etc....

  

i also want to know how to improve her alertness?

marinayiu

Hi BBee,

如果能keep住十幾名,已經很不錯了, 你的辛苦無白費. 我諗, 既然你個女咁好勝, 你將份試卷比佢睇, 一齊分析點解會錯, 等佢知道因為佢唔check卷, 而扣了分,又少了名次.  
我個女6歲, 也是很粗心大意, 現在我也正在摸索中, 睇下有d甚麼方法可以另佢改善下.

BBee

marinayiu,

好多謝你的鼓勵!   我巳重新振作.
學校是唔派卷!!!! 激死我!
今日由佢自已check 功課check 默書開始, check 到有錯,又改啱就讚.
大家媽咪一起努力!  想到好方法就post 出來分享啦！

  

Xanthe

我係你就會比佢自己試下撞板，讓她試過低分之後就會check卷。有時佢做左可以give her a big hug 唔一定用物質獎勵佢！不過做家長要let go law.

Xanthe

學校唔派卷咪比些較深少許比佢，另你亦可出一份佢曾做錯的功課/測驗重新比佢做一次！

happymamami

我上個月學到一些技巧，希望我唔會講錯講漏，幫到你手。
解決小朋友粗心大意問題，可以試下做一種「準確訓練」。
首先打一份混合

cherriemama

其實點解一定要迫佢考試做完要check卷呢? 如果佢係好有信心,即使再check都會同之前寫o既答案係一樣!我覺得每個人對答問題處理方法唔同,有d人會briefly答o左先,之後再仔細check卷,有d就會好緊慎諗清楚先寫答案,之後唔再check,怕check完心大心細,越諗越亂! 講真,我考試做完都唔鍾意check卷,識就識,唔識check幾多次都唔識!試下唔好連check唔check卷都管住佢,俾番d空間佢啦!當佢知道今次低分係因為自己大意,佢下次自然會小心d!