Jordan 循道 primary school--

monmantong

please comment on this primary school, it seems that it is very good school, the % entrying good secondary school is very high!

ericachung

我兩個姪女都響入面讀, 家姐讀書就好, 由小二升到今年中七喇, 個妹就麻麻, 成日考尾幾, 如果唔係家姐叻, 個妹都入唔返遁中, 求情先入到, 所以唔一定係直上, 都要睇成績, 同埋佢得2班小學, 成日全班考尾幾, 就即係全級考尾幾, 攪到d細路無心機讀書, 我覺得係間學校質素差o左, 妹妹講過老師話你地唔好指意我呀, 指意補習先生好喇, 我幫唔到你地架。o甘都有, 所以舊年我個女報小一我都無報佢, 而家我個女入o左協和。

monmantong

Ericachung,

因我住个區小学尚ok, 但得一間英中, 所以要揾一間可自行收生有d chance 的學校, 我同我老公小學已摺埋, 所以好煩.
其實我對現在官津都無乜信心,成日聽到d 老師無心机教,
太多班, 及時時用 punishment 方法對學生..
咁如果男仔 在九龍區, 有咩好介紹?

ericachung

協和d野幾深, 因為我姑奶同叔仔都係教書, 佢地話我個女d閑科既書(普通話, 常識, ..)佢地3年班先教到, 但係我個女1年班已經教緊, 同埋都幾多功課。不過佢勝在返半日, 仲有半日時間補習同學琴。
如果全日, 聽人講話九龍塘官立幾好架, 你可以考慮下。
但係你亦要有心理預備, 入間好既學校, 同時亦要放棄晒玩既時間, 你要了解下個小朋友頂唔頂得住o甘大既變化同壓力, 因為有時可能係反效果。
而我亦有朋友選擇d中等既學校, 谷個小朋友考頭幾名, o甘佢第日上中學, 人地會見佢考得o甘好亦有著數, 同埋個小朋友會因為自己讀書叻而更比心機。
所以要先了解自己個小朋友既性格先決定點行。