想同個女轉校

vv_shan2006

各位會員:
你地好.我女兒現於某間小學就讀一年級,由於女兒讀得十分不開心,現想替她轉校.想問有無人知九龍區有那間小學真的是採用啟發方式或活動方式教學,以學生學習得開心與否多於只看成績既學校呢?謝謝.

憂心人
25.2.2006想同個女轉校  :cry:

開門見山

你住邊區架

vv_shan2006

我住土瓜灣既

開門見山

咁你又想轉邊區?因為你住既地方都好似冇乜校車到,除左附近.

vv_shan2006

唔好意思呀...
我想搵番油尖旺,紅磡,黃埔,何文田或土瓜灣區.

開門見山

實不相瞞,而家 d 小學表面就講愉快學習,但暗地裏一樣睇成績,但 d 老師資質有限,基本上教唔到d 乜野比細路,所以成日吹噓「愉快學習同多元化」來掩釋,想有好成績既,唯有靠父母自己o係屋企谷同跟,比你入到去,無錯,佢地真係好happy咁返學,但實際程度同出面既又爭好遠,可能小朋友讀多两三年你又會覺得點解咁既??之後五六年班又會再緊張起來...但小朋友個底已被「愉快學習」搞到跟唔上,你要佢追回成績又唔係一件易事,不如你諗清楚d先,或者講吓比我地知你女女有乜問題,等我地幫吓手啦!我好多朋友以前都好似你咁心態架,轉咗咪又要行番之前果套,話唔轉好過轉.

BillyM

你女兒是在甚麼學校就讀？你覺得為何她會不開心？

vv_shan2006 寫道:
各位會員:
你地好.我女兒現於某間小學就讀一年級,由於女兒讀得十分不開心,現想替她轉校.想問有無人知九龍區有那間小學真的是採用啟發方式或活動方式教學,以學生學習得開心與否多於只看成績既學校呢?謝謝.

憂心人
25.2.2006想同個女轉校  :cry:

vv_shan2006

多謝你既意見.
我女女既成績唔算好,係老師眼中係差添!我發覺佢間學校好有問題,佢地唔會因為你成績比其他同學差而對你有體諒同包容既心去教同幫助佢,只會口講話會幫(虛偽),實際上無點理過,甚至會因為你成績唔好睇你唔起,如同其他同學有爭吵,佢只會認為係你唔對,因為你成績唔好,所以人品各樣都覺你係差,係你唔好係你既錯.好多同學又鍾意炫耀自己既成績,比佢地知道你成績唔好就會話你[渣呀],你甘差呀,你甘蠢呀等等.我女女想話唔識做既功課問下佢地,佢地又會話你好蠢呀唔教你呀甘...各樣各樣搞到我女女好唔開心,問起佢佢會哭,仲話唔想係呢間學校讀.好想轉校囉....唉~作為父母聽到甘真係心酸心痛呢!

開門見山

你有冇聯絡駐校社エ同佢講吓,叫佢反映比校長知,溝通吓先,更重要既係你同社工既合作令女女有返自信心,照我睇你女女自信心開始下沉,就算轉到佢亦未必有好轉,因為自信心先係一個大問題.

vv_shan2006

或者試下呢,不過我覺得只會失望!因為呢間係一間只為成績不理學生心理發展既學校

py28tang

你試睇吓呢間: 葛量洪校友會黃埔
愉快學習才是最仲要！

開門見山

因為好多時家長如果同老師溝通唔到,駐校社エ係一個好好橋梁,因為基於「家醜」,通常老師對佢地都好避忌,唔會有d乜野做得出,反而就算做戲都好,都會對你女女有改善,無他既,佢地要保住份エ,到時你爆左出來,輸既只有學校一家,你仲可以經教统局安排轉去另一間學校添,只在乎你喜歡與否,或者你可以pm你電話比我,我了解你情况,同你一齊分析吓啦 唔好咁憂心,未必會係唔好既.

vv_shan2006

多謝意見,我上網看看.謝謝.
各位仲有無其他意見呢  

vv_shan2006

請問仲有無好既學校介紹呀?
唔該

Ben2003

一年級o者......底子爭得幾遠

物競天擇，適者生存。何不餓身嘗膽，化悲憤為力量，帝國反擊  

此之為逆增上緣。

Vernique2005

Ben2003 寫道:
一年級o者......底子爭得幾遠

我一開始都有這樣的想法﹐但原來在香港﹐同樣是一年級都可以差三到四年的程度(如果用名小學跟普通小學的極端來比)。
真係有點看到   

不過﹐其實分數低然後被人看不起的情形在所有小學都會發生﹐在我看來﹐這是人性醜惡的問題﹐孩子分數高的家長﹐永遠會說﹕不深﹐一點都不難﹗一定是小一程度啦﹗(原因是自己孩子做到而沾沾自喜)

而要交分數給校長看的老師﹐又會話﹕其他孩子都沒問題﹐有人一百分﹐那你為什麼不合格﹖

就這樣﹐一開始追不上的孩子﹐家長就要孤身苦戰了。

轉校﹐不是解決問題的最好方法﹐畢竟﹐孩子到了下一年﹐又要從新適應過新的環境﹐對她來說是不是有好處還不知道。
另一個方法﹐是大人和孩子都學會放松﹐然後在家努力﹐告訴自己﹐其實﹐就算差很多﹐都不過是早學跟遲學得問題﹐給自己一個復活假﹐一個暑假﹐有心的還怕會追不上嗎﹖

環境怎樣不是最重要的﹐最重要的﹐是自己心裡怎想。

ElizabethLAI

vv_shan2006 寫道:
多謝你既意見.
我女女既成績唔算好,係老師眼中係差添!我發覺佢間學校好有問題,佢地唔會因為你成績比其他同學差而對你有體諒同包容既心去教同幫助佢,只會口講話會幫(虛偽),實際上無點理過,甚至會因為你成績唔好睇你唔起,如同其他同學有爭吵,佢只會認為係你唔對,因為你成績唔好,所以人品各樣都覺你係差,係你唔好係你既錯.好多同學又鍾意炫耀自己既成績,比佢地知道你成績唔好就會話你[渣呀],你甘差呀,你甘蠢呀等等.我女女想話唔識做既功課問下佢地,佢地又會話你好蠢呀唔教你呀甘...各樣各樣搞到我女女好唔開心,問起佢佢會哭,仲話唔想係呢間學校讀.好想轉校囉....唉~作為父母聽到甘真係心酸心痛呢!

When you talk to the teachers, do you feel their responses are indifferent or even cruel ?  If it is really the case, I know the teachers in CCC Kei To are very kind to the students.  You can try to ask some comments from your neighbourhood if possible (this school is located in Tokwawan).   

Ben2003

>我一開始都有這樣的想法﹐但原來在香港﹐同樣是一年級都可以差三到四年的程度(如果用名小學跟普通小學的極端來比)。

係呀~~~

某些"名"幼稚園操了幾年，某些愉快幼稚園遊遊閒了幾年。(純從某些角度來說，eg. 寫字)

我說 "底子爭得幾遠"的意思是: 一年級，未到沒可能追到或遙不可及的地步。 :

追趕是難辛的，所以我用了 "餓身嘗膽"。

很高興和你的睇法相同。

遇到困難，我們第一個選擇就是投降嗎?應否嘗試克服困難?
孩子成長階段，不斷都會遇到困難，去到新校，也可能遇到困難，又轉校？
盡了全力了嗎？追趕到變中遊份子是那麼的遙不可及嗎？ I don't think so.

如果努力過也不能適應，才投降吧。 起碼他朝回看也無悔。

Ben2003

>另一個方法﹐是大人和孩子都學會放松﹐然後在家努力﹐告訴自己﹐其實﹐就算差很多﹐都不過是早學跟遲學得問題﹐給自己一個復活假﹐一個暑假﹐有心的還怕會追不上嗎﹖

放松地努力，very good suggestion.

另外，學習的方法也很重要，家長多動腦筋吧。

我個人覺得一般的小朋友其實相差不遠，學習能力只在於家長和小朋友的心態、努力和方法。

vv_shan2006

各位 :
好多謝你們既鼓勵同意見,我會嘗試.