讀全日制小學可否唔請工人??

小恐龍

如題!!

supericeice

唔請工人唔係唔得,但要想清楚.
你個小朋友幾歲? 小朋友唔舒服唔返學? 平日d學校長短假期? 學校提早放學? ..... 你係咪全部都可以無問題.
如果要個小朋友四圍走,唔得安定就比較唔好喇.

G-Ma

有d學校係放學後嘅課外活動係無校車服務, 要家長自行接放學.  如果無咗工人, 係咪可以有其他人幫到手接?  要考慮清楚啊!

hviy

有老人家可能會好d,但放工又要買餸煮飯,做家務,温功課...要自己頂得順至得.

BB2WONG

我2個仔都係全日制，一個K2一個P3，今年約滿都唔請工人，就係因為佢太得閒無事做！我2個仔由我帶番學，到我放工番去接校車，加上2個仔都唔多跟印印，佢地一向都識照顧自己---食飯、換衫著鞋！而家我訓練佢地自己BATHING。

但係KINDERGARDEN就無問題！好少假期（多數放紅色日）大仔小學就煩D，以前會帶番公司，而家公司附近有間補習社（係佢幼稚園D老師開）咁就比佢番，放工接佢先番屋企接細佬教車，但係之前的暑假，我會比佢地番補習社半天，下午可以番屋企看TV或再參加一些不同的活動！但係今年就唔得，一定要FULL DAY在補習社！

如果佢地病左，通常我或者老公都會請SICK LEAVE！

預左再請個鐘點，幫手清潔及煮飯，到佢2個都十歲八歲時，我可以連鐘點都唔請，自己做番。（之前都試過全部自己做，但係好趕而且無時間幫阿仔溫書）

MOOYY

不是不可以,但你附近有沒有人可以幫到你?因為小學有很多時都會放早,放假,復活節,聖誕,新年又有長假期,如果附近有朋友或親友可以在這些日子幫到你才可,平日你可以找一些補習社幫你帶小朋友放學,及做功課,暑假又可以放他們到暑期班,
待你放工才接回來,所以反而不是問題.

mamailoveu

除了其他家長所提出意見之外,我覺得還要考慮小朋友的獨立能力和自制能力, 尤其是年紀較小的, 如小一至三咁,若果小朋友在街頭(如放學時間)結識了壞人, 或者小朋友只顧看電視和玩遊戲機, 唔做功課直到你返屋企為止,就已經夠煩啦.


本人正考慮在犬兒讀小二時唔請工人, 雖然距離現在還有兩年時間, 不知道會否和現任的工人續約(當然佢做得不太好啦, 最少煮飯煮得難食), 還是請一位新工人, 我已經訓練小朋友多獨立（自己照顧自己，不須我提點），希望可以啦．

Mandy2002

高小後有很多課外活動，要出出入入。

carolyu

我都想唔要工人, 自從阿囝上了小學后, 個工人十分"梳符, 每天只須打掃及煮晚餐, 9:30后便開始煲電話粥.

我重忙個佢. 每天放工后, 要立即趕回家, 同阿仔跟家課, 溫習, 忙都 11:00pm 先話可休息一會.

但冇左佢又唔得, 好多時, 放學時間每天唔同, 有時又參加興趣班, 有時學校又會放"d"特別假, test 又放早. 邊有人可以 anytime standby.

相信要小朋友完完全全可自行照顧. 否則要等到小五/六先可以話唔要工人.

Carol

BB2WONG

我反而想唔請印印係為左等佢地獨立d！因為我2個仔之前都係由nursey讀全日班，食飯、穿衣服、自己洗面這些都已在幼稚園學了。但係反而有左印印後，印印完全幫佢地做晒！好似我大仔都8歲，去街我會叫佢地自己穿衣服、鞋襪，點知我一入房換衫，件印印就拿拿聲幫佢地穿！好似食飯，佢地一向自己食自己夾菜，但係我一入toilet出來，就見印印用spoon餵我個細仔（5歲）我會即刻出聲講唔準，再同印印講佢地識做既野要等佢地自己做！

所以我先至的起心乾唔用工人，（改用鐘點）晚上鐘點會prepare好dinner就走，即是我要洗碗，咁我同2個仔講好，以後沒有印印佢地要自己照顧自己之餘，都要分擔家務，如抹桌，bath完d衫要自己掉在洗衣機，飲完水的cup要自己洗！唔可以全部靠我，咁我先至有時間同佢地溫習及玩耍！佢地都agree（因為佢地真係唔多like件印印）

shihen

以前我也是用褓姆，升上小一後，9月開始，功課非常混亂，跟褓姆不和，她自動離職，10月我便急於找補習社，到現在，每天都能做完功課及溫黙書後回家。
晚飯，有時出街吃；有時買回家吃；有時食麵或簡單的微波爐食物。
至於家務方面，我們一家三口都分擔。
假期方面，就比較頭痛，我們星期六是返長短週，遇著2個都長週的話，找朋友幫手，沒有什麼親戚在香港，其他假期，起初在朋友家，但都不方便，索性放在補習班社全天。
課外活動不能參加學校的，只好報街外，較學校貴。
這樣的生活，都習慣了，可能直到我不打工的時候。

BB2WONG

當然有媽媽照顧的小朋友就好些，但如果放假留在家中，媽媽也是忙著家務煮飯，小朋友只對著TV也是沒用的！

而且我好贊成家務要小朋友分擔，他們自己的事自己做，我2個仔都是2歲就開始讀FULL-TIME（8:30-5:30上校車）6:30到家，他們已習慣這樣的生活，也一點都不覺的辛苦，有時我早了下班特別早些去學校，他們也一樣不肯走！

後來我貪舒服請了工人不用做家務，點知有考心多一樣，而且佢地亦學到懶左，本來懂得做的事情都不肯自己動手做！

所以我唔想佢地咁樣，而且我和我老公都係細細個就自己放學煮飯做功課那種，也沒有什麼覺得辛苦，反而我見我阿哥個女，細細個阿麻帶，什麼BATH、扣鈕都阿麻做，到現在18歲，找件衫找不到都叫阿麻，咁咪自己

MAGICALMA

囡囡二個月大就請媬姆到現在七歲, K1都可以K2開始想比活動如畫畫 跳舞,全部要星期六,但我返長短週,只有同老公輪住帶,雖然有時媬姆都幫,但我要放佢假所以有時同老公囡囡三人一個月都冇一日 family day。而暑假就更不用有課外活動,想比佢去玩都唔得,雖然,我提出媬姆都幫我帶去,但佢自己都有子女要照顧。上了小一,我發現囡囡,放學係媬姆家,心散又唔做功課,到我放工帶回家,自己又未食飯又要叫佢做工課,都好煩,有想過比囡囡去補習社,放假可以全日,學校假期、放半日都去補習社,但我覺得返全日已辛苦,所有餘下假期都去補習社,小朋友全完沒有活動。
囡囡知道請姐姐都話唔好,但我同囡囡講暑假可以參加課外活動或興趣班佢就好開心。有工人,囡囡一樣要好似前咁照顧自己,工人放假一樣要分擔家務,我都知道到時工人由9:00AM到 4:00PM都好梳符,但想到有對小朋友暫時會比較好。到囡囡再大D去補習社,那時就會比較好 OR自己放學煮飯做功課。     

LINUS

如題. 讀小學才更加要請工人. 接送係最頭痛. 多活動, 多假期. 要跟功課, 要應付考試. 就算係全職主婦, 那種迎送生涯都好辛苦, 就算個工人不用湊仔, 我都覺得她一定唔會得閒. 煮飯買食送, 清潔洗熨. 有人全天候二十四小時standby, 你兩夫妻行出行入都自由一些, 去睇場戲都要有人睇細路. 香港最好就係可以平平地請個工人.

Darth

好難講話小朋友返學時，工人有冇野做，請個 helper 唔係話要無時無刻有野比佢做先抵。
洗衫熨衫清潔，都係工作，我唔覺得話小朋友返學後佢可以好清閒，萬事個人幫下手，自己唔駛咁辛苦。
而且，養兵千日用在一時，大吉利是有時自己病了，又未必有人可以幫手，都幾煩。

有時小朋友放學後，自己都想話同佢傾下計，睇下佢功課，同佢玩下，如果重要煮飯洗碗，好似好少相處時間。
我唔覺小朋友會因為有 helper 唔獨立，都係睇你點教。

最重要，當然要都要睇經濟情形。
如果你有番工，唔駛諗，請個人幫下手，唔駛自己放工後咁辛苦。

ii-3

我個女依家幼兒園讀全日, 放4:30pm. 晚上都要溫書,睇功課,講故事,玩玩具,都唔夠時間同埋我好tired,如果要做埋家務就實死.    而今年9月升小一應該放早d.  所以我會繼續keep個工人.
同埋我老公不是返office hour 果d時間, 及他是不會做家務果D.  依家唯有晒錢請人做, 咁我地兩公婆就小d argue.
個工人早上帶完女返學, 回家清潔, 洗衫, iron衫, 買送, 煲定湯,再出去按放學, 係就係唔係好忙, 不過都唔係無野做.  

MAGICALMA

TOTALLY AGREED, SO I NEED DOMESTIC HELPER STARTING FROM THIS TIME :  :  :

csy_heidi

我個女而家讀小一, 每日係我媽咪幫我湊個女放學 (因我地住得幾近). 咁我地放工就係我阿媽度食埋飯先走. 本來都幾好, 但我愈來愈覺得唔夠時間同我個女溫書. 食完飯返到屋企都成九點幾, 剩返一個鐘左右同個女check 功課.....

所以我打算請個鐘點接我個女放學, 買吓餸, 打掃吓咁!
一星期 3 日就夠
4:30 - 7:30 pm
我住將軍澳區, 如果個鐘點住附近就最perfect 啦! 因為可以就返佢自己既煮飯時間!

唔知大家有無好介紹呢?