點選擇好呀

miu2012

因為4月頭先由香港仔搬深水埗,個時已經唔可以改校網選志願,結果昨天派位好彩派到第1志願,但教育局回覆我說可以放棄現有學位,6月尾係剩餘學位抽籤一間深水埗小學俾阿女,先講下大概背景:我係ftm,除左大女今年上小學,細女下年要返k1(奶奶可以幫手湊),仲有細仔依家1個半月大(全埋身,自己湊),娘家係南區,阿女第1志願唔係超好的學校,只係一間較好而又適合佢既學校(本來派到應該好開心),如叩門深水埗較好學校,相信希望極細(因阿女學習有d障礙,幼稚園成績亦唔出色),而我諗教育局派深水埗學校到時會係一間差學校,我唔係怕間學校差,只怕個間差學校好多外籍人士,同屋企人商量後仍然得唔到一致決定,方案有幾個,如果係你地會點選擇?

1.返第1志願,每日帶阿女同細仔坐1個鐘車程返學,然後我去娘家直至阿女放學坐車返深水埗,但下年細女k1(深水埗)又唔知點湊佢好
2.讀1年第1志願,2年級嘗試轉校至深水埗
3.讀教育局派的深水埗學校,如太差再嘗試2年級轉校

多多俾d意見我,唔該各位!

Chuchuling123

選擇第三點

小曳人

其實，如果小朋友有特別需要，無乜人肯讀嗰d，反而多資源去做多d嘢！
你可以問問區內有邊間學校願意或有資源去幫呢類小朋友，然後自己去叩門 (係！主動權响自己手會好d！) ，如果等教育局派，點都係蘿底橙，要轉校亦對小朋友唔好，有適應問題！
唔好似為叩門就會多人爭，其實仲有d有心辦學嘅學校，但無人叩門架！

joanho66

選第3, 但都自己嘗試去叩門.