老師應否以垃圾來責駡學生?

charlieyeung811

學生因功課馬虎, 默書不合格. 老師便在堂上於20名同學面前指責該孩為垃圾!!!

兒子因此情緒低落, 可否告知大家的睇法? 我應該怎樣做?

lucyplus

charlieyeung811 發表於 18-5-25 17:30
學生因功課馬虎, 默書不合格. 老師便在堂上於20名同學面前指責該孩為垃圾!!!

兒子因此情緒低落, 可否告知 ...

不可以，完全唔專業

egg.plant

數學作業改正改錯左，要逐個逐個出去老師枱當住老師面前改正，個個都嚇到震！改完老師將本作業擲向牆角，叫佢地自己執！

我仔係受害者，所以轉左校！

charlieyeung811

回覆 egg.plant 的帖子

我個仔六年級喇... 仲有個幾月就畢業, 不過無預計到喺呢個時候發生啲咁既事

貝珠

charlieyeung811 發表於 18-5-25 17:52
回覆 egg.plant 的帖子

我個仔六年級喇... 仲有個幾月就畢業, 不過無預計到喺呢個時候發生啲咁既事 ...

要心平氣和向校方反映

Jane1983

就畢業就頂埋去。咁樣鬧，老師係唔對。

在安慰小朋友之餘，可以同佢傾吓，叫佢想吓自己有無做錯咗乜嘢，去令人咁樣鬧佢。你唔比機會人地，佢就無機會侮辱你。

1998Ruby1998

試過有，不過係中學生，同埋係補習老師。

不過我覺得呢 d 不論係乜年紀乜情況，都唔應該用呢個言詞去鬧人。

mimi222shi

我有聽過唔少呢類投訴(好多係津校)，再過份的也有。
我自己一定頂唔順！

mrs.so

小六畢業捱過去
待七月派發成績表後再向校長投訴
只係投訴講完就算叫做講咗

haihaimom

ar_mak 發表於 18-5-25 19:44
情況分成兩部份，一部份係設毒計去對付個老師，另一部份係點同小朋友一齊面對。

先講小朋友呢部份。其實佢 ...

令我諗起以前有個同事，俾老細話完都唔會唔開心，心理質素好好，佢認為老細係話件事做得唔夠好啫，唔係話佢唔好，真係學到嘢

haihaimom

mrs.so 發表於 18-5-25 19:09
小六畢業捱過去
待七月派發成績表後再向校長投訴
只係投訴講完就算叫做講咗

見到校長講一聲，但係話，嗱，其實我唔想講係邊個男/女老師，因為佢仲教緊六年班XX科既，唔想影響到教學。唔知噤講得唔得

GreenMaDad

其實這些是"老師欺凌".....小朋友聽到真係會好吾開心...成績差都吾應該受這些欺凌，我會同小朋友講：個老師有問題，老師講既野照聽, 不過無理的說話和行動要抺左佢.     同意畢左業先同校長講.

仔仔錫錫你

個心經驗同校長口講作用不大，要寫信，寫比校長， 校監，cc比教育局，如學校有宗教背景，寫比負責教育部的工作人員，好快會有人跟進。記住，除左教育局同教區，只要係學校人士都叫他們書面交代，如果唔係都係得個講字，採你都傻

mimi222shi

jumphigh 發表於 18-5-25 20:30
强调#(好多係津校)#有乜意義？

我有唔少朋友既子女讀津校，啲老師質數的確好參差。

Vanadium

原來到今時今日仲有老師鬧人垃圾，相信果批老師都係上一代就黎退休果批。

鬧人垃圾既老師無論點都係唔啱，比我會主動問個老師發生咩事，因好多時仔女返到屋企，只會講件事對自己有利既一面，更有機會將事情誇大，以保障自己，為証明老師講既係事實，亦可從同學方面查問。若明顯老師有錯，可再向學校校長查詢。

(點解要直接問老師? 因若真係自己仔女作左少少野，結果又寫信去教育局、校監、校長，查明仔女誇大左後，相信對仔女負面後果仲衰。)

但另一角度亦要積極少少，教子女面對呢類說話，亦可分析老師同佢自己錯既地方(如真係無認真去對待功課、可能唔合格但仍態度輕蔑)，當然若然真覺得自己子女已盡力無咩錯處，亦可教導子女如何看待不合理批評，因子女成長過程，總有面對各種人及各式負評機會，有時都要學習如何處理。

Ocean419

睇黎我係另類家長，d字亂寫、簡單改正錯完又錯，我會鬧佢交d垃圾比老師係不負責任的行為。如果佢認為冇所謂，咁我都會對佢做d不負責任的行為如唔煮飯、特登煮佢唔食的、學校旅行課外活動好玩的通吿唔簽

Jane1983

Ocean419 發表於 18-5-25 21:29
睇黎我係另類家長，d字亂寫、簡單改正錯完又錯，我會鬧佢交d垃圾比老師係不負責任的行為。如果佢認為冇所謂 ...

交d垃圾比老師，和鬧個學生係垃圾，好似層次上有d唔同。

其實出來社會，講嘢mean爆的人大把，如果做嘢唔認真，聽難聽說話的機會好大。現實係殘酷，自己唔尊重自己就容易招來人地唔尊重你。不過小六仲未係大人，咁講嘢，係課堂，仲係老師，就唔係咁好。

little_kid

charlieyeung811 發表於 18-5-25 17:30
學生因功課馬虎, 默書不合格. 老師便在堂上於20名同學面前指責該孩為垃圾!!!

兒子因此情緒低落, 可否告知 ...

我會安撫阿仔情緒先，相信佢有能力做得好好。再鼓勵佢認真做功課，努力温默書，用行動證明俾老師睇佢唔係垃圾。