4歲 學數學 珠心算 / Enopi 邊樣好?

little_kid

小朋友初學數學邊樣好呢?

ffaye

原帖由 little_kid 於 14-01-10 發表
小朋友初學數學邊樣好呢?

我都有同樣問題。做左enopi 評估level 3,都唔知即是高定低，只覺有d 硬銷。

little_kid

回覆 ffaye 的帖子

你小朋友已經有level 3程度 , 幾多歲?
之前有無學過其他數學課程?

level 3 即係要識什麼?

little_kid

回覆 little_kid 的帖子

聽說Enopi 可train 思考, 但睇過Enopi excerise book, 覺得都係不停做數, 所以有點疑惑

有沒有學過Enopi的可分享一下

Xmasxxx

回覆 little_kid 的帖子

阿囡讀左三個月, 本人覺得程度比較淺, 但阿囡好鍾意, 尤其是critical thinking,
每次放學回來自動要即時ko晒先安樂, 因培養到佢每日做數的興趣, 所以繼續....

黑糖豆醬

你女是先讀珠心算？

tantanmama

我女4歲幾時學咗幾個月珠心算, 悶到唔肯學. 珠心算根本不求甚解, 純機械式操練. 珠心算老師曾說過, 珠心算學的不是數學邏輯, 而是專注力及主動學習的態度.

Xmasxxx

回覆 黑糖豆醬 的帖子

沒有

Maymy10

我大仔之前學過ENOPI，他很喜歡做Critical Thinking個本，事實上他上到小學在看圖／形狀結構／火柴枝上係比較易掌握。在基本數上亦OK。但因ENOPI是英文數但讀的是傳統小學（是用中文教數），故最終放棄了讀ENOPI。
同學仔話珠心算主要教你點樣去計得快些，一樣要多做練習。

little_kid

請問你大仔幾多歲開始學Enopi?
現在有沒有學其他數學？

kwan_0128

我都覺得珠心算冇用, 變左一部打算盤的機器
計數要叻應該train邏輯思維比較好

Apple_Orange_T

請問大埔有無介紹讀珠心算?

little_kid

回覆 kwan_0128 的帖子

同意, 小朋友train邏輯思維重要一點,

似乎學Enopi 基本數學計算, 才學珠心算 train 計數快會好一點.


最近又睇到坊間有蒙特梳利數學, 用數學教具教數學概念, 沒有太多操數.  有無人學過?

Xmasxxx

回覆 Maymy10 的帖子

想問你讀到幾時才棄ENOPI, 因我面對同樣問題, 放棄有點可惜, 唔想同時讀兩樣數,
最後你幫小朋友轉讀那一樣數 ?

little_kid

回覆 Xmasxxx 的帖子

我都想知?

abbielaulau

讀緊ENOPI 數學, 想試埋珠心算. 但九龍東唔多覺有. 見大家講德福大廈, 試下搵先.

HahaB

個人經驗的少少分享.....

我女(現在K3)學珠心算學左8個月左右...不過我剛剛放棄了, 改為學ENOPI....其實佢珠心算係學得幾好既, 老師話佢進步好快, 計得亦好準確, 而家開始計2及3的乘數...但係....我發現一個好嚴重的問題...就係令佢好混亂, 無所適從...

因為阿女學校開始教簡單的加數, 有直式有橫式, 學校的教法, 其實同我地細個學的好近似, 由個位開始加, 個位->十位->百位...但係珠心算的方式剛巧相反, 係由百位-->十位-->個位...咁加法... 兩者方法完全唔一樣...阿女可以用算盤做到珠心算的百位以上既連環加減數...但係, 偏偏要佢計5+3=?呢類咁簡單的數時, 就要諗好一陣, 有時8+4=?呢D要諗成分鐘......(其實呢D應該一望便知答案吧...), 原因好簡單, 因為佢思考模式用左算盤的方法...不斷咁諗8點加4, 要推幾多粒珠上去, 但其實....學校的教法好簡單直接, 8+2=10, 咁8+4咪等於12囉....我唔知點形容, 總之,變得簡單複雜化..

無可否認, 佢係可以比同齡的小朋友計到好大堆加減數, 仲要過百位, 連環加減...個個見到都讚佢好叻....但諗深一層, 咁又如何呢, 我唔係要佢做計數機器, 計得好快, 好多, 咁又點, 根基打唔穩, 一路學上去, 只會愈來愈亂...而且, 最大問題係與學校的教學模式太唔同, 怕佢繼續讀上去會好混亂....另外, 亦發現一個問題, 阿女計到一些好複雜的數, 例如答案係823, 但佢原來唔知823即係八百二十三, 佢只係知道這是八二三....即係計到一堆數字, 但不明是什麼...甚至佢根本數唔到110以後的數....咁計到個823又如何...根本佢唔知823的意思是什麼, 只知道是數目字....(我唔知大家明唔明我講咩...)....所以, 我最後放棄了珠心算........

little_kid

多謝妳的提醒，我覺得很重要呢！只計得快而無數學概念真係要留意。

我最後俾囡囡初學學蒙特梳利數學先，我囡囡性格未適肯不停做paper, 蒙數有實際教具將數學概念具體化，我囡囡會覺得有趣些。