仔仔日日唔肯自動自各做功課,託管補習社有冇幫助呢?

ellenwong731

各位媽咪,

我有個就讀二年級的仔仔, 每日都唔做功課,拖延時間,每晚放工返屋企都好嘔血, 最慘係夜晚做得功課,自然就唔夠時間溫書, 日日循環都係咁. 測驗唔合格. 唔知託管補習社有冇幫助呢? 好心灰呀!冇晒辦法啦!

請問各位媽咪, 他的學校在Yau Yat Chuen附近. 可否介紹有冇類似d可靠託管補習社在附近, 他們是否可以在學校接仔仔去補習社呢? 感激各位!

   

emiluihk

早晨呀ellenwong731 ,

        唔好放棄呀~~~ 你個仔仔係咪二年班先係咁咋,
會唔會係功課量比起小一時多了很多 ? 我都讚成放學給
他上託管做吓功課。

         據我所知有些相職家長會安排他們搭校車到託管中
心,至於他們會否到學校替你接仔仔放學就不太清楚。

         不過因我不是住九龍區,所以我並没有好介紹給你.
之不過,加油呀[img align=right]http://smileys.smileycentral.com/cat/18/18_1_103v.gif[/img]

Chole

tssm

ellenwong731,

你個小朋友係唔係比較心散d同好動d果類呢?如果係就補習社一定唔

wensi

有d 補習社接放學每次收錢,去三小時都要大概干五六一個月,未計接放學。如果補習社好因仔仔生性,D其他小朋友仔又乖就無野ge!好好tim!回家自己不用跟。我有朋友仔仔唔work law!去到補習社唔做工課,又係回家先做又係要跟父同跟。去問補習老師為乜,老師好好笑,話先生問題係佢唔係我個仔,打又唔打得鬧又唔鬧得,你個仔係要唔做我都無法,佢唔聽我講wow!最後去在一個月無去,因已付了錢    

dabbycheung

我都同意唔好去補習社。因為我響補習社做過，知道補習社真係好唔掂。
首先，師資絕對係一個問題，因為補習社比既人工平，好多補習社多數只要求請中五畢業生。(大學生會做上門補習)。其次，因為太多人(通常1個對8個)，個導師跟本顧唔到咁多，所以有時有D學生響度抄其他人D功課，個導師都唔會理。
另外，我知道有D學生本來幾乖，但去左補習社，因為群埋D唔多乖既學生，所以真係睇住佢地變。
其實可以試下用貼紙獎勵法，例如佢每日晚飯前做完功課，就有一個貼紙，每集齊一定既數量，就會有獎勵。

Bluestar

我都同意 - 千祈唔好去補習社。

我個仔又係唔會自動做功課。試過俾佢每星期去三晚補習社，交了一個月學費，點知 :
- 話佢d字寫得/畫畫得唔靚，叫另一個四年班補習學生替他寫字，做功課，畫畫 !
- 話佢英文作文寫得唔好，要佢寫補習老師提供的句子。
我發覺d字唔係個仔d字蹟，d畫唔係個仔畫開d style，d 英文字個仔應該唔識 !!!功課對完都錯 !!!!!
結果我照樣要每晚同個仔掙扎，而他因為放學後無得玩無得休息直落做到成11pm，累死+發脾氣又倦又無得玩。
默書又無同佢溫，測驗就俾d雜亂的中文sample paper俾佢做(都唔知邊道抄出來d題目出得很差)，我個仔做英數所以無sample paper做。

有個導師惡到死淨識鬧小朋友，介紹我個仔去該補習班的同學女，俾佢鬧到喊唔肯再去。

一個月後快d走。

我叫個仔在我回家吃飯前，take a nap (2 hrs)，我回家吃完飯，叫醒他做功課/上網做網上中英數。溫書就星期五六日做。
成績算過得去，(我只要求他明白，唔要求科科90+分)。

心心媽

我都唔贊成去補習社,以下係我的經驗:
我試過幫我個大女join了一個月補習社,我已同補習社講明我只要求他們make sure我個女做齊功課就得,默書如果無時間就唔駛幫佢溫.
點知,我個女差不多日日都做唔齊功課,有時做一張worksheet可以做左前一頁,後頁未做都得!都未計教錯個d!簡直係貼錢買難受! :tongue:  

cameo

我都曾因為考慮上補習社而問過自己的家長朋友經驗~
一個話,個仔d功課有人幫佢做~
一個話,越學越曳~
一個話,佢小朋友驚,因為某d小朋友會講粗口,食煙,重恐嚇佢唔可以講俾大人知~
一個話,補習社自己當自己係學校咁,又手冊又功課又test加考試,跟本無時間再跟本身的功課,即想佢理o既理唔到,重俾多d野個小朋友做,,,,,
所以決定唔會去補習社!!!
如果你要返工,"搖控"唔到個仔自動自覺,咁不如考慮吓上門啦,因為而家一二年級大約都係五六十蚊,搵番自己區都應該唔太難(好唔好就要試過先知),其實計落一日一個鐘都差唔多,上門又可以專注睇到個小朋友問題,佢強o既可以多d鼓勵佢再做好d,弱o既可以幫佢習中d去補,,,,,,,我之前都一星期有一日係上門,但就唔係跟功課,主要係跟英文文法,~
你試吓留意附近surpermarket貼o既紙,or睇睇以下網頁幫唔幫到你丫~

喂喂!!!click here~

idyhk

依家既託管補習社我唔知係點,不過我讀小學時就補過一排,可以講下o的學生係點補習,我返個時係兩個對十個,接左放學之後就開始做功課,但係無人理個補習老師,因為佢睇A功課,B同C就傾計,睇B功課,A同C就傾計,咁仲有兩個唔係去洗手間就去左玩,唔係補習老師唔做野,而係同一時間睇幾個小朋友做功課唔係一件易事,同埋當時我地知道補習老師唔同老師或者父母,可以唔使驚佢
其實做功課同溫習都需要有個安靜和無誘惑既地方先至可以事半功倍,補習社有咁多小朋友,一定有乖有唔乖,
唔乖既,補習老師未必控制到,乖既,又會受到唔乖既小朋友影響,不能夠專心
我諗如果經濟許可,可以搵上門補習,小朋友放學先做抄寫既功課,等補習老師同佢一齊做作業同溫習,每日一至兩小時咁都夠o架啦

ellenwong731

真係好多謝各位媽咪呀.我會考慮清楚先決定會唔會比仔仔去補習社,有可能自己辭職唔做嘢,多d時間專心照顧佢.