仔仔的將來

admiral1008

各位家長,本人小兒9月讀N1,如果由K1開始比佢讀國際學校好唔好?我都係想佢英文及各方面都優越少少?
他會否好辛苦?如果唔入國際各位家長有甚麼更好安排,願聞其詳,多謝賜教!

momama

如你認為"入國際" = "好安排", 就入啦, 冇乜需要考慮.

Danny3101

我覺得辛唔辛苦是父母如何教育.的問題.
你要佢學幾多野是辛唔辛苦的主因.
但如果經濟許可的話
我覺得為何不可.
因為語言環境是很重要
如佢每天都要面對外藉老師或說英語或普通話的小朋友
佢在學習上 或 和同學玩的情況下 便會學習得很快
況且習慣了和外藉老師溝通.  便不會有害怕的情形發生.  

vnghk0001

讀國際學校英文會好啲，但點解各方面會比其他學校優越啲呢？

HaYi

如果是國際學校 (不是個名是英文幼稚園個些, 一D都唔辛苦架, 比較注重玩), 傳統學校就有可能太谷太辛苦, 不過國際學校除左英文, 是否樣樣比傳統的香港學校好, 就一DD, 因一個國際學校幼稚園的K2小朋友可能同一個普通幼稚園的比, 唔會識太多字, 又寫好少字, 中文尤其會差些.  同埋國際學校幼稚園K2完己是小學, 到時想出番去同大圍一樣在K3抽學校等有點困難, 所以入左之後就比較要一路行國際學校.   

反而我識幾個人英基K1完時轉出來, 因為英基小學收生不肯定, 到K2完上不到英基小學, 才出來就很難安排, 所以K1一完就要出來.

MaiGao

小兒是國際學校學生。小兒在校內和校外表現不俗，英語水平高，會說廣東話和普通話，但不會看讀和寫中文。我一直打算讓孩子讀國際學校，但後來因為財政關係，我決定讓他升讀本地小學(直資/津校)。不少學校雖然是英小，但面試時依然會考小朋友的中文水平。這方面小兒比其他小朋友落後不少。

所以認為決定讀國際學校前，先要考慮小朋友將來的升學選擇。若希望升讀本地學校的話，讀國際不是不好，但也要額外補習學習中文。

admiral1008

回復 MaiGao 的帖子

Thanks to you . Your comment is most useful .