請教讀緊小學既家長，你地子女每日有幾多功課呢？

朱古力

請問你們的仔仔女女每日有幾多功課，有無其它習作，
我好擔心囝囝升小一後就...............，請比些意見．
      

開門見山

間間唔同個啵...谷果d就十樣八樣,唔谷果d三至四樣,咁你小朋友讀邊間呢??

朱古力 寫道:
請問你們的仔仔女女每日有幾多功課，有無其它習作，
我好擔心囝囝升小一後就...............，請比些意見．
      

BonnieKam

我呀仔今年讀小一, 開左學已大半個學期啦, 通常一星期裡面有3日係6~8樣功課, 另外2日就3~4樣咁囉, 同埋好似默書前果日都會少dd嘅. 其實唔使太擔心, 因為有d功課佢地會喺學校做左先. 但以我過來人嘅經驗來說, 你要有心理準備第一個學期佢地啱啱從k3轉p1真係會好唔慣, 日日要做幾樣功課兼且要"默書", 但我地做媽咪嘅一定要體諒及幫佢地, 一同渡過適應期.  

Teresa

不計功課改正、溫默書、資料搜集等，每天約有3-4樣功課。

朱古力

我囝囝未讀小學架，佢今年K2，琴日岩岩同家長傾開小一既功課，越傾越擔心，因為我要返工，依家K2每日兩樣功課都係等我放工接埋佢返屋企先做，晚晚都係八時半先開始做功課，我諗佢讀小一就唔可以再等我放工睇住佢做喇∼

開門見山 寫道:
間間唔同個啵...谷果d就十樣八樣,唔谷果d三至四樣,咁你小朋友讀邊間呢?? [quote]
朱古力 寫道:
請問你們的仔仔女女每日有幾多功課，有無其它習作，
我好擔心囝囝升小一後就...............，請比些意見．
      

[/quote]

朱古力

多謝各位既意見，       

我想問係咪津貼或官立會多Ｄ功課，私校和直資會少Ｄ功課呢？語該晒~

Teresa

朱古力：

其實你要開始訓練仔仔每天自行做好功課，初初開始時候，不要期望高，只望他能夠自己做功課（可能有很多錯的地方要你回來後檢查）。

我仔仔讀直資，老實說，我覺得3-4樣功課不算多。而我仔仔從K2開始已經訓練他要在我們放工回家前做好功課，所以上了小學後，他放學回家都可以自己做好功課。只是因爲他的功課有改正，有資料搜集，又要和他溫默書（每星期一次中默一次英默），加上晚上要練琴，還有網上練習《每日一篇》中英各一，weekend還有讀書報告（不要忘記，學校希望你在家每天都要和子女看圖書--親子閲讀），這些全都要家長幫手，所以基本上每晚都很忙。

況且小學一般每學期都有一測一考（相隔約6-8星期），還要提早溫習測驗。

如果要等你回家才開始做，可能11pm都未做好功課，到時是你自己辛苦兼激氣。

你也要有心理準備，在我仔仔的情況，小一上學期可説是"terrible"，他未適應小學生活，什麽都是甩甩漏漏，都要你跟手尾，功課測驗常有很多重復的careless & stupid mistakes。下學期就明顯好好多了！

朱古力

Teresa,
多謝你既意見∼
我都明白架，其實我都開始叫囝囝自己做功課，
不過唔知點解，佢成日擦功課，如果我唔睇住做，
佢次次都擦穿晒Ｄ簿，係次次呀∼唔係講笑！
我真係火都黎埋，所以先睇住佢做咯∼
或者我唔應該放棄，我收起晒佢Ｄ擦膠繼續迫佢自己做．

其實我最擔心係，因為我地兩個都要返工，
囝囝放學後要返托兒所，到我放工先去湊佢，
托兒所唔比佢地做功課，所以要返屋企先做，
第時返小學，我唔可能要佢等我返屋企先做，
學你話齋11點唔知做唔做得晒呀∼所以我要盡早安排，
諗定將來點，等大家都唔洗咁辛苦．

Teresa

擦穿晒Ｄ簿的情況，我仔都常出現。我就會這樣做：

（1）買些quality好的擦膠(Radar / Boxy)。
（2）拿他練習簿空白頁影印數份，一旦他擦穿簿時候就用影印的空白頁剪一格貼回穿了的地方才叫他寫。

其實你仔仔肯擦字，證明他對自己功課有要求，想做好，應該多鼓勵他慢慢寫而減少擦字。

朱古力

Teresa,

我係用boxy呢隻擦膠架，不過可能功課簿既紙質好薄，
所以好容易擦到穿晒爛晒，我見到真係好鬼嬲，
忍唔住鬧佢．
我會多ｄ鼓勵佢架喇∼唔該晒你．

hinhinmummy

我個女讀緊官校, 每日都吾會太多homework, 生字最多都係寫一行..............

吾係直資一定小功課

*新希望*

我識人在津小讀一年班, 傳統學校, 中文日日都有得抄抄抄..... 一日抄生字 (8個生字, 唔隔格寫), 一日抄課文, 一日寫2頁中書, 一日謄文, 一日作文, 另外每日都有另加一樣中文功課; 有時英文抄生字, 有時抄 copybook 2頁, 加每日都有另一樣英文習作; 常識都要抄生字呀! 每日起碼 6樣功課的! (中英數必有 2樣功課).

我就鄧佢多功課啦!

BonnieKam

朱古力

我十分同意Teresa的回應. 上學期真係小朋友同媽咪嘅辛苦期, 因為佢地未咁快適應, 每日抄手冊(家課冊)都抄到一塌糊塗, 問佢咩都話唔知, 話老師無講喎, 功課同測驗入面做錯果d題目著左8~9成係careless & stupid mistake, 並唔係佢地真係唔識囉. 真係幾"嘔血", 我都唔知激到(偷偷地)喊左幾多次 ?? 所以真係要有心理準備 !!! 唔緊要, 有咩困難未上嚟一齊傾囉 !

emiluihk

朱古力,

       我個女都係讀緊 k2,都係日日要等我放工先做功課。
所以我同佢協定咗,到佢讀k3的時候要在我放工前完成功課。 因而家唔睇住佢地做功課,好多時d筆順會寫錯晒, 所
以各有各好架,我又認為唔好太擔心,如果而家因做功課就
把他嚇怕,咁往後既日子仲難過,耐性真係唔少得架。
大家一齊努力吧 [img align=right]http://forum.bjcg.com/images/upload/2006/01/05/201906.gif[/img]

朱古力

BonnieKam & emiluihk,

多謝你地

KiuKiu媽媽

朱古力
唔使咁擔心, 將來升上小一, 您可以在囝囝放學后放系補習社, 補習社會教佢做好功課同温習, 只要您放工返去檢查下有無做錯同無做漏, 咁您壓力就無咁人, 又唔使因為囝囝咩都無做而激氣, 又傷大家感情, 放心啦, 升上小一都要時間适應架!