茶點

happymama_jkc

我想問下大家會整咩小食比小朋友小息食茶點 ??

麵包 ? 餅乾 ?


thanks

charmainechue

我通常會切蘋果給囡囡吃，健康D。

CarMan

唔會變啡咩? 天氣熱又o 5 o 架?

原帖由 charmainechue 於 10-8-1 17:12 發表
我通常會切蘋果給囡囡吃，健康D。

happymama_jkc

可能比 d 提子佢地啦 ..
提子會唔會壞呢 .. 應該唔會掛

haha

sfcssfcc

原帖由 happymama_jkc 於 10-8-2 20:22 發表
可能比 d 提子佢地啦 ..
提子會唔會壞呢 .. 應該唔會掛

haha

點解唔問問囡囡鐘意帶什麼小食？或者同埋她們一起去超級市場挑選。如果叫她們帶自己唔鐘意食的小食，一般的結果是她們請其他同學食，與同學交換，又或是全部倒掉（真人真事）。

當然，父母為囡囡準備小食，重點當然是健康，但有時候亦要顧及她們的興趣，因為你唔帶蝦條糖果等，一定有其他同學帶，仲要好大方咁四圍請傾得埋的同學食。

過去，我會讓囡囡選擇小食，而在選擇過程中會教她們怎樣分別零食的好與不好，其中小蛋糕是首選，餅乾是其次，無添加但好似薯片的生果片係第三，有時候容許她們買小包裝的蝦條作為獎勵。至於糖果，可免則免，但她們貪咀時，同學請的會全部接受。

[ 本帖最後由 sfcssfcc 於 10-8-2 21:28 編輯 ]

Mrsleaf

我聽有個家長講話將生果浸鹽水幾個字, 就不會變啡, 我自己就無試過, 因為自己手腳慢, 朝早起身好似打仗咁, 邊得閒等咁耐, 有些家長就用保鮮紙包住生果, 我見都ok 嫁 !

有些會帶"sap" 蛋 (煲水弄熟 ).

原帖由 曲曲 於 10-8-2 10:30 發表
切開的生果唔可以擺咁耐架

polarbb

我比個女帶零食,不過量好小,學校有時會有"無零食周""水果周".
你唔比佢帶零食,佢見個個同學仔都有,佢地又會心思思拎人地個D,又或者羨慕人地. 我唔比個女拎人地個D野食架,佢初初都成日同同學仔 share, 佢又成日拎人地個D,不過一黎我覺得唔衛生,二黎我唔鍾意佢貪心同為食,都"哦/教"左成個月佢就唔再拎人地D野食,我同佢講如果佢見到同學仔D零食佢想食,返黎話我知下次一齊去買,不過我有時會比佢帶多小小包裝好個D零食比佢返去請同學仔食.有時佢唔舒服我就比佢帶士多啤梨,車厘子或者一D旦糕仔放食物盒.

happymama_jkc

零食我就會盡量小, 除非佢有好表現就會一次, (但大多數可能都係1個月1次啦.. haha)

而小食就都會問女女想食咩..
例如整迷你麵包就會問佢想夾d咩係入面...
有時會整d cookie or cupcake 比佢攞返學啦 ..

polarbb

我當初都好似你咁諗,不過當佢見到個個都拎住D糖,薯片,蝦條,朱古力......而佢地就自己食包....點都會拎人地個D食,而且重會係勁食個隻,同埋會唔開心lor,所以我都會比佢帶,不過就唔多,可能有時兩粒糖加10數條蝦條,有時兩條包裝好個D日本旦卷,有時兩包紫菜,有時小小花生比佢過口癒,咁佢就唔會食人地D野,因為個個同學都一定請人食,佢自己冇得食就好自然會拎人地個D,咁我又唔想 lor.

原帖由 happymama_jkc 於 10-8-3 19:05 發表
零食我就會盡量小, 除非佢有好表現就會一次, (但大多數可能都係1個月1次啦.. haha)

而小食就都會問女女想食咩..
例如整迷你麵包就會問佢想夾d咩係入面...
有時會整d cookie or cupcake 比佢攞返學啦 .. ...