可能是很多家長的煩惱!!

aves_y

轉載:
如何改善小孩遇困難便退縮?  

我女兒性格欠自信, 遇困難便想退縮, 我該怎樣幫她呢?
她曾經學珠心算, 學到二級, 便因不想做太多練習而停學,當時她4歲多.
又學過跆拳道, 考到黃帶, 後來又覺得辛苦,閙著不想學, 剛好她又參加了學校舞蹈班, 於是便沒有再學跆拳了.
半年前開始學鋼琴, 現在1級,一直都沒甚麼問題, 最近又說很難, 不想學了.
我發覺她是怕困難,怕辛苦. 於是總愛閙情緒, 我都不知道該如何幫她, 目前她只對跳舞跟畫畫有興趣, 學這兩樣, 就從未操過心.

請問大家有沒有這方面的經驗, 家長該如何應付呢?

fred媽媽

我姨生以往都係咁, 學任何野維持唔到3個月就放棄唔再學嗰種. 那時佢既反應都係話好難無興趣, 直到03年1月學左珠算班. 佢既學習態度就慢慢改變下來. 我地問反佢. 點解, 佢話珠算好好玩, 可以挑戰自己, 再加上, 珠算訓練令佢係數學成績上一直維持高分水平. 所以佢對呢樣野係最有成就感同自豪感. 所以一直維持到現在都無話唔學放棄, 我想, 小朋友學習上一定要佢搵到興趣同成功佢先會有原動力再繼續維持呢種態度堅持下去.

mslamlamma

aves_y,


Hi, 妳好 ! 我最近看了一編文章是講一位小妹妹在沒有毅力的情況下, 她的父親給她說了一個門關於打井的故事 , 內容是如人不努力去開井 , 便會因缺水而死 , 但打井不夠深 , 亦會因不夠毅力而取不到水 , 因開井要挖得很深才有水源 , 最後父親在畫紙上畫了十多個井 , 然後送給女兒 , 她女兒看了明白爸爸的心意了  , 祗要有毅力才會成功的道路 !

我覺得你可以用故事及道理和她說 , 使她明白不要每樣事都是3分鐘熱度 , 你亦可以問她什麼活動才是最適合 , 一旦參加了 , 無論有幾困難都要克服!

希望幫到你!

mslamlamma
6-3-2006

SUSANNA

我覺得問題不只在你囡囡身上, 你也要負責任, 因為你不應比佢放棄, 佢由細話吾學你就吾洗佢學, 己養成懷習慣, 因此你也要硬心腸迫佢學, 不能這麼易就放棄.

RaymondSir

我雖然不是為人父母，但我很喜歡小朋友，所以我選擇了教游泳，響我教游泳的多年間，我教過唔同年紀唔同類型既小朋友，我對小朋友既心理上既野有少少的心得，希望可以同大家分享下．對於

SUSANNA 寫道:
我覺得問題不只在你囡囡身上, 你也要負責任, 因為你不應比佢放棄, 佢由細話吾學你就吾洗佢學, 己養成懷習慣, 因此你也要硬心腸迫佢學, 不能這麼易就放棄.

　我認為係岩既，小朋友好喜歡嗲ｄ父母，唔鍾意既野就會諗好多借口出黎令到佢可以逃避佢唔鍾意既野，如果家長過份寵壞佢地，第日大個少少就會教得辛苦ｄ．
另外佢地唔想學果樣野，係因為佢地冇興趣，佢冇興趣係因為佢地覺得唔好玩，唔好玩就唔會投入去學習中，就算佢一直都有上堂都係但佢唔投入點都唔會有太大進步，如果想佢有興趣就要令到佢覺得果樣野好開心，點先可以開心就要睇下教學既法式岩唔岩個小朋友啦，家長最好都同佢一齊咁就最好．小朋友開心係最緊要，佢既興趣就係開心，咩野可以令到佢開心，佢就會對果樣野有興趣．．．
我唔知大家覺得岩唔岩，呢ｄ係我個人意見，希望大家可以分享多ｄ等我學到ｄ呢方面既野啦

kayan_329

aves_y~你亞女係邊o度學跳舞同琴o架... 我覺得你要迫佢繼續學落去...唔可以想學就學 唔想學就話放棄... 以前我係想學 但係因為我Mummy唔比我學 因此到現在先可以學返... 但係我過多幾個月便去外國... 所以我去到果邊先可以報過...

meyonw

RaymondSir,

我覺得你說得很對,但好似我個仔學長笛, 係學校學5個月都係學幾個音, 一首歌都未識吹, 佢話沒興趣, 沒心機練習, 唔想學, 我都唔知佢是否沒興趣或想偷懶唔學. 因佢都是喜歡逃避的人. 唔知有沒有人學過長笛, 可否給我意見?

tks

leeleelumlum

我曾經聽一個賣琴啲講:
細路學嘢成唔成功, 係睇大人點去做,
唔好啃啲就比佢放棄.....
唔通佢唔鍾意讀書,又由佢唔讀羅噃..

我就覺得好有道理, 以後以此為戒.....去同自己咁講'唔好再咁浪費時間同$$'   

aves_y

多謝各位加入討論,sorry,呢個case不是發生在我囡囡身上(touchwood),大家冇留意到....此文章是轉載的!! :  :

RaymondSir

哈哈哈　唔緊要既大家都係分享心得姐，

RaymondSir

meyonw 寫道:
RaymondSir,

我覺得你說得很對,但好似我個仔學長笛, 係學校學5個月都係學幾個音, 一首歌都未識吹, 佢話沒興趣, 沒心機練習, 唔想學, 我都唔知佢是否沒興趣或想偷懶唔學. 因佢都是喜歡逃避的人. 唔知有沒有人學過長笛, 可否給我意見?

tks

我就未學過啦，但我想問下你個小朋友鍾唔鍾意同你地玩架？同埋果度有冇佢鍾意一齊玩既同學仔？佢有冇同你地分享過佢上堂既野ｏｒ你地有冇問過佢上堂有咩玩之類既野？？仲有佢鍾唔鍾意個老師？
呢ｄ野係直接上會影響到個小朋友對呢野既興趣

neighbour931

絕對同意, 如果你話等個小朋友自由發揮, 而又能自己搵到適合興趣, 唔係無, 係萬中無一, 而且父母既支持和鼓勵也是關鍵. 另外, 平心而論, 學校既樂器一般都學唔到d乜野, 好多時都係學校樂團既踏腳石. 所以如果你想個小朋友能真正學樂器, 搵私人教是少不了的. 學校上課就當練習.

meyonw

RaymondSir,

你問的問題好似答案都係No, 我都沒留意到.可能佢得不到成功感,所以無興趣, 佢只係話吹到頭暈, 我重以為佢想偷懶, 原來真係會吹到頭暈. 佢話唔想學, 想學其他樂器, 我叫佢想清楚才學, 不可再放棄了. 多謝各位意見.

RaymondSir

meyonw 寫道:
RaymondSir,

你問的問題好似答案都係No, 我都沒留意到.可能佢得不到成功感,所以無興趣, 佢只係話吹到頭暈, 我重以為佢想偷懶, 原來真係會吹到頭暈. 佢話唔想學, 想學其他樂器, 我叫佢想清楚才學, 不可再放棄了. 多謝各位意見.

我未過吹但我有試過玩，我都有吹到晕既情況出，我唔知係因為我唔夠氣定唔識用氣，所以唔敢答到你ｄ咩．
我試下用我ｄ學生黎比喻下啦，我有兩年教既小朋友有好多都係響其他教練中既難教既學生．唔係因為佢地唔聽話，亦都唔係因為佢地冇其他人咁，佢大多數唔係俾水浸過就係俾教練嚇到唔敢再落水，佢地有ｄ係不停咁喊左幾個月，有ｄ係堂堂都嘔，有ｄ連我都打埋．．．佢地都係一個共通點怕水（怕浸死），當然有一兩個家長係選擇唔使佢地學，但都ｄ家長當睇唔到，到左ｅ家果ｄ學生個都響水入面好似生龍活虎咁響水底周圍漂，你話呢ｄ係我地教練既功勞咩？我好老實講我地係好少功勞ｊａ，最大功勞果ｄ係家長，最心痛果ｄ都係家長，因為佢地忍住自己心痛個子女而去俾機會我地去發揮我地既技巧．如果想小朋友學好一樣野首要家長支持　教練既心機　小朋友既學習興趣，呢三個條件有頭兩個條件就問題唔大，最後果個就要靠妻同教練合作便可提升小朋友既興趣．
好多時ｄ家長會多謝我，但我會同返佢地講係佢地自己既功勞唔係我．
我想講既野唔知你明唔明我想表達ｄ咩，如果大家有咩意見可以話返俾我聽，我都想知多ｄ家長如果有咁既情況你地會點諗，等我知多ｄ可以有多ｄ唔同既教法．少少個人想法請見諒
  

neighbour931

aves_y,

其實無論大小朋友遇到難題而退縮的經驗，只不過是程度唔同, 事情唔同. 有時我地家長好容易會用自己角度去睇小朋友, 唔明點解咁容易就放棄, 其實佢地都一樣會睇家長們脆弱既時候, 去解決問題和困難, 首先要培養態度, 再而發展能力. 這個也包括家長本身, 因為家長是他們的直接學習對象. 如果大家想一想, 每次小朋友閙情緒, 咸喊著要放棄, 便讓步, 更甚者是為小朋友找藉口,落台階, 這不是他們一個錯誤的模範嗎 ? 很多時, 在小朋友的學習過程中, 我們除了督促外, 更重要是能夠’容’入他們的學習中, 共同學習,這樣才能令小朋友沒有孤單學習既感覺. 當然, 好既態度唔代表甚麼都可以解決, 但一定比別人解決更多問題和過程會比別人愉快.

RaymondSir

嗯....
我覺好岩,等我第日有小朋友既話我會學下咁做先 :

aves_y

neighbour,
totally agree!!