龍校愛與恨

cscsmlkyh

呢個亦係我先生唔係咁贊成龍校既原因，但直升唔駛煩真係好吸引！

但我b 都唔會入到架喇.....

teambuilder

咁其實龍校都可以讀讀下轉校既。呢個就係讀龍校的彈性。

Macylau

原帖由 teambuilder 於 13-11-22 發表
咁其實龍校都可以讀讀下轉校既。呢個就係讀龍校的彈性。

同意！龍校好處係進可攻，退可守！

hippoo

agree

^GGmami^

咁其實學校除咗學課本上嘅知識外，學同人相處都係好重要。實唔會人人都鐘意自己架啦，所以學識點待人接物，接受有人同自己唔同意見，尊重人地想法，都係好重要嘅學習。

  如果出黎做野，一有人唔鐘意就轉工，轉得幾多份工呢？

^GGmami^

原帖由 剛果公主 於 13-11-22 發表
更慘既係返到屋企，同阿媽講完，阿媽就繼續教佢學識點待人接物，接受有人同自己唔同意見，尊重人地想法，咁 ...

回答你問題先：我無試過返工埋唔到堆，而我亦唔會刻意去埋堆，我更加唔會因為呢個原因而辭職，因為我返工係做野，唔係埋堆。我會同上司意見不合，但我份糧包埋，所以我ok，做返自己本份。我深信每個人都有佢價值。

   
  相處唔到唔一定係自己有問題，又或者人地有問題，世界唔係咁嘅 面對逆境嘅智商(所謂AQ)同IQ一樣重要，一個天才如果小小挫敗都面對唔到，睇唔開，咁再叻又有乜用呢？

  好坦白講，要子女成長，要學識放手，捉得太緊，對子女對自己都辛苦。而且而家先k班，到考到龍校，到真係入到龍校又咁唔好彩先煩呢個問題啦！不過我相信你嘅bb人見人愛，應該唔會有咁嘅問題嘅

TwogirlsMama

原帖由 Macylau 於 13-11-22 發表
同意！龍校好處係進可攻，退可守！

進可攻，退可守好重要，到升小一就深深體會到架喇。

miutang

但有些龍校不比大抽獎，除非考到直資私校，否則好大機會都留下來。另有些龍校不是百分百直升，所以大家要留意。不過，優勢縂是有的，因識得校長老師，求位都易些，玩小一遊戲時個心定好多。

bbcarrot

就算龍校，好多升小升中時都會有一批學生轉校，又來一批新學生，所以都可以識過啲新朋友。

藍藍媽

無得洗牌黎過，唯有自己洗底啦……同埋一級有二三百人，我估升班時都有機會洗下牌……同埋知己好友，三幾個已經好好，唔駛所有人都鐘意自己的……有時朋友太多，仲難keep 住友誼，因為感情都係要時間浸的

yumikokwong

好既方面諗，如果小朋友好鐘意間學校、同學，佢地唔使分開，對小朋友係好事!

pepper.prince

我以前係女龍校讀左十幾年, 由小學上中學, 同學及老師間感情好好, 好有歸屬感架

人際關係其實小朋友之間會自己面對, 讀左咁多年又唔覺有同學因為LI個原因離校, 再不受歡迎的同學亦總會有些朋友的

如果有明顯的欺凌/排儕等行為, 老師先會插手, 不過母校D小朋友係比較純品, 同埋學校都幾嚴, 這些情況好少出現

好記得小六放榜果日, 大家都好緊張睇下朋友仔係咪一齊直升, 至於識新朋友, 小學好似係年年都同一班人, 中學就升班時換下人, 不過小朋友好易同人玩熟, 搭校車一班朋友, 同班會有good friends, 玩唔同學會/活動會有另一d朋友

兔兔媽咪

原帖由 剛果公主 於 13-11-21 發表
明白依家升學戰況激烈，龍校係众望所歸，但回想自己小時候，慶幸自己唔係讀龍校，就算小學唔多受同學歡迎， ...

Agree

melonfans

剛果公主 發表於 13-11-21 23:53
明白依家升學戰況激烈，龍校係众望所歸，但回想自己小時候，慶幸自己唔係讀龍校，就算小學唔多受同學歡迎， ...

間間都斷龍, 無咩意思! 真正龍校係培正, 我都好佩服!

ms.bead

唔好樣樣太擔心，先對學校瞭解多d先…有d“龍校”會年年調班，每年都會認識到新朋友。同埋人際問題亦是小朋友要學習既一個題目，家長係輔導佢哋，唔係擔心先！