邊到可以維修小提琴？

Fatty

各位，請問邊到可以維修小提琴？
其中一條弦爛佐，維修費大約幾錢？另外，個弓又爛佐，有冇得另外配一個？
個琴本身唔貴，係咪應該唔修理，買個新既仲平？

kaka0814

Fatty,

弓去買就可以了, 最平的學生弓可能幾十蚊就有。
弦是定期要換的, 看看有沒有可能幫你手。

Fatty

個琴本身唔貴，係咪應該唔修理，買個新既仲平？
應該買1/16 小提琴，定1/8?

SandyMummy

Fatty 寫道:
各位，請問邊到可以維修小提琴？
其中一條弦爛佐，維修費大約幾錢？另外，個弓又爛佐，有冇得另外配一個？
個琴本身唔貴，係咪應該唔修理，買個新既仲平？

If the violin and the bow are expensive ones, I suggest you to repair them, because the child will be more familiar using his own bow and violin and has get used to it. You can go to violmaster in Wanchai for maintenance. If not expensive, better buy new ones.

sweetmum

小提琴弦可以換, 仔仔有次斷咗1條弦, 買咗條弦之後, 老師幫佢換, 另外弓都可以淨買弓, 你可以比較一下淨買弓同弦幾錢, 再決定買唔買個新!

yingsum

kaka0814

我以前請教過你音柱問題架...你有冇印象呢??

我又係爛左枝弓...有冇乜野可以參考呀...1/4有冇好少少架??

同埋提升個琴係咪真係好 d 呢?幾錢到??

yingsum
  

kaka0814

yingsum,

yup, 係咪有咩想問?

其實乜弓都有得好少少, 但睇你俾得幾多錢, 我講過, 我自己個琴同支弓一樣咁貴, 套弦用左 $250, 松香用左 $120, 呢d錢都唔慳得。

如果個琴係機造琴, 整音柱唔會有好大分別囉, 換弓主要係幫右手發展。事實是有些國產而且 $100 以下的弓都不錯, 只差在你有沒有時間去選購和運氣好不好  

相對來講, 換弦 + 修整馬仔就對音色有好大同好明顯的影響。但你可能會認為在一個幾百蚊的提琴上換一套可能是個琴相等至一半價值的弦是沒有意思, 如果你信得過我, 我真會建議你考慮試一套德國弦, 任一套都會比國內弦有更好的效果, 雖然貴, 但值得。

其他的, 有機會再分享。

Sindy

kaka0814 寫道:
但你可能會認為在一個幾百蚊的提琴上換一套可能是個琴相等至一半價值的弦是沒有意思, 如果你信得過我, 我真會建議你考慮試一套德國弦, 任一套都會比國內弦有更好的效果, 雖然貴, 但值得。

其他的, 有機會再分享。

絕對係呀,換左靚弦差好遠

suz

orfeo strings 同 hong kong strings 都有整琴服務

mp3

kaka0814 寫道:
建議你考慮試一套德國弦, 任一套都會比國內弦有更好的效果, 雖然貴, 但值得。

請問是甚麼牌子？ How much？

thank you

yingsum

kaka0814,

哦...明白...同老師講下先...thx呀..

咁修整馬仔係點架....就咁望落好似個個差唔多咁...其實係點架??又麻煩你啦...

kaka0814

其實馬仔上每一個部份都會影響音色, 琴馬自己都有份優質 (靚木造) 同普通咁, 大部份學生琴都係機造, 唔夠好囉

yingsum

kaka0814,

原來咁0既.....我都想學多 d 知多 d ...thank a lot

Fatty

唔該咁多位。

另外想問應該去邊到買琴？通利同柏斯會唔會多D choice?

kaka0814

Fatty,

咩價位的琴先? 如果學生琴就最好唔好去大琴行, 因為其實機造琴都冇乜大分別

Fatty

kaka0814,

係初學, for 小童。 唔好超過$1,000.
6歲用1/16 會唔會太細？定係買其他size?


另外, 1/4 size 幾多歲適用？

kaka0814

1/16通常比未夠 3歲用
夠 3 歲會用 1/10
跟住 4-5歲用 1/8
6-8 歲用 1/4 咁
要睇小朋友高度 / 手的長度而定

Fatty

kaka0814,

多謝你意見！

請收pm.