唉...戒片戒到想死, 又多樣野煩...而家戒片事小, 唔食飯事大.

ksw524

個衰仔一向食野都好大問題, 淨係中意食白飯白粥, 我用攪拌機打到爛晒o既肉, 都只係開頭肯食幾啖, 之後又lur...
之前由奶奶湊, 食乜lur 乜, 奶奶又永遠就晒佢, 唔食就白粥白飯伺候.
我由5月開始辭職湊佢, 但咁o岩呢頭辭職, 果頭又大左肚, 結果只係湊上午, 下午比奶奶湊, 幾個月落尼, 總算o係我湊佢o既時候, 多數同我食晒一隻大人碗入面o既飯送, 肉亦都由攪爛到而家切成細細粒, 佢都肯食, 不過都係間中會lur 下, 要我鬧佢先得, 又要呃呃tum tum
我之前天真地期待返學後可以改變到. 但發現原來係唔得o既...
而家都仲係適應週, 剛上星期4先開始學校比佢地食完午餐後放學, 但4日內, 佢都係食幾啖, 或者係完全唔食...今日老師同我講因為佢食得唔好, 所以唔建議佢o係學校午睡後放學(本身個schedule 係明天開始午睡後放學) 要再觀察下先可以.
咁搞法, 佢唔洗返全日啦....
由上個星期4開始, 我都全日自己湊, 但係午餐佢可以同我乖乖食晒, 但晚餐佢又會玩野唔願食, 最多食半碗, 同埋係都要爸爸餵... 我上個星期見佢又唔食, 咁我好惡咁, 你唔食, 我收走, 平時10點左右比佢食下餅呀,零食然後飲支奶再訓, 果日乜都冇, 趕佢上床訓, 佢訓到差唔多12:30點餓醒, 想食奶, 我唔比佢,迫佢要食返佢食淨果d飯, 結果同佢玩到2點, 由本來堅持唔食飯冇奶奶, 到改為要佢食一啖飯先比奶奶, 佢先肯就範, 食左一啖之後, 佢又肯食埋果半碗飯先食奶喎...到而家為止, 佢唔願食晚飯, 我就咁樣罰左佢2次. 而家佢一唔肯食, 或者lur野, 我就會話收走, 咁佢就會搶返碗飯,不過晚餐都只係肯食半碗.. 究竟佢係因為下午冇乜活動 (通常2,3點訓到6:30)所以唔餓定因為剛訓醒所以無胃口呢? 但今日試左5:45 整醒佢, 6:30 餵佢, 都係食得半碗...
其實半碗飯(飯加送) 夠唔夠佢食架? 我係咪應該隻眼開隻眼閉, 照樣半碗收貨, 宵夜比餅同奶?!

chris-BB

無運動當然食得唔多飯啦！我只係比亜仔午睡一個鐘，然後叫醒佢食下午茶，再帶佢去公園玩半個至一個鐘，佢都食晚飯一個大人碗(包理餸)架！所以佢地運動好緊要架！至於佢唔食餸，你試吓先比餸佢食後比飯佢食啦！不過佢咁徧食，最好比奶佢飲來睡啦！

fishcowcow

我覺得你個囝太夜訓喇, 佢要返學, 10點先食餅, 咁即係起碼11點先訓啦, 下午訓覺如2:30訓, 最多4:30左右就叫醒佢, 然後俾少少下午茶(例如生果/乳酪), 跟住就出街/公園玩陣, 6:30-7:00左右返黎食晚飯, 宵夜唔應該俾, 更加唔應該俾餅, 最多食完晚飯食個生果/訓前飲奶, 9:00左右就應該上床訓喇

Capricorn2521

回復 ksw524 的帖子

好欣賞你的心思及耐性。

同意樓上所講，運動好重要，3歲午睡3小時我認為太多了。記得亞仔3歲時，就算吾太鐘意玩公園遊樂設施，我都要工人姐姐同佢到樓下公園附近走下行下1/2-1個鐘。

食半碗夠吾夠? 如果吾係細碼B，我覺得冇所為，有D人好吸收，正如大人都係，有D人飲水都肥。最重要係樣樣食物都要佢試吓，初初一啖都好，要讚佢叻叻肯嘗試。加上係自己湊，試過未試過自己清楚。

你依家大肚，要小心身體，不要太激動，對大仔細仔同自己都吾好。食係人的天生本能，今日吾得，明日再試。假以時日，回想今天，你會發現大有不同。

ksw524

fishcowcow 發表於 12-9-19 11:23
我覺得你個囝太夜訓喇, 佢要返學, 10點先食餅, 咁即係起碼11點先訓啦, 下午訓覺如2:30訓, 最多4:30左右就叫 ...

9點訓真係做唔到, 佢食完個晚飯都7:30,之後我地再去奶奶度食飯,返到屋企都差唔多9點...同佢沖涼,玩一陣就比D野佢食至訓,通常10:30上床囉...

ksw524

多謝大家建議~ 今日有小小成果!

今日試左, 訓2個鍾, 5:00 拍醒佢, 跟住出街散步, 行左45MINS返屋企, 果然食得多左, 都食到大半碗,仲冇乜lur野,不過都係成日掛住玩, 忘記左要咬同再食, 成日要我提住: "係咪唔食喇? 唔食我收lu wor!" 佢先肯放低d野食飯, 食一啖又玩過...
至於唔食餸呢個問題而家改善左好多, 我都係開頭差唔多成匙都係餸, 只有小小飯, 去到後期佢唔願食時都已經食左一大半... 不過又成日搶隻匙, 要自己不, 但又要倒返d餸走...同埋新野真係唔多願試...
先搞掂唔願食o既問題, 下一步係要佢坐定定食!!!
thanks everybody!

chris-BB

下午5:00起身，10:30上床睡，我諗佢要搞到11:30先睡得着喇，係咪？咁樣就會悪牲循环架！以前我都好似你咁湊仔等佢自己醒，早上佢睡到10點幾，下午3點左右睡，下午5一6點左右起身，夜晚10幾帶佢睡，佢可以搞到半夜12:00都未能睡着，最後搞到成曰病囉！所以我決心調佢作息時間，毎日提早半個鐘咁叫醒佢，慢慢佢可以早上8:00—8:30起床，下午1:00帶佢上床休息，下午3:00前叫醒佢，夜晚9:30前帶佢上床休息，如事者佢會習慣啦！有時下午1:00帶佢上床休息佢會搞到1:45—2:O0先睡，我都係3:00前叫醒佢，咁佢會得1個鐘睡午覺，但係佢夜晚唔會咁難睡得着囉！
其实我既時間都唔係咁好，其他媽咪係早上7:30前叫仔起身，下午2:30叫仔起身，夜晚9:00要仔上床休息…我仍然未做到！我想你更難實行囉，但係你要決心先可以成功！如你話要去奶奶屋企食飯9:00至返到自己屋企，如果係好近，你可以先幫囝囝洗白白，再去奶奶處食饭，返來只係比奶囝囝飲及換衫睡，應該可以省少少時間，係咪？你要記住悪性循環會影嚮佢生病及情绪架，希望我以上講既野會幫到你少少啦！