點樣查到個間小學支援多或少???

HAPPIMAMA

請問各位點樣可以真正查到學校對自閉小朋友支援多或少???
另外有無家長小朋友是有自閉問題是就讀灣仔軒尼士少學???

crystal媽咪

真正?除非有朋友在那裡做，就算有人讀，要差不多程度。可上教統局或學校網址，睇老師讀special的百分比及學校對個別差異學生的措施，可略知一二，也可看看有否開放日或介紹講座，屆時問問校方

misshk12

我個人認為口啤最重要。

pocoyo123

去年聽左一個小一選校講座, 有一個媽媽佢小朋友讀軒小, 是A仔, 學校完全沒有支援, 佢小朋友社交差, 多口,被欺凌, 在小一下學期同學校反映, 完全沒有跟進, 直到學期底小朋友已開始不肯返學, 如此嚴重情況, 學校也是叫家長自己諗, 只說如學生不騷擾其他同學, 學校是可以比佢~~坐~~到小六, 佢媽媽聽後也立即轉校.

我不知軒小是否對每個SEN學生也如此, 不過家長如選此校, 最好多同學校溝通, 先確定學校對SEN學生立場, 再選也不遲

khmama

可以上教育局網頁，有一份融合教育嘅小學名單。

overcomer

軒尼詩官小在小學概覽話有支援，佢多年前好似幫類似鏗鏘集拍過融合教育的片，訪問師生如何做。乜而家咁差呀？

Chichatmima

就算連油麻地天主教小學尼的名校都發生好多sen學生比其他學生欺負事件，老師都係罰個sen學生啦。小學每年拿政府好多錢嘎，有的成100萬一年，係你估計唔到甘多。

FeiG

我提議你可以去參觀你區內嘅學校,順道同支援老師傾下,因為坊間嘅資料係冇講俾你知有冇支援,而且,支援嘅方式係好廣泛,而支援有冇直接幫你個小朋友你係唔知架.因此我提議你要自己親身去feel下間學校接受你小朋友
我聴過個case,學校啲資源可能去咗啲隱形問題學生

baby_cat

你可以打電話問下學校, 直接地問, 有D佢地都會直接答架,

即會答無咁多資源, 或語氣變差都係話比你聽不歡迎.

HAPPIMAMA

多謝大家分享呀!!! 今日我去了一間資助小學聽講座, 呢間小學係 I 位老師
同我講過辦融合出色的小學, 滿心高興去聽. 之後找負責老師, 點知聽"D"
語氣 / 回覆內容, 感覺唔到對呢D 小朋友包容. 呢間都叫有包容, 支援好都咁.
都唔咁想像無口啤個D會點樣對我地呢D小朋友!!!
政府幾時可以放多D心 / $$ 去幫下呢D小朋友學業. 將來佢地都要自力更新.

pocoyo123

無錯, 有D學校以前做融合好, 但可能最近換左校長, 學校方針有變, 加上這兩年開始生育率高, 招生殺校已不同, 所以家長要多加觀察, 更何況, 每個SEN學生要的支援也不同, 人地OK又唔伐表你OK, 除了口碑, 家長行多幾步去學校問個明白是最好, 不要怕, 如果一早發現不合適, 可以無謂浪費時間,去年, 我也睇了超過二十間學校先搵到呢間, 亞仔讀得好開心.