戒片訓練...心力交瘁...

ksw524

亞仔2歲5個月喇, 有自閉傾向, 未識講野, 上星期開始同佢戒片, 個衰仔應該明咩叫屙殊殊.
但就2個星期以來只有3次o係potty or 企缸屙.
果3次係
1. 訓練第3日, 衰仔都係經常表示要去toilet, 但次次去到企缸都係左望右望, 左摸右摸, 掛住玩, 問佢屙唔屙, 擰頭, 叫佢出來又唔出, 如是者幾次, 搞到我火起, 跟住我鬧佢: "唔屙就出返來, 唔好o係度玩水!" 然後佢就發爛, 跟住喊同屙左出來.
2. 訓練第5日, 朝早爸爸湊左佢2個鍾, 佢都冇屙到, 我起身叫佢比啖水亞仔飲, 飲完抱左佢去企缸, 佢就咁屙左...
3. 訓練一個星期有多, 返完學返屋企餵佢食飽飯, 我就自己食, 個衰仔每一分鐘都露出個痛苦o既表情表示要去toilet, 但就次次都無料到, 我就食唔到2啖就又要同佢去, 搞到我火起話唔理佢, o係度食, 佢就係咁喊, 跟住坐落potty 幾次後, 佢屙左出來, 仲喊住拍手走來我度

照睇, 佢應該係明咩係屙殊殊. 佢又會表達佢想去 (一係喊, 一係走來我度指住jj, 個樣好痛苦咁) 不過唔知佢係唔習慣定係控制唔到, 都係咁瀨尿...
我成日問住佢要唔要屙, 佢會擰頭表示唔屙. 但又經常呢頭問完, 唔夠2分鐘就瀨.
一係就不斷表示要去屙, 但就永遠去到就o係度望來望去, 摸來摸去, 然後擰頭表示唔屙, 但好多時係出返去無耐就瀨.
已經聽人講, bare bottom 乜都唔著, 唔work...
同佢著開浪褲, 唔work, 著過2次直頭唔肯著褲仔, 佢鍾意bare bottom, 但成日摸住條jj
o係吉之島買左幾條戒片褲仔 (好似底褲仔咁, 但浪位加厚, 話有3層) 逼到佢著, 但係又係瀨左唔出聲... 佢當屙左o係片咁...

究竟我應該點同佢戒呢? 已經2星期喇, 上星期有1,2日去街, 冇訓練, 同埋呢2星期都係我湊佢果半日(朝早) 先同佢訓練, 下午佢去左99度, 99唔同佢訓練, 只有星期6,日, 我湊全日, 但又因為會同佢出街食飯, 會著返片, 同埋食完飯返屋企又因為佢要午睡, 又會著返片... 係咪因為咁, 所以難戒? 定因為佢有自閉傾向所以難搞?!

chris-BB

回復 ksw524 的帖子

第一，你唔係全日介片，佢會習慣瀨尿。好似我初初大半天要囝囝柯potty，只係夜晚7點後比片佢著返(因為要煮飯唔得閒理佢)，介咗成個月都係照瀨尿。第二個月全日唔着片情況好好多。
第二，你帶佢出街要着學習褲，但一樣經常同佢去厠所柯尿，唔好比佢習慣柯係學習褲到。
第三，佢瀨咗尿要罰佢。
好似我囝囝最鍾意涑厠，佢瀨咗尿後，我會帶佢去厠所坐一坐厠板，然后唔比佢涑厠，要佢睇住我涑厠。佢會哭，我就會話你唔係柯落厠所或potty，係瀨尿，所以無得涑厠。佢慢慢會明白唔可以瀨尿，否則會罰架！
當然有自閉証會難教啲，佢地會一時好好，一時差返。我我教咗四個月，佢依嫁間唔鍾都有瀨尿，但唔係經常囉。因為佢未識得話要柯尿，我只係留意佢既小動作。如果我忘记叫佢柯尿，佢又好急，忍唔住就會瀨尿。好多人話3歲會識得話去柯尿喎。我都等緊呢日到來呀！

FeiG

其實每個人的發展速度都唔一樣,不論佢有冇自閉症,所以我提議你可以放鬆啲,其實可能佢機能上未ready啫,唔好心急.

lokjoan

或者掉返轉，定時帶佢去，舉例可以每隔二小時，每次柯到有小食物做獎勵。

leekitha

唔好咁心急, 要有耐性, 如果唔係會適得其反. 可能囝囝仲未好識控制(忍尿). 我囝囝都係3歲半(今個夏天)先介左

cpl036

我個仔3歲入幼稚園都未戒1片，那時未知阿仔有自閉，只係覺得阿仔講嘢唔叻，但因阿媽話我細個都係遲講嘢，所以冇爲意
間幼稚園老師同姨姨冇乜愛心，加上大班，同阿仔戒了幾日就放棄咗，但好明顯比咗唔少說話我個仔聽，因阿仔喺屋企屙濕片佢就會自己講“乜你咁死蠢又屙濕，咁麻煩“之類嘅說話……
因爲咁我同阿仔転咗校，唔夠幾個月已戒了日片
而且新校長同老師都好有愛心同唔介意阿仔未戒片，仲同我講唔好心急，唔係睇年紀，就算他知要企喺度痾，如生理未成熟未控制到D肌肉，都只會痾濕腳…

owl_2046

cpl036 發表於 12-9-14 11:40
我個仔3歲入幼稚園都未戒1片，那時未知阿仔有自閉，只係覺得阿仔講嘢唔叻，但因阿媽話我細個都係遲講嘢，所 ...

冇錯, 生理未成熟未準備好都係一個原因, A仔易分心, 易忘記, 以為佢明, 查實佢地只理解到50%.
我仔4歲先成功戒甩晒, 最緊要唔好心急, 亦唔好因為個仔賴尿而罵佢, 只會令佢更加害怕去廁所.

idak

我都戒到想死﹗日日都聽到幼稚園老師電話, 放學去奶奶度重比個女著學習褲, 話極都唔聽, 每日放工接番囡囡時, 見到佢條學習褲濕咗, 個心就會好炆﹗自己每朝帶佢去廁所, 去到就會放心送佢返學校, 一無得去個人又會好緊張﹗我都知自己會影響到個女....有日老師話囡囡同老師講vv, 我開心咗成日, 但第二日又賴兩次...唉﹗

baby_cat

我諗, 如果要戒片都要著返底底同褲, 因我個仔都係咁, 個JJ無野保護係會有D不正常反應, 始終都係突出來的, 玩既時候碰到都會不舒服.

仲有, 要全日戒片, 不可分時段, 搞到佢地好亂架.

我個仔是返N班戒架, 初頭一星期, 每天都濕10條褲架, 但到左第二星期佢就完全無濕, 佢都唔識講野, 係拖住老師出去廁所.

pinkdoll

我個仔 尿就無問題 定時定侯帶佢去就可以 有時都會表達想去痾尿 痾c就煩啲 5次有2次都冇出聲 就咁痾咗落底底到 煩ing 有時又晨早流流起身就痾c(不過未介夜片)

ksw524

全日戒片, 咪好易瀨濕張床.... 濕左點訓呀.......
不過我都覺唔全日戒係會難適應d...
其實佢瀨左唔係令我發脾氣o既原因, 係因為佢差唔多次次主動話入去廁所都係去到呢度摸下, 果度摸下, 我比佢o係企缸度屙, 個地有小小水, 佢就o係度踩踩下, 完全係入去玩水, 問佢屙唔屙, 佢話唔屙, 叫佢出返來, 佢又要喊...
仲要係佢就食飽o係度玩水(佢食飯食成個鍾, 食完先煮好自己果餐都成2點半), 我就剛煮好, 食唔到2啖佢就要我帶佢去廁所, 激到我死死下先鬧佢:"唔要玩水, 係屙就快d屙, 唔屙就出返尼"
坐potty 佢又掛住伸對手落個兜度 r r 下... 佢自己坐坐下又話唔屙, 叫佢唔屙就起身(冇鬧, 心平氣和果隻) 但佢一起身, 又喊住要坐落去.....係要搵第2d野引開佢注意力...
其實我都怕自己咁燥咁鬧佢會影響到佢....

ksw524

同埋...其實我應該比佢bare bottom 定著條戒片褲呢?!
著戒片褲佢真係可以瀨左, 好似冇事發生咁...上次直頭坐o係爸爸大脾上面瀨到爸爸條褲都濕埋, 但2父子都冇感覺......

Jodi_妹妹

放鬆d.
我仔仔 四歲先介片, 一介就日夜都甩.

Capricorn2521

我覺得2歲半嘅A仔，大部份都未READY介片。

ksw524

可能我真係太心急啦, 但係都已經開始返學了, 學校肯幫手同佢戒片, 我又無理由仲由佢瀨架...
加上我媽媽都唔體諒亞仔係A 仔(佢地始終覺得亞仔係冇問題, 只係比麻麻湊, 成日困O係家, 又無人教佢講野先搞成咁) 成日話我比佢咁大個仲屙落片...