囝囝証實係自閉症譜系，好大打擊

1028amy

囝囝係星期五証實係自閉症譜系，我明知佢發展遲，唔係好識講野，都俾自己一個心理準備，但醫生同我講既時候，真係好大打擊，想問下各位，你地係尼D時間點平衡自己？請分享一下

jjcow

我當時都係，我未評之前聽到阿仔講咗一兩個字，仲同個妹講，好囉，佢講野，應該係發展遲緩，點知見到醫生，佢叫我接受現實，即刻要排 S 位。

之後我返屋企攬住個仔喊，唔知佢以後會點。後尾上網勁搜尋有關資料，好彩嘅係我睇到好多正面成功個案，個心定咗少少，喊咗一星期左右已振作起來。

依家都有一年半喇，阿仔進步都算快，我都覺得好欣慰

1028amy

原帖由 jjcow 於 12-06-24 發表
我當時都係，我未評之前聽到阿仔講咗一兩個字，仲同個妹講，好囉，佢講野，應該係發展遲緩，點知見到醫生， ...

你好堅強呀！尼幾日我真係堪一擊，好想搵方法幫佢，一上網睇到個名，就已經忍唔住喊喇，好擔心佢

cat1028

我同你一樣只認為bb語言遲緩，但評為譜系，心也一沈，但bb的情況,父母最清楚，要快收拾心情，盡快安排訓練俾bb，最慘係，樣樣訓練都要等，想急都急不來。語言訓練，社交小組，感統訓練，又貴又多人報名。

1028amy

原帖由 cat1028 於 12-06-25 發表
我同你一樣只認為bb語言遲緩，但評為譜系，心也一沈，但bb的情況,父母最清楚，要快收拾心情，盡快安排訓練 ...

你講得岩，佢既情況自己最清楚，同埋真係想急都急唔到，問親咩訓練都要等等等…同埋我對尼個症都係一知半解，都唔知係邊入手好， 有冇方法可以教下我？

fatpam

除排同做私人訓練，去協康買教材書或去借書買書了解吓先，仲有報努力試課程，可以話係入門篇。
多d同好朋友家人傾或上來傾，加油！
係要d時間喊吓。

ka-sandra

我仔仔未見醫生前一個月,我都估到係自閉症. 當時我自己都接受不到,我都喊左好多次.連返工都做唔到野. 但沒辦法,事實就事實,我只能接受. 只有我們勇敢去面對,小朋友才可以得到治療. 我仔仔train左兩個月,雖然進步不是很多,但眼神接觸好左好多,令我更有動力幫佢. 大家加油!!

cat1028

自覺囝囝比較幸運，可以插班入n , 而校長老師都知評估結果，願意收佢（有兼收位的幼兒園），我亦有排該校兼收位，希望快點排到政府資源，外面的訓練下下$6-7xx 太貴，help.

1028amy

原帖由 fatpam 於 12-06-25 發表
除排同做私人訓練，去協康買教材書或去借書買書了解吓先，仲有報努力試課程，可以話係入門篇。
多d同好朋友 ...

嗯，我宜家報d講座聽下，諗住係平時都可訓練下，大家都要好好加油

1028amy

原帖由 ka-sandra 於 12-06-25 發表
我仔仔未見醫生前一個月,我都估到係自閉症. 當時我自己都接受不到,我都喊左好多次.連返工都做唔到野. 但沒 ...

咁你宜家仲有冇返工呀？定係做全職媽咪幫佢train？

1028amy

原帖由 cat1028 於 12-06-25 發表
自覺囝囝比較幸運，可以插班入n , 而校長老師都知評估結果，願意收佢（有兼收位的幼兒園），我亦有排該校兼 ...

我囝囝宜家都有讀n班，今日都同老師講左佢既情況，老師都話會多d留意下佢，突然覺得多個人分擔左d, 另外我都有睇過d訓練真係好貴呀

fandd

其實最有效幫A仔既方法就係做訓練,越早越好.由於政府投放資源少,經濟上負擔得起既就哽係要俾小朋友返私人訓練.否則父母就要喺坊間學習一D訓練方法,然後自己同小朋友訓練......不過,除非父母能掌握有效方法,並且係「全職」訓練小朋友,否則效果成疑.

rabbit1411

我都覺得只有訓練才可幫到小朋友，所以要珍惜學前的每一分一秒，這星期囝囝在學校做校內評估，這星期用好多時間溫習，看看他有無進步

ka-sandra

回復 1028amy 的帖子

我要返工.夜晚先有時間TRAIN佢. 希望8月份上密集式TRAIN會有幫助.

chowqv

我個仔都糸27號被評定自閉譜糸，我成晚訓唔著，眼淚停唔到。覺得好對佢唔住。

1028amy

原帖由 fandd 於 12-06-26 發表
其實最有效幫A仔既方法就係做訓練,越早越好.由於政府投放資源少,經濟上負擔得起既就哽係要俾小朋友返私人訓 ...

其實尼樣都係我擔心既野,但會試下自己教，睇下得唔得

1028amy

原帖由 rabbit1411 於 12-06-26 發表
我都覺得只有訓練才可幫到小朋友，所以要珍惜學前的每一分一秒，這星期囝囝在學校做校內評估，這星期用好多 ...

加油呀!期待你有更多好消息

1028amy

原帖由 ka-sandra 於 12-06-26 發表
回復 1028amy 的帖子

我要返工.夜晚先有時間TRAIN佢. 希望8月份上密集式TRAIN會有幫助.

我都要返工呀,好在公司唔洗點ot，可以快快脆脆返屋企，睇囝囝，另外，你個間訓練係平日上定星期六日？我想揾d 星期六日，平日佢要返學

1028amy

原帖由 chowqv 於 12-06-28 發表
我個仔都糸27號被評定自閉譜糸，我成晚訓唔著，眼淚停唔到。覺得好對佢唔住。

你囝囝幾大?我果日都係咁，過左幾日我先敢係到問大家意見，見到d媽咪講既野,俾左好多支持我！我地都要好好加油！

fandd

當知道自己仔女是Autism，相信父母定會經歷傷心、不安、無助……但唔好比自己depress咁耐，因為仔女需要我哋既幫助，如果連我哋都咁傷悲，又點叫佢哋積極呢！改善自閉症是一個漫長既療程，而每個A仔的進展及改善程度亦有差異，不應去比較。作為父母既，應該樂觀面對，盡力協助仔女，讓佢哋有信心去刻服重重障礙。「Hope for the best, prepare for the worst！」