怎樣幫小朋友溫習k3的默書

CSW

想請問家長們通常怎樣幫小朋友溫習k3的默書?
其實只是中文詞語四個加一句句子, 應不算太深...(我聽朋友的同齡兒子要默四句句子)。
雖然我也不是要求分數, 但往往每次要花3晚來溫習, 每次差不多要1小時。仲要有時令我好忟憎, 因兒子很不專心, 有時又固意把字寫得很醜怪。
所以想聽聽其他家長的良策。

Sindy

我果時無溫的,老師都有叫我同佢溫,但我當無聽到......因為我覺幼稚園時默書係唔適當的.......二來又對其他野無乜影響,唔影響到小一派既學校,唔影響到小一課程既接軌,唔影響到小一既默書分數,到時小一再默,又係要讀過,如果係容易,只係模擬下小學既情況,都可以接受,但要咁辛苦既話,我情願由得佢好過啦...我女就係咁過左佢幼稚園K3下學期了..........但小一都次次默書9X-100的.......所以唔駛咁勞氣溫默書,影響左親子關係,得不償失........

CSW

thanks, sindy.
我想知那你的女兒在小一時, 又是如何溫習的呢 (包括默書), 是她自己自行溫習嗎?
唉, 其實我都覺得要幫佢溫默書真係好辛苦...
咁你平時有無與女兒以遊戲方式學中文或英文字呢?
其實平時我兒子也很喜歡閱讀, 但現在很多時把時間花了在溫默書和做珠心算公課上, 我都覺好似有一點本末倒置。

Sindy

其實睇得多書就得架啦(有字果D喎),因為中英都好得意,字形既組合,來來去去都係果D,所以佢有時錯字/好難既字,我就拆開晒背囉,好似'聽'字,我咪話耳王十四一心,咁佢背識就得架啦,咁有時佢砌得出個形,係錯少少,就話比佢聽呢個唔係乜乜黎架,應該係乜乜......有時有D字好似,佢真係成日撈亂,我會用個字講故事佢聽,好似'墊'字,佢成日唔記得'幸'字呢邊,我會話有個墊咁墊係地下坐,幾幸福呢...所以果邊係個幸字,咁佢係唔記得個土字既,咪話唔係坐係半空,土係地下既意思,墊係墊係地下,所以係土字....隨你UP既啫.....英文字都係,TUESDAY同THURSDAY咁,我會拎一個字出黎,我話到左星期四,仲有星期五先放假,仲要等多一日,真係乞人憎啦...所以個人'R'下個頭..所以星期四係有R果個......咁佢記得星期四係邊個,佢咪唔會搞亂星期二.......所以我女都成日聽埋呢D無哩頭故事架......  

另外,我個女無學珠心數....因為我睇唔到小學階段有乜咁重要幫助....想計得快??有計數機丫麻,總之唔好太慢就OK啦,十分鐘做完份卷,同人地半個鐘先做完....咪一樣,又唔會快做完加分既......所以留返D時間睇下書,出去行下仲好呀

CSW 寫道:
thanks, sindy.
我想知那你的女兒在小一時, 又是如何溫習的呢 (包括默書), 是她自己自行溫習嗎?
唉, 其實我都覺得要幫佢溫默書真係好辛苦...
咁你平時有無與女兒以遊戲方式學中文或英文字呢?
其實平時我兒子也很喜歡閱讀, 但現在很多時把時間花了在溫默書和做珠心算公課上, 我都覺好似有一點本末倒置。

焯媽媽

我溫默書的方法是用最傳統的方法, 每天要他寫一次默書範圍, 每天默一次, 錯字便改正.

我經常和他講, 默書零分都無問題, 但問題在, 同組的兒童會看你的分數, 會有同學問你的分數, 老師亦在班上講成績最差學生的名字, 那時榜上有名便醜怪

BB2WONG

我大仔的幼稚園沒有默書及EXAM，不過佢地語文一樣好好，是因為佢地D老師好喜歡叫佢地畫畫，然後在畫上加一些註解（英文）。例如今星期考水果，就叫小朋友天天都畫一些家中有的水果、或者喜歡吃的水果或搜隻多些水果圖片做本水果書（加上水果的英文名，有時什至會搬隻資料如來源地點、季節出產等）

如果中文佢地就天天都要寫日記，通常都係放學前寫，把當天的事寫一篇約20字，叫佢地最好寫一些當天教過的東西，例如老師教一些不同的水果，就叫佢地用中文寫一篇：我最愛吃的水果！

那就即是無型中就當默了書及作了文！

Sindy

幾好喎.......你小朋友讀邊間呀?可否PM我,謝謝

我成日都覺得應該合年齡做合適既野.....做完又無用...做黎SIDE時間.......仲有,默書都係測試既一種,咁細個就測呢樣測果樣,幾時到大呀.....好辛苦架麻,日日同你考試....  

BB2WONG 寫道:
我大仔的幼稚園沒有默書及EXAM，不過佢地語文一樣好好，是因為佢地D老師好喜歡叫佢地畫畫，然後在畫上加一些註解（英文）。例如今星期考水果，就叫小朋友天天都畫一些家中有的水果、或者喜歡吃的水果或搜隻多些水果圖片做本水果書（加上水果的英文名，有時什至會搬隻資料如來源地點、季節出產等）

如果中文佢地就天天都要寫日記，通常都係放學前寫，把當天的事寫一篇約20字，叫佢地最好寫一些當天教過的東西，例如老師教一些不同的水果，就叫佢地用中文寫一篇：我最愛吃的水果！

那就即是無型中就當默了書及作了文！

CSW

BB2WONG,

想請問妳小朋友讀那間幼稚園?
他們用的方法sounds pretty good! 但寫日記時遇到不會寫的字是問老師嗎?

Clementmammy

My son was studying in Kentville, therefore there will be dictation in every Wed and it was not easy.

On Monday and Tuesday, after homework, he need to write a pages Volcubulary from line 50-60 (the latest one) in the afternoon. And when I came back home from office, I will make a dictation for him. If is correct, is OK, and he can do what he want at home, but if not, he need to write 2 lines for the wrong words again. At the end he cannot watch TV nor play games with his sister.

On Wednesday and Thursday, he can more relax. May be do some creative exercices which bought from outside-Bingo.
Friday will be exercicies for Piano and Phonic reading-because on Sat, he will go for the lesson.

Sat, free day. Sunday, do some Chinese writing by himself-the latest vocabulary from school. (Just to reflash his memory) before we go out for Lunch. Only took 10 min.
About English, I will ask him verbally from time to time.

I agree that my son also lazy same as other kids. But I think you should teach him what is his responsable instead of shouting and pushing him every time.

BB2WONG

sindy, csw,

我2個仔都係讀九龍城的聖三一中心幼稚園，是一間全日制的幼稚園，一來因為我要上班又無人幫我帶，所以我選此學校，二來此學校有小學及中學，小學是私小（大仔在p.3)，中學是津貼，大明年小學會轉為英小，中學會轉為直資英中，咁就名副其實一條龍！

佢地天天上學都好開心，你地可以上下那學校網，每天的活動好精彩，好似6月3日學校校長有上港台的飛躍學堂節目受訪問，你地都可以上去港台網到聽一下，講的教學方法好吸引，但又的確就是我2個仔的真正的學習，又不是口空說的！

還有本星期日中午12:50（不知什麼tv）好似有一個港台的節目去了學校拍攝，也可以參考一下！

cherrychunhim

CSW,

我同你一樣, 唔知我們2個小朋友是否同一間幼稚園呢? 我仔仔讀啟思, 我仔仔一樣不專心寫字又醜怪. 好彩中文默書會好D, 但英文就 . 我唯有將D生字生動化些來加強他的興趣及記憶. 但老實說, 默書過後大部份都唔記得了, 但起碼要他習慣開始溫習.

andrewmummy

我囝囝都係K3,“中文”五句句子,6個詞語,“英文”八句句子,我就同佢讀默先,睇吓有幾多唔識,唔識就要佢抄寫二、三次就可以.跟住佢要求背默,唔鍾意我讀默.

CSW

cherrychunhim,

我個仔剛好相反, 同佢溫中默比英默難, 因中文字筆劃多。同佢溫英默, 我可以用phonics來協助佢學拚個字出來, 但中默就要佢寫好多次, 兼用故事形式拆開個字才ok。不過每次都要由星期日晚溫到星期二晚, 每晚用半小時來溫。你也是這樣嗎?
我也知道不可以罵他太多, 因會愈罵愈頑皮。不過有時下班回家已經很累, 他又不能坐定溫習, 有時又魂遊太虛, 當我溫柔地同佢講好幾次, 佢都唔聽, 我就會上火, 聲音就會開始變大....佢再唔集中我就說要罰, 唉, 有時真係自己都唔想。
我而家盡量如果到左我底線時, 我就會叫我老公頂上, 我去降溫, 到我老公頂唔順, 又輪到我上, 咁樣我會覺得好d。
呢個星期我儘量早回家, 騰出多些時間來跟他傾談, 也告訴他媽媽心裡是怎麼想法...
其實, 我知他很愛我, 不過男孩子精力旺盛, 又想像力無限, 要他定定坐著溫書, 實在也真的是頗困難的。每次跟他傾完計, 他都會說媽媽我知道, 我很愛你, 只是有時自己控制不到。所以我也覺得不能一味的責罵他, 也要聽他的心聲和讓他知道我的感覺。希望我地會愈來愈好啦。

CSW

andrewmummy,

嘩, 你仔仔讀邊間架, 而家已經默咁多.....   
我仔仔既中默只有四個詞語同一句句子。而英默亦係一樣。
所以, 我都覺得啟思既程度真係太淺...
我都考慮細仔想找另一間幼稚園。

andrewmummy

我囝囝果間只係地區幼稚園,不是名校,8XX學費.由K3上學期開始做專題研習,(說)讀報告.但囝囝很喜歡默書.

CSW 寫道:
andrewmummy,

嘩, 你仔仔讀邊間架, 而家已經默咁多.....   
我仔仔既中默只有四個詞語同一句句子。而英默亦係一樣。
所以, 我都覺得啟思既程度真係太淺...
我都考慮細仔想找另一間幼稚園。

anson_anson0824

中文默書要默3句句子, 通常佢寫幾次就識,
英文默書要默2句句子加3個詞語, 我就抽2-3個詞語出來同佢串,  串熟左再加多2個, 如此類推
佢每次默書都係攞滿分架!

helenting

其實我都算好好采，係６月仔仔間幼稚園有模擬小一，先開始要黙書，通常我只係教識佢讀，然後仔仔就自己温，中文我見佢只係得個睇字，但英文我就要求佢一路讀一路串字，咁會深刻ｄ．

中文黙書個範圍通常都有６至８句（但老師只會黙３－４句到），我會分２日同佢温（一次要温晒好辛苦架，又難記）；而英文就通常都有６個詞語，都係分２日同佢温，佢好接受，因為我同佢講咁樣温會無咁辛苦．

而佢每次只係用５至１０分鐘就温好，雖然唔係一定全對，不過最多都係錯１至２個字，咁我會久唔久同佢講番記唔記嗰個字點寫呀，然後叫佢講一次比我知（佢會好一橫一棟咁講）．

到左要黙書嗰朝再同佢黙多一次，次次都有１００分架！！！

    

andrewmummy

妳小朋友都有學珠心算,我囝囝都有,現在係做十三級練習

CSW 寫道:
thanks, sindy.
我想知那你的女兒在小一時, 又是如何溫習的呢 (包括默書), 是她自己自行溫習嗎?
唉, 其實我都覺得要幫佢溫默書真係好辛苦...
咁你平時有無與女兒以遊戲方式學中文或英文字呢?
其實平時我兒子也很喜歡閱讀, 但現在很多時把時間花了在溫默書和做珠心算公課上, 我都覺好似有一點本末倒置。

zimba

我個仔中文默書每次都只係4個詞語, 而且係緊接住佢嗰個星期既功課.
我通常叫佢隨意搵張紙試下寫詞語, 唔識的話就俾佢睇, 然後再寫, 重覆呢個過程, 直到佢記得為止.
如果佢記得的話, 無論之前用咗幾多時間, 我都會話: 好野喎! 你記得啦!
如果寫極都未得, 我就會抖下先, 費事勞氣. 同埋諗下問題係邊, 再對症下藥. 會同阿仔講: 唔緊要啦, 一陣再試過啦, 抖下再黎會好d架.

如果佢返黎啱哂, 我就會提佢: 係因為佢有温習

總之要俾信心佢, 令佢覺得只要努力就會有成果.

CSW

andrewmummy,

我仔仔係天平學, 佢地唔係分幾多級既。佢而家已學左將近一年。現在每天要做30條練習, 其中20條係心算, 例如:
  4
+7
-8
+5
_____

另外, 有10條係雙位數加減, 例如:
35
+57
-22
+18
____

我都唔知咁係叫幾多級, 不過如果佢係狀態既話, 通常20分鐘內可做完, 若不在狀態, 則可無限期延長。

我以前仔仔未開始默書時, 佢每次d中文宗字公課, 我都係看一看, 見佢寫得ok便算, 咁而家我就發覺我應該早些開始同佢溫中文, 認中文字。