有沒有在讀荃灣公立小學的家長可以分享????

cc0524

小兒今年被派了此小學, 請問學校的情況如何? 可否分享??

  

catthinmom

好學校..

若能在小五及小六 keep 住總全級頭二十名及操行良好,可保証入何傳耀中學,冇煩憂 (不用自行去 interview)因同一校董會.

cc0524

我也在學校網頁上看到, 但六年後的事無人可以保證, 我實地到過學校看過, 覺得學校外形真是............. 而且也怕會有很多新移民!

你是否認識有小朋友在此小學就讀??

Matthew_媽咪

cc0524,

其實呢間學校都唔係太多新移民, 因為我家組係呢間學校入面做, 妳仲想知 d 咩, 我可以幫妳問下我家姐  

cc0524

Matthew 媽咪,

真的多謝你的幫忙!!!!!

我現在心情十分矛盾, 不知應否給兒子入讀此校, 雖然已經註冊, 但我另外叩了四間小學門, 在等消息!! 請問此校校風如何? 程度又如何? 首二十名直升何傳耀可信嗎?? (是六年後的事啊!) 他們今年把校名都改為何傳耀, 是否之前收生太差?? (因為我看他越來越少班, 現小一只有二班, 小六有五班, 一直在下跌) 是否很少課外活動? 老師對學生如何? 一班有多少學生呢? 是否有 native teacher? 不過校舍也實在太舊了!!

真的不好意思, 一連串的問題, 真的麻煩你了!!!!

丸媽媽

cc0524,
請問你小朋友派呢間係第幾志願?

以我所知呢間學校唔係咁差,曾經都在一些討論看到有人讚他們的學生乖,我都有朋友三個仔女都讀這學校,最細仔個仔成績很不錯,去年升了何傳耀,而且我朋友仲係教育程度很低唔識教仔女果隻,大兩個女就讀得一般,一個派去廖寶珊,另一個派姚連生,我見佢三個仔女仲好乖,中學咁大個都仲成日肯陪媽媽放假去街 我朋友講過,學校的確係保證考全級二十名內一定上到何傳耀,有時甚至三十內的學生都升到'何'

去年我想幫仔仔搵學校轉校插班,都問這學校,但連一個空缺都冇 :tongue:

至於縮班問題,聽過係舊年教統局政策,並不是學校收唔夠生而縮班喎!

cc0524

丸媽媽,

多謝你的意見!!! 此間學校我是填十一志願, (我只填了十二間), 填的時候根本沒有想過派到咁後, 所以覺得好震驚, 並當場哭了起來..........

我對此校真的一些印象也沒有, 只是派位當天到處找學校的同時, 順路去看一看, 但一看到他的外觀就.............更失落, 完全沒有想過個仔會到此小學, (比起自己三十年前讀的小學外形更不堪) 當時學校並沒有開門, (是否意味星期六都沒有興趣班?? 亦沒有人會去叩門找此小學??)

你說縮班是因為教統局政策? 那為什麼有些小學會開四~五班? (每班都有三十多人, 62區校網, 亦是本人所選頭三位的小學)

請問你的小朋友是在那間小學?? 為何要轉校插班呢??

請問可否再代問你的朋友有關此校的種種呢? 你朋友的小朋友是否已畢業了很久?

010

cc0524

不要担心，我兒甥女都在這校就讀．校風很好，小朋友也好乖，千萬別想它程度差，相反我看過他們的功課一點也不容易，而且功課量一點也不輕．

當年妹夫決意選這所學校都是因為他們頭20名小朋友可保直升何傳耀．但一如丸媽媽所言－他的缺點是校園真很小且舊－這點直到現在－兒甥女都在投訴 ．

另外他們每天放學及星期六都舉辦很多課外活動，如非洲鼓，合唱團，羽毛球，舞蹈組，親子”煮食”．．．．很多很多．．．連劍橋英語也有．且收費便宜很，有些活動可要抽籤才成呢．校方還會安排他們在不同社區作公開表演．

老師也不錯，我看過他們不會很”求其”，都是很有熱誠教學的．有次妹妹妹夫也沒空，我負責去見家長取成績單，我跟老師說我認為他們什麼樣什麼樣，之後老師隔天便打電話問回妹妹對學校的看法－都有針對我所說的，所以我認為他們真很注重家校協調，不會單看”我”這位代家長的說法，這我真認為很不錯．

你去那天沒有人，可能是學校特意安排吧，因每有特別事宜校方便會安排停止課外活動．

兒甥女很喜歡返學，生病也不願意請假．家教會也安排很多活動給小朋友－如早上上課前可提前15-20mins 回校，會月家長負責講英語故事，小朋友小息時也會安排一些活動－如照顧水中生物等等．這些若不是我們有小朋友在該校就讀是不會知道的．．．．

他的學位很少，好似每級得2班，問妹妹她好像說政府特意不給他們多位，所以想搞門也不易．

新移民是有的，（因放假時我會負責去接兒甥女）．但我想一般派位津小官小都有這情況．不算很嚴重．且我見普遍小朋友表現都好好．隔壁便是何傳耀－荃灣band 1 英中，從不見不正經的少年，亞伯亞婆就很多，因附近有個公園嘛．大部份家長很緊張孩子的接送，我看過多次也見太大問題．

你放他在11位也會選上，我看都是他的外型問題吧．（因他確不是荃灣的大熱之選）
所以別太担心，若搞門不成功，這校也是不差的．
當然也祝你小朋友選到一所合適的學校．

丸媽媽

cc0524,

好明白你的心情,因為我當年都飽受過呢份失落 :cry:

我都覺得這校最失敗就係間校舍,之前我都沒有刻意去看過,岩岩上個月去石圍角ymca幫仔仔報暑期班,就行過去望下...嘩! 個心都即係諗,好心搵人油下油都得呱! 唉~~~
所以早排聽到話改名叫"何傳耀小學"我都覺得好明智,因為家長心態,最基本都會搵硬件較好既學校俾自己小朋友,有得揀點會想到入呢度丫....

請問你的小朋友是在那間小學?? --> 仔仔後來經學位分配組轉介,知道馬灣基慧有位,就去考左果邊 (當時都問過教統局呢間荃灣公立有冇位,佢地都係答我: 呢間band1小學黎o架! 一定唔會有啦?! )

為何要轉校插班呢?? ---> 仔仔原本響官塘區讀私小,不過讀得太辛苦所以決定轉番黎本區讀囉

你的朋友有關此校的種種呢? --->正話講個朋友佢三個仔女都小學畢左業,但我仲有另一個朋友個仔都響度讀緊小二,可以問下既! 你仲想知d乜?  

你朋友的小朋友是否已畢業了很久? ---> 朋友最細個仔咪舊年岩岩升左何傳耀中一囉! 今年升中二喇!

丸媽媽

補充少少...

最近我放工去上職業普通話課程,同班有個男同學仔係大學生,我發覺佢簡直係現今青年人既稀有品種~好純~好乖~
同佢傾開原來佢細時都係讀呢間荃灣公立再上何傳耀,不過聽佢口吻,好似好羡慕而家d小學點解起得咁大咁靚

010

丸媽媽

係－何傳耀ｄ學生－係好得嫁－如你早上到過該校看他們的上學情況，會發現他們好純樸．
可惜荃灣公立真係好細，唔明點解政府不為他們擴建，唔知改左名後會唔會做返ｄ野－如擴建

丸媽媽

010 寫道:
丸媽媽

係－何傳耀ｄ學生－係好得嫁－如你早上到過該校看他們的上學情況，會發現他們好純樸．
可惜荃灣公立真係好細，唔明點解政府不為他們擴建，唔知改左名後會唔會做返ｄ野－如擴建

題外話...

咁你將來會唔會考慮俾自己小朋友入呢間?

至於我o既計劃係,後年輪到細囡派位,我會首先搏誇區,乙部先揀番哥哥果間做第一志願,第二志願就一定揀呢間,執唔到橙都可以執番個柑嘛 唔知點解荃灣區好多學校我都麻麻地鍾意,唯獨呢間樣衰得黎我幾鍾意        

cc0524

丸媽媽,

乜小學都有分 BAND 幾??? 此小學是 BAND 1? 我知道你的小朋友入了馬灣基慧, (在其他留言看到你) 此校我也有叩門, 但他們要七月初才通知可否 interview, 他的校舍真是又大又漂亮!! 他的課程深嗎? 會否摧谷?

你都覺得有得選擇都不會選這間?? 那為何當初你會去問有否插班學位?

我想知道的問題都在之前對 matthew 媽媽的留言內. 請代為提問, 因為真的想知道不同的意見!!

010

你講得好好笑，但入肉

唔知點解荃灣區好多學校我都麻麻地鍾意,唯獨呢間樣衰得黎我幾鍾意   

我仔今年九月會選小學啦，我會先搏誇區－出九龍．
若不成功才選回原區，因我是基督徒，所以會以兩間基慧為主，其實荃公唔係唔好－我本來都諗過派得唔好會搞門－但見你都話佢無位－真係又要計過

咁你仔而家係咪讀緊馬灣基慧啦？好唔好？程度如何－會不好淺－我地呢代家長好矛盾－又想佢讀得開心，又怕程度淺將來難追．．．．而且馬灣基慧交通始終係我心理障礙

010

cc0524

係．小學其實係無分band 幾．
但大家會看看小朋友成績，操行得出一些主觀結論

我自己不會選此校作首志願－因我想小朋友入讀基督教學校．另都想為小朋友選一所硬件比較好的學校．
但若真派得不好，此校我也會搞門

看你對馬灣基慧也很有興趣，但你不担心交通問題嗎？

cc0524

010,

很多謝你的意見!! 其實我的心情都好亂, 所以想多聽不同意見!!

我想最難接受真是他的外觀......... 我覺得這樣也會局限他給予小朋友的發展, 他所提供的比其他有規模的小學有會有所不足吧!!

另外他也距離我家比較遠, 我原先選的學校都是可以送飯的!! 可知他們中午飯餐的情況嗎?? 他們星期五下午都是早放的吧? 他們默書, 測驗多嗎??

我上網看他們原先也有四班 (三~六年班), 但現在只有二班, 但為什麼浸聯, 官小, 基慧都開五班小一呢??

丸媽媽

cc0524,
我都知小學係冇分banding,不過d人慣性形容一間小學派位好,就隨口up話係band1小學囉!

馬灣基慧程度ok,沒有分精英班,所以不太催谷,學校上下氣氛很輕鬆,校長話教統局觀課人員來到,都大讚佢地師生關係很好,但校長就話佢覺得老師有時好人得滯,搞到缺乏左老師應有既尊嚴喎! 總之如果想小朋友有個開開心心小學階段,基慧一定岩你

你都覺得有得選擇都不會選這間?? 那為何當初你會去問有否插班學位? --> 咪就係因為我覺得呢間學校外觀咁! 唔會太受歡迎,咪以為有機囉      但勢估唔竟然呢間冇位,反而基慧會有位

010

cc0524

係－佢外觀真係好難接受，唔係以佢頭20名可直升何傳耀之優勢，無理由唔多人選．而且佢唔係活動教學，係比較傳統ｄ教法．功課量應唔少．但兒甥女又可應付到．
因她每天也有課外活動，所以好多時我放工佢重做緊功課，但若當天無課外活動，我回家時佢往往只淨每日一篇．

距離你家比較遠，這真是要考慮！

兒甥女是有訂校內飯盒的－但她都麻麻地中意，但無奈會接受，有時都會要求叫祖父帶飯比佢嫁

默書, 測驗問題，我問下兒甥女明天再話你知！

我估因硬件問題，大家唔會以他作首選，但始終佢成績唔差所以會以他作後備．

好似話政府刻意唔比佢咁多小學位嫁，唔知係咪都想殺校呢！

cc0524

010,

其實都擔心交通架!! (我當初排第十二架) 但荃公又要校車, 無得送飯, 馬灣基慧又係一樣, 咁覺得基慧起碼校舍又靚又大, 設施齊全!!  

cc0524

010,

殺校?????????? 唔係卦, 我都好驚...............