請問應選擇 IB 還是 A Level 課程？

a_for_apple

小朋友專注力弱，唔鐘意做功課，特別係要寫字嘅功課，好唔鐘意寫字，串字默寫能力弱，嚟緊升中，有考慮轉 IS, 請問 IB 課程還是 A Level 課程 （或美國/加拿大課程？？）較適合佢呢？ 多謝大家意見！

Jane1983

英文書寫如何？自主學習動力够唔够？如果兩者都唔得，讀IB應該比較難讀得好。

nintendo

a_for_apple 發表於 18-3-27 13:23
小朋友專注力弱，唔鐘意做功課，特別係要寫字嘅功課，好唔鐘意寫字，串字默寫能力弱，嚟緊升中，有考慮轉 I ...

其實都五六年班，除非有學習障礙，做功課應該是學生本份，唔鍾意也要做。
事實，上到中學，國際學校也會開始有較多功課。
其中，IB 是最多 written homework / project ，但即使英美加澳的課程，如果英文文筆唔好，唔喜歡寫作，一樣冇運行。
考插班國際學校中學，首先要能說流利英文，部分學校的 admission written test 都好難。
以你形容你小朋友的情形，恕我直言，好大機會考唔到，
但如果堅決試，都可以試考新學校，到時考到才打算。

964000

a_for_apple 發表於 18-3-27 13:23
小朋友專注力弱，唔鐘意做功課，特別係要寫字嘅功課，好唔鐘意寫字，串字默寫能力弱，嚟緊升中，有考慮轉 I ...

會不會dyslexia?

健次郎朋友

應該考慮學一門手藝，將來有保障。

macdullbaby

國際學校是從小培養學生學習興趣，有主動求知的精神，要求互動式學習等等，高小之後也開始要應付各種功課和小測驗。

樓主留意一下自己小朋友有沒有走國際學校道路的特質，後面否則盲目轉了校也是沒有出路。

a_for_apple

Jane1983 發表於 18-3-27 17:21
英文書寫如何？自主學習動力够唔够？如果兩者都唔得，讀IB應該比較難讀得好。
...

Thx Jane!  英文唔算叻，肯睇中文書，英文書麻麻，好奇心重，肯學，但唔太肯做功課

a_for_apple

nintendo 發表於 18-3-27 18:08
其實都五六年班，除非有學習障礙，做功課應該是學生本份，唔鍾意也要做。
事實，上到中學，國際學校也會 ...

Thx Nintendo! 我知道 IB 多嘢寫，但我預測到佢唔會過到 DSE 中文科，身邊有啲讀國際學校嘅朋友都覺得阿仔適合國際學校多過傳統學校，所以我先諗 A Level.  我預咗可能要上 ESL program 甚至 repeat 一年，但我都知一轉冇回頭，所以一路都只係諗，冇行動。我又唔會 target 熱門名校，只想知呢條路，會唔會比 DSE 易行少少，教學方法比傳統學校好啲

a_for_apple

964000 發表於 18-3-27 19:14
會不會dyslexia?

疑似，認字 ok, 默寫唔太好，等報告中

a_for_apple

健次郎朋友 發表於 18-3-27 19:35
應該考慮學一門手藝，將來有保障。

Thx!  如果真係讀唔到，我都會搵類似以前職業先修嘅課程俾佢，但我脫節晒，要重新搵下資料。而家只係想搵間適合佢嘅中學，保持佢好學好奇嘅心，起碼完成高中畢業

a_for_apple

macdullbaby 發表於 18-3-27 20:21
國際學校是從小培養學生學習興趣，有主動求知的精神，要求互動式學習等等，高小之後也開始要應付各種功課和 ...

Thank you!你指嘅特質係咩呢？好奇心同探究精神都 ok, 佢係唔鐘意寫字，如果功課唔駛點寫字都 ok
同埋我覺得佢讀 DSE 都應該係死路一條，佢鐘意科學，應該係理科人，但以佢成績，中三選科又應該唔輪到佢。小學就話有 happy school, 中學似乎冇。所以想佢試下其他，睇下對佢有冇幫助

EconFather

我想問你小朋友係幾大，你係指真正 AL 高年級定係整個英制？

如果AL或IB高年級應該無乜默寫架啦？

EconFather

a_for_apple 發表於 18-3-27 22:40
本帖最後由 a_for_apple 於 18-3-27 22:44 編輯

Thank you!你指嘅特質係咩呢？好奇心同探究精神都 ok,  ...

呢度睇，似乎你小朋友未過中三，唔like寫字。但like理科。借問讀間邊間？唔洗咁擔心先。

a_for_apple

EconFather 發表於 18-3-27 23:21
我想問你小朋友係幾大，你係指真正 AL 高年級定係整個英制？

如果AL或IB高年級應該無乜默寫架啦？ ...

阿仔小五，所以諗升中了。我其實未詳細研究，但暫時只比較高中 A Level vs IBDP。 我都諗中學冇咩默書，但阿仔默寫串字差，好多時答題都俾老師因為錯字而扣分，拉低成績 （我唔知而家中學對錯字扣分制度如何）

a_for_apple

EconFather 發表於 18-3-27 23:25
呢度睇，似乎你小朋友未過中三，唔like寫字。但like理科。借問讀間邊間？唔洗咁擔心先。 ...

佢未讀中學，但見佢鐘意科學嘅嘢，所以估計佢係理科人，但傳統中學聽唔少 case 係要中四入到 phy, chem, bio 係成績好勁先有得揀，否則只會被迫讀自己冇興趣嘅科。反而嚮 IS 讀到 phy, chem  bio 機會好似高啲。

EconFather

首先，純AL概國際學校係唔多，一隻手應該count晒。
先不討論英文，英文家陣仲可以救，只係可能要花錢補。

但如果小朋友比較喜歡互動，你不如先去 Stamford American School。我不是用家，但佢係主力sell STEM。你可以先了解下。

a_for_apple

EconFather 發表於 18-3-27 23:42
首先，純AL概國際學校係唔多，一隻手應該count晒。
先不討論英文，英文家陣仲可以救，只係可能要花錢補。

多謝意見！！我知 A Level 唔多，暫時睇緊 Korean International School 比較合我要求

EconFather

a_for_apple 發表於 18-3-27 23:45
多謝意見！！我知 A Level 唔多，暫時睇緊 Korean International School 比較合我要求
...

打去問，約下tour先，無downside。

a_for_apple

EconFather 發表於 18-3-27 23:53
打去問，約下tour先，無downside。

已經睇過 KIS, 會再睇下 Stamford American School.  Thank you!

nintendo

a_for_apple 發表於 18-3-27 22:32
Thx Nintendo! 我知道 IB 多嘢寫，但我預測到佢唔會過到 DSE 中文科，身邊有啲讀國際學校嘅朋友都覺得阿仔 ...

我唔知你朋友係真心，定只係講客套說話，但讀唔掂 DSE ，以為去 IS 就得，似乎將問題簡化了。要看清 "因" 和 "果"。
不喜歡做功課，是目前的 "果"，你要看清到底 "因" 係是 dyslexic ，定只係懶，
轉去 IS ，"因" 唔會消失，所以佢可能仍然有唔做功課這個 "果"。另外，你估佢留在 LS 過唔到 DSE 中文，但解決唔到前面的 "因" ，根本讀任課程，何科都可能唔合格。
去到 IS ，英文差少少，唔單止過唔到英文，可能其他科都過唔到。
以 IB 為例，Math 不是只計下數，係有一份大功課要寫論文。
入大學，一係睇公開試，一係睇平時分，IB 就兩方面都計。
解決唔到 "因"，做功課測驗考試都難有好成績。
講好聽的說話好易，反正唔係我個小朋友，點你行咗一條路，六年後有乜結果對我冇影響。