我真係好擔心個仔嘅前途:(

vicky

我可能真係唔係好媽咪,或者真係唔係好識教個仔吧?!
我個仔係有啲小聰明嘅,佢5年級上學期仲係brand1成績,但成績不但唔可以keep住,而且仲不斷咁退,退到brand2頭了,而且今次好緊要嘅學期尾考試仲一退再退添!!
如果佢自選嗰間唔收,又派位派得唔好,我真係唔知可以點...憑佢啲咁嘅成績加埋B-嘅操行,我真係唔知佢點叩門!!

DoReMi媽媽

名次跌唔一定係你囝囝退步, 好大可能係有好多人進步, 由其是5年級下學期計分嗰次, 你會發覺有好多人突然間進步神速, 你囝囝就算冇退步都會跌名次, 我囡嗰時就係咁嘞, 佢由小一至小五上學期都係3名之內, 但5年級下學期報分嗰次就跌咗出嚟, 嚇得我 後尾我同佢班主任分析過, 發覺囡囡唔係退步, 只係冇人哋進步咁多, 所以跌名次, 嗰個暑假即時同佢做救亡, 好彩佢自己都好勤力, 第2個報分試先排返入全級10名內.

唔好打擊你囝囝話係佢退步, 話俾佢聽退入band 2頭係因為其他人進步得好緊要, 勸佢要加倍努力, 上返band 1應該做得到.

xdi

唔係想潑冷水，相信媽咪最清楚自己兒女的情況。
好明白Vicky 的擔憂。
最希望阿囝明白，奮發圖強！

Q蝦毛joba

係自行階段,除了看成績外,如果操行B-,我估都好難有得Interview.

原文章由 vicky 於 08-6-22 13:44 發表
我可能真係唔係好媽咪,或者真係唔係好識教個仔吧?!
我個仔係有啲小聰明嘅,佢5年級上學期仲係brand1成績,但成績不但唔可以keep住,而且仲不斷咁退,退到brand2頭了,而且今次好緊要嘅學期尾考試仲一退再退添!! ...

vespa

一般學校除非學生壞到出汁, 操行一般都唔會去到C, 而遇著隻明明難教百厭唔聽話學生, 俾B老師條氣又唔順, 但係又唔想佢死, 就會俾B-, 一般中學都會識得睇, 所以同意Q蝦毛joba, 操行B-真係幾難有得in..

vicky

原文章由 vespa 於 08-6-23 11:11 發表
一般學校除非學生壞到出汁, 操行一般都唔會去到C, 而遇著隻明明難教百厭唔聽話學生, 俾B老師條氣又唔順, 但係又唔想佢死, 就會俾B-, 一般中學都會識得睇, 所以同意Q蝦毛joba, 操行B-真係幾難有得in..

...

所以如果派得唔好,我真係唔知點算

beaclem

我囡五年級下學期成績都係大倒退架, 原因亦係因為D同學進步神速, 所以先至攪到D名次後曬, 後來佢係小六上學期發奮, 都可以追到返黎, 小六下學期佢亦無鬆懈到, 都keep到, 所以你囝重有得可以追返上黎, "襯"暑假快D惡補下, 有得救架, 唔好咁早就打定輸數先至得架。

原文章由 vicky 於 08-6-23 12:58 發表


所以如果派得唔好,我真係唔知點算

leeleelumlum

點解可以話進步就進步咁犀利??
我個而家一時得, 一時好恐怖........,
我就日日要食驚風散   
有冇方法可以幫吓佢呢?

xdi

Vicky,
你個囝今年六年級，定係五年級？

LLMUMMY

Vicky,

今年好多扣門都不收, 學校收生嚴謹左, 我有二位朋友剛interviw, 因小朋友操行有A, 學校同佢interview, 但英文考得一般, 所以學校不收, 但你也不用太担心, 今年考生下跌, 可以考入頭三志願的機會也提高,  祝 你好運

原文章由 vicky 於 08-6-22 13:44 發表
我可能真係唔係好媽咪,或者真係唔係好識教個仔吧?!
我個仔係有啲小聰明嘅,佢5年級上學期仲係brand1成績,但成績不但唔可以keep住,而且仲不斷咁退,退到brand2頭了,而且今次好緊要嘅學期尾考試仲一退再退添!! ...

bikkibikki512

操行b- , 對小學生黎講係好大件事。相信唔洗等到叩門呢關, 淨係第一關自行分配學位已經有阻滯。

vicky

原文章由 bikkibikki512 於 08-7-6 00:36 發表
操行b- , 對小學生黎講係好大件事。相信唔洗等到叩門呢關, 淨係第一關自行分配學位已經有阻滯。

吓,唔係嘛

LLMUMMY

放心, 攪珠是看不到操行的, 只看成績

原文章由 vicky 於 08-7-6 12:11 發表


吓,唔係嘛