好煩，應怎做？

Naughtymom

我囡跟一個游水教練己學了15堂自由式，1對1。但佢到依家都未學識。

教練話佢係差轉頭呼吸個step，佢死都唔肯做，成日話好驚，做唔到。

無論我點樣鼓勵，威逼利誘，佢都係唔得。教練都好無奈。又話佢上堂唔係好認真，一昧話驚，又唔聽指示做。對佢惡，又驚佢唔開心。

我都好頭痛，之前我囡係史丹福學，佢都係咁，又話唔鐘意男教練，又話嫌教練惡，呢樣個樣。唉，究竟我應該點算，點樣先可以幫佢學識游水。我覺得問題唔係教練度，係我個囡太唔肯嘗試，冇膽，怕死。咁我都有鼓勵佢都唔得。我好"孟"。   

Naughtymom

Esmond'sMom,

多謝你的意見。但我搵唔到朋友仔囡係good swimmer呀。咁點算？

我今日嚇佢，話如果再學唔識，我下次幫佢搵個惡死既教練佢嘆，佢問我點解，我話因為唔惡你唔肯聽話。我知咁樣嚇佢好似唔係咁好。但我真係俾佢激到爆。咩好說話都講過，

Naughtymom

唉，我都知嚇佢唔掂。但我真係好"lau"呀。上左10幾堂，都唔識呼吸。

我知我EQ係差D，我都知衰架啦。但佢冇表兄弟姊妹架，熟個D朋友仔又個個都未識游。個教練都好無奈，搞佢唔掂呀。落水又太鐘意玩，唔聽教練講，教練叫佢做動作，又求求其其，"fu 顯"教練。

我都好想放棄   

kinling621

sorry, 我有問題想問, 點解你一定要佢學識游水呢?
其實, 係驚就係驚, 無得迫....你迫佢,只會令佢更加唔仲意,更加反叛. 我覺得運動是用來鍛鍊身體, 令身體健康, 最緊要係享受過程呢, 暫時不懂游水是沒有大問題! 嘗試發掘其他興趣吧!

Naughtymom

kinling621,

多謝你的意見。你講得好啱。其實我都有反省過。佢咁驚，無謂迫佢。最緊要享受過程。

我之前俾佢既attitude激親，所以先咁勞氣。我都有問過自己係咪想佢繼續。但我唔想俾到一個信息佢就係唔努力過，唔嘗試過就輕言放棄。

我個囡既性格，我好清楚。佢就係怕辛苦，懶，成日想不勞而獲，一時賴先生惡，一時話好辛苦。而家的細佬講真真係被protect得太緊要，又驚傷佢自尊心，又驚俾壓力佢承受唔到。

唔識游水好閒，但我唔想佢第日遇到困難既時候，第一反應係退縮，因為媽咪都俾佢放棄，都覺得佢唔得。

其實佢連嘗試都唔肯嘗試，又點知自己唔得。我就係因為佢咁既學野態度而激親。

要在"有要求"，"適當壓力"和 "親子關係" 中取得平衝，真係好難。唔知你明唔明我講乜。我教佢真係好辛苦，好辛苦。
我好想喊，好大壓力。因為唔止學游水，樣樣野，遇到困難，佢都第一時間話我聽"我唔得架，我做唔到，not even give it a try"....

    

mrs_lam523

Naughtymom,

唔知點解睇完你既野我好有感覺....發覺好似我兩年前個時我俾個囡第一次學游水咁...
講真....我自己亦都係一個好易發火既人...
有時....見到仔女唔好個時...教極都教唔識學唔識...我都好"mum"....
不過....我就係點都要佢要刻服....我唔想佢成日同我say"no" or "mummuy, i cant"
不過....個時我比你唔好彩....我囡囡個時學個教練好惡架...又會鬧我囡囡...so個時囡囡都好怕水...
之後....佢再跟過令一個....又係一樣...
之後我俾左個囡囡停左一年到...冇學到....等佢慢慢淡左對水既唔鍾意先...
終於到左今年....我搵o岩左一個教練俾我個囡....最終都學得識....我個囡自己都不知學得幾開心...
所以....我覺得唔駛放棄....慢慢黎...慢慢搵...一定搵到架...加油!~~
做mummy真係唔易...我好明白!~


mrs_lam

kinling621

哦~~~我明白, 雖然我自己未有小朋友, 但我都經常接觸到不同性格的小朋友, 實在有些是激心的!

不過, 如果我是媽媽, 對於興趣方面, 我會給予少許自由給小孩. 因為每一樣野都guide住, 為她太操勞, 為她安排一切, 反而她不懂自學, 思考.... 還有自己會好辛苦,很大壓力~ 試下放鬆自己吧 !

還有, 每個人能力是不同的, 對於游泳, 有些人真是不屬水性, 怕水的, 大人都會的. 至於其他方面, 如果是我, 我會陪她一起學, 一起做, 等佢知道, 唔係樣樣野我地都識, 媽媽都要學, 都會辛苦, 都要練習~~~

唔知咁會唔會好D呢?

Naughtymom

mrs_lam523 ，

睇完你既回覆，我真係感動到想喊。好似係茫茫大海中，終於搵到個知音人丫！

我真係好辛苦。老公又唔支持，一味縱個囡。我一個人單打獨鬥，又想親子關係好，又想個囡唔好樣樣都輕言放棄。

好努力想做個好媽咪，好努力想教好個囡，有時真係好洩氣:cry:

無處可訴，上來發下牢騷。多謝你的意見！我會加油，抺乾眼淚再接再勵。 :cry:

多謝你！     

Naughtymom

kinling621，

唉，可能我呢排心情唔好，對佢係少左些耐性和寬容。我都好應該檢討自己，放鬆自己。有時壓力的確係自己俾的。

其實在其它方面，我都真係如你所說，陪佢一齊做，一齊學習，鼓勵佢，並且自己以身作則去練習，例如彈琴咁，我真係自己跟住佢一齊學，一齊練。

但游水因為返工關係，我未能同佢一齊上堂和練習，或者我真係太執著。

唉，做媽咪真係好辛苦，又要返工，又要顧屋企，顧掂三餐溫飽仲要陪佢玩，教導佢。我就來崩潰啦。 :cry:  :cry:

多謝你地既意見，支持和鼓勵，我以家平靜左好多，我會再好好諗下應怎樣做。

kinling621

你是一個好媽媽的

Naughtymom

kinling621，

謝謝你！

Naughtymom

莎莎

HI, Naughtymom

我仔仔都剛學游泳，本身係怕水的。
第一堂上完，教練話佢ok唔怕水，
佢自己又好有信心話要學識游水，
我暗自歡喜啦。 點知上星期六，上完堂，
教練話佢怕水，唔肯試。

同我媽咪講起，佢話呢d野急唔來，
又無得勉強，我決定俾亞仔再試下，
如果學唔適都唔想強迫佢。

有時小朋友達不到我們期望的，做父母當然
失望，但曾經俾佢試過便問心無愧了。