有無人要求小朋友留班 ??

君瑤媽

各位媽咪, 請比d意見!
我囡囡今年小二成績唔好上學期考尾3, 今個學期都唔係有好大進步! 佢曾被評為有"學習障礙", 雖然只是剛考完大考, 成績未知, 但我想要求佢留班(小二) , 大家點睇?? 因有人比意見話小三留會好d, 只是我怕愈拖愈難攪!

貓大姐

我個女今年讀小一, 係細女 (12月出世), 我一直都有心理準備要佢留班, 因為佢做野好慢, 而今年的學習能力都好弱

昨日 班主任 打電話問我, 會唔會考慮比佢留班, 學校的評語係 --- 個學生唔係唔識, 只係做得慢, 做唔晒份卷, 默書又寫唔晒, 所以成日唔合格....   最大問題係, 上堂唔專心, 考試唔似考試, 老師覺得佢 完全唔知自己已經讀小一, 成日坐唔定

昨晚同老公分析左, 老公話, 比亞女試升啦, 或者暑假 操下亞女D 做野專心D

我要考慮的 : 1. 這間學校, 每位學生 只可留一次班, 如果一年班留左, 三年班就唔可以再留......  (當然唔想佢成日留啦)

2. 如果高年班 先 留班, 會唔會影響佢 心靈、學習情緒....

3. 佢係因為專注力不足, 如果留班, 對佢幫助大唔大呢??

明天(28/6)要回覆老師啦, 請各位高人指點.........

LilyMaMa

If me, 如果係學校要求or提議，唔使考慮會比佢留班。在學校來講，留班即等同俾多次學習機會小朋友，可能覺得小朋友係細女、用心去學但能力未到，希望佢可以追上， 而且唔係個個都可以留班。
You should Trust your school and Trust your kid.

麟媽媽

貓大姐，

唔…. 我個仔都係細仔，小一既時候都係麻麻。
因為佢地比較細，幾個月真係爭好遠既，
你提及寫字問題我仔都有，
始終小肌肉運用係未咁好既。
你囡囡係書本上吸收力如何？還是只係慢呢？
我仔上左小二真係好左好多，加上佢又有打波，
高左好多喇，而家同D 年頭出世既同學咁高喇。
而且學習上都一路有進步，吸收同專注力都好好。
其實月份既差距愈大愈無咩分別，
最大分別是小一同小二，你個囡囡對留班點睇呢？

Nymph_

我細女都係讀書唔得,我都想佢留班,但依家升班容易留班難.我個女由幼稚園已經睇到佢讀書係麻麻地,心諗希望大Ｄ會好Ｄ,但到依家升p.4 ,成績越黎越差,所有主科嘅科目都唔合格.我依家盡量再用多Ｄ時間同佢温書,好彩個女又肯合作咋,如果唔係,大家都會好辛苦.
    

貓大姐

麟媽媽

你係咪 比好多心機 & 時間 同佢溫習讀書架

yammyma

其實考慮小朋友留班,真係一個幾大既決定,之前我都有咁既考慮,仔仔上小一後,隨左數學同默書外,其他都跟唔上,d題目亂咁答,去補習班就全程坐喺度,唔做唔出聲,俾補習老師鬧又無反應,佢可以由2點坐到夜晚8點,都做唔晒功課,嗰段時期,自己都決定要佢留班或者轉校,當時咁啱仔仔姑媽有時間可以幫我睇佢功課,我就轉個學習方式,唔再去補習班,改為個人補習,姑媽每天到我屋企兩小時,同佢溫習,剛過去既考試,雖然唔係有好大既進步,但起碼睇得出佢唔再亂答題目,係有經過思考去做,同埋有番個正確既學習態度,而家佢做功課唔再慢慢做,每天都喺特定既時間內做晒.
或者可以考慮轉個學習方式,會有唔同既效果.

麟媽媽

貓大姐，

我都要返工，都無人地D全職媽咪跟得咁貼架。
不過，第一樣要train 既係自理能力，
即是我唔坐係側邊佢都可以自己完成功課。
至於溫習方面，都唔係成日溫既，
不過佢學校個個星期都默中、英文，
咁起碼課文都溫左，識讀同識默先。
我仔讀書都幾快記得D 野既，
但係個人極之粗心大意，所以考試前，
花最多時間唔係溫習，而係做練習。
佢做既時候不妨坐係隔離睇住，不過唔好教佢，
咁佢一路做，你會發現佢所錯既野，
係因為真係唔識，定係大意好似抄都抄錯咁。
做完同佢一齊對，指出佢錯既地方，問佢錯咩？
佢講得出即是大意，講唔出即是唔識，
咁你可以再花D時間教佢，等佢明白左先。
如果佢自己坐係房溫，你問佢識唔識？
佢實話識既，但一做卷D 問題浮晒出黎。
所以我自己都係同個仔一齊溫的(唔可溫太耐，頂唔住！)，
我地有塊白板的，寫吓有時畫D 公仔，生動D，
我地輪住寫吓，咁佢容易入腦D，快過你叫佢自己抄20次。
一面教，一面問番佢，等佢講你聽，咁先知佢明幾多，
之後做卷，唔識唔好鬧佢，唔好使佢怕左先，
寫字都係架，寫多D 會寫得快D。

yammyma

<所以我自己都係同個仔一齊溫的(唔可溫太耐，頂唔住！)>

同意啊! 我而家會同仔仔講明做幾耐會有休息時間,休息完再開始過,以前喺補習班 d miss以為佢玩野,唔俾佢休息,結果做成反效果,佢就特登唔做唔郁浪費時間.

貓大姐

你囡囡係書本上吸收力如何？<----  最好數學, 中文, 最差英文
還是只係慢呢？<----  慢啊, 咩野都慢, 食飯又慢....  下學期都好D啦....

你個囡囡對留班點睇呢？<---  佢話唔想留班

其實我一早已經 想 她留班

麟媽媽 寫道:
貓大姐，

唔…. 我個仔都係細仔，小一既時候都係麻麻。
因為佢地比較細，幾個月真係爭好遠既，
你提及寫字問題我仔都有，
始終小肌肉運用係未咁好既。
你囡囡係書本上吸收力如何？還是只係慢呢？
我仔上左小二真係好左好多，加上佢又有打波，
高左好多喇，而家同D 年頭出世既同學咁高喇。
而且學習上都一路有進步，吸收同專注力都好好。
其實月份既差距愈大愈無咩分別，
最大分別是小一同小二，你個囡囡對留班點睇呢？

麟媽媽

貓大姐，

咁佢數學好即是邏輯性最好，
而語文方面比較弱。
咁英文方面佢既問題係咩呢？
好難記得D字點串？因而唔識讀？
唔識讀題自然唔識答。
還是唔明白句子結構，用錯文法？

小妮子

Hi 麟媽媽:

乜我同你o既溫習方法一樣o既,我都係要返工o架,屋企都係有一塊白板,同囝囝溫習,o係塊白板度寫下畫下,再出下題目比囝囝做,佢覺得好玩D,唔似得坐係度好似罰抄咁,咁佢就會投入D,間唔中再比D練習做下,到考試o既時候再同佢做測驗卷,要限時o架,等你知道囝囝做唔做得切.

近排,我諗到D溫習o既好方法,好似常識課咁,你要同佢一齊溫,再留意課本o既圖畫,文字,究竟注重D乜,老師會點樣出題目,一得閒就同囝囝玩發問遊戲,即係平時同佢溫習o既範圍,你問佢,佢又問返你,又好玩好可以溫習,真係唔錯o架,囝囝常識課真係進步左好多,考試有99.5分,扣左0.5分,因為囝囝寫錯左字,真係比佢激死.

麟媽媽 寫道:
貓大姐，

我都要返工，都無人地D全職媽咪跟得咁貼架。
不過，第一樣要train 既係自理能力，
即是我唔坐係側邊佢都可以自己完成功課。
至於溫習方面，都唔係成日溫既，
不過佢學校個個星期都默中、英文，
咁起碼課文都溫左，識讀同識默先。
我仔讀書都幾快記得D 野既，
但係個人極之粗心大意，所以考試前，
花最多時間唔係溫習，而係做練習。
佢做既時候不妨坐係隔離睇住，不過唔好教佢，
咁佢一路做，你會發現佢所錯既野，
係因為真係唔識，定係大意好似抄都抄錯咁。
做完同佢一齊對，指出佢錯既地方，問佢錯咩？
佢講得出即是大意，講唔出即是唔識，
咁你可以再花D時間教佢，等佢明白左先。
如果佢自己坐係房溫，你問佢識唔識？
佢實話識既，但一做卷D 問題浮晒出黎。
所以我自己都係同個仔一齊溫的(唔可溫太耐，頂唔住！)，
我地有塊白板的，寫吓有時畫D 公仔，生動D，
我地輪住寫吓，咁佢容易入腦D，快過你叫佢自己抄20次。
一面教，一面問番佢，等佢講你聽，咁先知佢明幾多，
之後做卷，唔識唔好鬧佢，唔好使佢怕左先，
寫字都係架，寫多D 會寫得快D。

:

貓大姐

佢 學英文拼音都OK (因為佢地有時默書要默, 我唔識, 同唔到佢溫), 文法都識 on, in, under 都分得出, 上學期教 he, she, it, his, her 要教好內先識, 但係串字最差, 串好耐都唔識, 試過 返學前同佢串, 返到學校唔識默

麟媽媽 寫道:
貓大姐，

咁佢數學好即是邏輯性最好，
而語文方面比較弱。
咁英文方面佢既問題係咩呢？
好難記得D字點串？因而唔識讀？
唔識讀題自然唔識答。
還是唔明白句子結構，用錯文法？

麟媽媽

貓大姐，

如果佢識拼音，照計串字會比較容易架喎。
我都係用拼音教亞仔串字的，
當然我係要教佢拆開個字先，
比如︰CAR >> C_ ar
Aiya....用字寫唔出個發音添，
我想講係，如果你女知”C”係讀作ka，
咁”ar”讀作”吖”，咁ka + “吖” = Car 喇，
咁樣好過一大堆字母背，
英文字都係由一組組音而成，
只要識寫出個音，咁串就比較易了。

calvinB

Hi, 小美人,

想請問你個女嗨邊度做評估,要唔要有介紹信之類?

琬琬

我女就是同你女兒完全一樣..我女在今年重讀K3，昨天先去在做伻估..專注力不好

Dear 小美人:
My daughter is also a little girl and not concentrated.Can u tell me where can go to 評估?

君瑤媽

LilyMaMa 寫道:
If me, 如果係學校要求or提議，唔使考慮會比佢留班。在學校來講，留班即等同俾多次學習機會小朋友，可能覺得小朋友係細女、用心去學但能力未到，希望佢可以追上， 而且唔係個個都可以留班。
You should Trust your school and Trust your kid.

我已在小童群益會的社工幫助下做了一次評估, 報告亦出了, 大概都是比同齡的差! 我怕如果學校話比佢升, 佢能力根本未能應付三年級的課程 :cry:

貓大姐

君瑤媽

你從什麼途徑 會去 小童群益會 做評估呢

君瑤媽 寫道:
我已在小童群益會的社工幫助下做了一次評估, 報告亦出了, 大概都是比同齡的差! 我怕如果學校話比佢升, 佢能力根本未能應付三年級的課程 :cry: