小朋友做左小一入學評估過結係點可唔可以入來分享下呀

kammibaby

心理學家評估左我小朋友在智能方面屬於中下智能其實算唔算好差呀

fongbau

其實小朋友既智能, 響做評估既時候, 除左嚴重﹑中度﹑同輕度之外,

響輕度同正常智能中間, 仲有分『中下智能』同『有限智能』.

如果係中下或是有限, 可以即管試下一d做融合教育做得好既小班教學小學,

不過一定一定絕對絕對要睇下小朋友既能力. 因為主流學校追學業成績追得好巔,

我參觀過唔同學校, 睇見有好多中下或者有限智力測能既小朋友,

響初小都仲應付倒, 但一上小三, 就有好多問題爆發.

所以選校時要留意小朋友既能力, 同埋家庭可唔可以兼顧小朋友既功課.

平常小朋友做功課都日日10點, 自閉既小朋友更要花更多時間.

家長可唔可堅持都係一個重要考慮因素.

djlove

回復 fongbau 的帖子

評估後入主流小學定特殊小學是否由父母決定?

fongbau

是！我見過在一間融合小學有中度智障+自閉的學生~
其實只要搵倒有學校收，家長係可以選擇唔入特殊學校的（最算智能係低於常人）。。。。。。。不過家長如果因為過唔倒自己果關而夾硬要小朋友入主流，我覺得很沒意思！

pocoyo123

我曾經問過精神科醫生, 他說只要智能不是趺左去輕度或以下, 其實係可以後天追返上小小, 但最多都係追到正常, 當然也要睇小朋友學習動機大唔大, 主唔主動, 邏輯思維得唔得, 言語和表達如何, 但家長也不要太灰心, 比多些耐性小朋友, 有一日會發現佢地和其他人是沒有什麼分別.

我時常自我安慰, 身邊朋友的小朋友, 也有很多人是讀不到書, 小三小四去死補爛補也考B3中學, 只是他們沒有去評估, 其他人就當佢地讀書不成, 我們曾經評估的就比多個名我地, 其實, 邊個真正有問題係無人知.

midcocc

中下智能:是指語言還是智商?

fongbau

回復 midcocc 的帖子

中下智能應該係一個整體既分數, 不過其實係可以問下醫生, 評估入面阿仔語言同非語言既得分.

下面就係IQ得分既定義：(90-109係一般正常人)

I.Q. : 25以下	嚴重弱智
I.Q. : 25至49	中度弱智
I.Q. : 50至69	輕度弱智
I.Q. : 70至79	有限智能
I.Q. : 80至89	中下智能
I.Q. : 90至109	中等智能
I.Q. : 110至119	中上智能
I.Q. : 120 至129	優異智能
I.Q. : 130 或以上	特優智能