青X琴行

a12345678

各位家長：

請審慎考慮是否可參加青X琴行 (奧海城分行)的畫班，本人就已經上當了：

1) 老師不太董廣東話，未能與小朋友溝通
2) 老師完全沒有教學經驗
3) 老師未能領導小朋友，只好讓小朋友任意塗鴉在畫冊上
4) 職員返工帶同自己的小朋友到來一起上課及在琴行內玩耍，導致管理一團糟。

  

*優之涼粉*

呢間野的管理一向一團糟
廿年前呢間野係葵芳某洋樓3樓單位起家的
就在我家樓下
當時我媽送我去學畫
佢地係比一本sample叫我揀
揀好左就叫我抄個幅畫
落堂前未畫好佢會幫我畫好佢

我真係稔極都唔明佢地點解會有得做

Umi

呢間野我都帶個囡去學過琴, 真係好唔掂, 個D老師好"是旦",我個ｄ手勢唔岩，佢竟然話唔係問題，最緊要佢有興趣．我覺得好無良囉，後來個女轉左去另一間學，個老師用左好耐時間先改正個女既手勢．

chrischeung

咁都吾CLOSED...

Smiile

但係葵芳那間有很多學生wor !

feelogsofee

係呀, 間野其實唔係好掂, 師資好水皮, 不過老細識包裝, 捉好我地阿媽想小朋友學野ke心理, 米開完一間又一間囉.
以我知, 有d老師係果間琴行學多耐左樂器ke學生, 未考到8級試, 已係果度教小朋友.  佢地自己都唔掂, 點教得好d細架. 天呀... 有次聽果個'老師'彈琴俾我老師聽... 唉, 真係米害d細架啦, 俾佢教完, 個小朋友都唔知改唔改到之前學錯ke手勢.

Cyrusmum

真既? 我仔剛剛係嗰度學咗唔夠一個月琴, 啲老師好似係多數從內地嚟, 廣東話唔多正, 但我見佢都幾有心機教小朋友同埋好注重我仔既手勢, 我自己本身唔識彈琴, 所以都唔知個老教嗰啲係啱定唔啱? 我係見間琴行近我仔畫班嗰度, 可以一次過去晒, 唔駛四圍走, 所以至揀佢哋!

sweetmum

唔好意思, 係咪X苗琴行呀!

*優之涼粉*

真係唔講個句都講埋﹗
我自己有做freelance教小朋友的
所以係呢個圈識唔少人﹐亦聽過唔少關於青X的投訴

其中一個2X歲的男仔係青X教開長笛
有次聽佢吹佢吹到漏晒氣﹐一問之下原來佢自己只係吹左2年
半年後佢同我講話佢教埋鼓
我已經覺得好怪 都無聽過佢識打鼓
佢話"以我的音樂底子我去學一堂就可以教學生四堂啦"
原來佢自己星期一去學星期二教學生
最頂隱係佢仲話"琴行比得呢個價就預左請個唔係好叻架啦﹐家長都一樣..."

好彩我唔係教樂器
唔係真係比佢影衰晒

我仲識幾個有係青X教的人....
都係麻麻地

a12345678

Yes, 就係呢間 X 苗琴行。真是會害小朋友架。大家真係要慎重考慮呀﹗    我本人真係好嬲，不但是學費問題，而且重有被騙的感覺。 :evil:

yanmachai

都講明係琴行啦!最叻都係教琴遮，D家長唔知點解要去琴行學畫，琴行多數答單教畫，他們多數搵兼職教，要同老闆分賬，學費又唔貴，你話可以請到乜野quali既導師番黎。
學畫畫更係要找畫室，重要係老闆本身都係畫畫底兼唔係掛住搵銀果d先有信心保證。

Smiile

我想問您們所說的關不關葵芳那間事架 ? 是否同一老闆 ? 我個女逢週六都係半日架 ! 但佢話好開心，教她鋼琴的老師又好wor ! 是否她好彩 ? (而且葵芳那間的職員好好，又有禮貌和有耐心，對我個小朋友好好，所以我個小朋友好鐘意返tim。) 是否某一間有問題ja ? 我好驚tim。

優之涼粉 :

請問您說那間琴行有問題，請問是怎樣 ? 因為我有兩個細準備都會去學架 ! (不過都係兩三年後的事 )

Smiile

Smiile

請問您是哪一間分行 ? 我囡囡又係學琴學畫學國語的，我都係諗住一次過ma !

Cyrusmum 寫道:
真既? 我仔剛剛係嗰度學咗唔夠一個月琴, 啲老師好似係多數從內地嚟, 廣東話唔多正, 但我見佢都幾有心機教小朋友同埋好注重我仔既手勢, 我自己本身唔識彈琴, 所以都唔知個老教嗰啲係啱定唔啱? 我係見間琴行近我仔畫班嗰度, 可以一次過去晒, 唔駛四圍走, 所以至揀佢哋!

*優之涼粉*

具體的我不多說了
但因為我們做freelance導師的
會傾接job,教學,個別centre等問題
識兩三個有係呢間教的導師(當然都有做私人或係其他地方教)根本對沒有付出心思去教(即係一落堂就大叫"我恨不得用拖鞋車爆個學生呀" <-我親耳聽 又或者係自己根本都學藝未精的) 我可以講 呢間野請人都好"求期"

Smiile 寫道:
我想問您們所說的關不關葵芳那間事架 ? 是否同一老闆 ? 我個女逢週六都係半日架 ! 但佢話好開心，教她鋼琴的老師又好wor ! 是否她好彩 ? (而且葵芳那間的職員好好，又有禮貌和有耐心，對我個小朋友好好，所以我個小朋友好鐘意返tim。) 是否某一間有問題ja ? 我好驚tim。

優之涼粉 :

請問您說那間琴行有問題，請問是怎樣 ? 因為我有兩個細準備都會去學架 ! (不過都係兩三年後的事 )

Smiile

wkfcalvin

其實我個仔以前都跟過幾位FREELANCE學琴(仲係朋友介紹)，都好唔店！但之後我係青x琴行找到一位很好的老師，把他的手勢改好兼令我個仔喜歡音樂同表演，我都幾滿意。   

pianoviolinmimi

FREELANCE唔一定唔店,我都係接FREELANCE來做,我鋼琴同小提琴都掂(ATCL) ,不個問心個句,雖然我同優之涼粉都係FREELANCE,但係我覺得無需借助網頁來唱青X琴行 ,因為我以前都係青X琴行教過,知道琴行對導師有好高要求,後來因為我本人個人理由離開,離開時都係有點傷心失意,傷心事無為提 ,但真係想同奧海琴行講聲努力D,服務好D ,唔好再比人話     

Smiile

不過，講真我個小朋友又學得好開心，她已經學了成一年多了 (由只學畫畫、再學鋼琴到現在學國語)，其實我覺得很多琴行教畫畫是"撘單"，但這一間教畫畫和鋼琴的老師很疼愛我的小朋友、令她畫畫有了很大的進步，而鋼琴亦然。相反以前她在一間畫室學，只是 "copy"，而不是自己創作，所以青苗又較適合我的小朋友。

其實，最緊要我個小朋友在那兒有安全感，她說老師疼愛她、而那裡的姐姐都好友善，所以我逢六放她半天在那裡，就像買回很多時間呢 ! 因為都放心ma !

Smiile

I want to know too, please advise.
In fact I also don't know there're many branch of Greenary Music.

ac602 寫道:
How about the one in Kornhill?

mimi1234

去年暑假啊仔在青X琴行學樂理(班際)，上了兩、三堂，發覺好唔掂，但又報左 10 月考試，唯有拿拿聲買D書來自學 (本人)，一邊自己教啊仔，一邊繼續上佢的班際樂理。雖然自己半桶水，不明白就問朋友、或叫啊仔上堂問番佢。發覺如果不是自己教啊仔，百分百不合格。

結果，一班五人，三個不合格，除左我個仔之外，合格果個姐姐(17、18 歲)，佢話之前已經學過。所以，有朋友問我學樂理邊到好，我都會話比佢地聽，班際好危險。