你們的小朋友學游泳會不會學極都咁驚水

linwailin

我的囝囝五歲，學游水已經學了10堂，1對１的每次半個鐘（教練好full），亞囝都唔知點解咁驚游水，到現在都淨係夠膽渣住浮板踢水和只肯塊面仔放在水面吹波，連頭髮都未掂過水，教練想加小小難度的動作他就嚇倒哭了，其實教練都很細心又很有經驗的，我兩個姨甥女都係佢教的，都教得很好，我才放心找她教的，我也見她教識很多小朋友，教練話未曾教過小朋友會咁細膽，不過我都知亞囝做乜嘢都係好驚青，真係唔知點幫佢先唔會咁驚，因為我唔想佢一驚就唔學，如果唔係就做甚麼都會唔成功，而且亞囝氣管敏感，我真係好想他學會游水，唔知大家有冇好方法，可以令亞囝唔好咁驚游水呢！請幫幫助。   

cppgrace

我囡囡舊年暑假開始學游泳，望

SWIMMINGTIM

DEAR LINWAILIN

你可以同你小朋友洗頭時,用花灑射個頭, 叫佢張開個口來吸氣.....

SWIMMINGTIM

linwailin

cppgrace：　
你好！我的教練都係咁様教我，不過亞囝用花洒淋頭時太驚青，我唯有用BB洗頭的帽加在頭上，他才肯洗，你囡囡叻過我囝囝好多，咁你囡囡要幾耐才唔驚呢？　

linwailin

SWIMMINGTIM：
你好！我都想亞囝有咁嘅勇氣，每次爭扎一輪，結果都係要戴噃頂洗頭帽才可以沖完涼，都唔知點搞好。  

sesimo

可能你小朋友仲細。或初初不要用花洒照頭淋住，放一浴缸/盆水叫佢坐落浴缸/矮凳仔dub低頭，用條濕水毛巾慢慢淋下淋下咁幫佢洗頭，等佢無咁驚後，用花洒貼住佢個頭仔慢水沖下，話沖乾淨D泡泡（千祈唔好整濕佢D眼耳口鼻住）。試多幾次，逐漸加大水速，試試有效否。

hoganmama

我囝囝上年5月開始學游水，當時未夠4歲，佢又係好驚，差不多學到成10月先肯勉強放個頭落水，到左差唔多12月，我正想放棄唔學gei時候，佢個堂唔覺意跣左落水，從此就每一堂都唔肯上水啦!!! 跟住就可以升上初班添。

慢慢黎，千其唔好迫佢，教練個時都安慰我，叫我唔好灰心，佢唔肯放個頭落水，咪同佢練踢腳lor，咁我先無放棄咋。

到左而家，我個囝仲話要1個星期學2堂添ar!

hoganmama

siulisa

linwailin
妳有冇試過鼓勵 + 威迫 + 引誘

我試佐掂

linwailin

sesimo，你好！可能我真係好想亞囝快啲學會，所以心急咗，我今晚試吓這樣，希望佢慢慢可以接受。謝謝你！

linwailin

hoganmama，你好！你囝囝都要咁耐才肯勉強放個頭落水，不過你囝囝學的時候年紀細啲，所以上年我沒給他學。直到今年五歲才給他學，但他依然是咁細膽。因為我想他氣管強壯啲，唔好咁容易咳，所以我不會放棄的，希望他可以像你囝囝一樣早日克服之後而愛上游水。謝謝你，我會慢慢黎不會迫佢的。

linwailin

siulisa，你好！我沒有威迫 他，只有鼓勵他和叫他放膽嘗試，但囝囝時常叫我們不要再迫他，而且更覺得我們很衰，為何要迫他，然後便大發脾氣和哭，所以都十分無奈．．．

mrs_lam523

唔....我覺得你可以慢慢咁黎啦...
始終每個小朋友既學習快慢唔同....
但我個時既做法同你唔一樣...
我囡囡今年都5歲...今次跟呢個教練係第3個...
第1同第2個教練都好有經驗...不過都令唔到我囡囡放個頭落水....我跟佢地都上左total有16堂到啦....
之後我覺得囡囡點都學唔識我同佢搵左而家呢個教練...好神奇地囡囡第1堂就肯放大半個頭落水....(即係過左鼻位)....第2堂就放曬成個頭去...之後就keep住學到而家...
而家仲學到蛙式...我覺得滿意架啦...
我想講既係...只要唔好放棄...搵多d唔同既方法...小朋友一定可以學得識...加油呀..

siulisa

linwailin
我仔舊年暑假學, 學佐幾堂炸, 有好幾個小朋友已識游幾步了, 但我仔得個下巴沾到水炸, 又喊咼, 仲問個教練 "如果浸c點算" (教練一聽反曬白眼, 比佢激c佐先 ) 攪到一上堂就比人叫少爺仔   結果我就用威迫+引誘+鼓勵   
不過妳仔仲細, 比多少少時間佢

歌莉亞

mrs_lam523
你可唔可以介紹你小朋友的游泳教練比我呀 ?我個女都係唔肯放個頭入水 !

VANS

我覺得學游水..都係一定有"威迫+引誘+鼓勵"

你地可以帶水槍到泳池玩.....小朋友會掛住玩唔記得怕水....

ilej

請問你哋d小朋友跟邊間泳會學?

mckong

Can any mums here pm me the information of those swimming clubs? Thanks!

siulisa

最主要係睇個教練 [quote]
ilej 寫道:
請問你

cy101

暑假期間, 如果有時間的話, 可以坐係泳池看台(或者係池邊/落埋水)睇下d教練點樣教小朋友游水, 聽下睇下咁, 或者可以揀選到一位合心水的教練都未定呢!  近排陪阿囡學游水, 都見到唔少教練(男多女少), 大部份都好細心!