有感而發

fionsagittarius

我個B正一係小龍女, 係咁同佢搵N班, 原因係冇人湊而唔係要佢羸在起跑線, 請唔到工人, 公公身體又不行, 早點有地方收見步行步, 不過最終冇人收。
而家都係咁睇邊間幼稚園好點, 大勝算點, 不斷爬文, 誰說現今小朋友幸福?????!!!!!!!!! 而家仲有埋咩PN 班, 概嘆現今教度制度真係走火入魔, 回想自己入學時, 每日都係咁喊, 每日都唔捨得媽媽, 去到幼稚園, 自己係做D 乜? 冇乜印象, 而家D 小朋友呢, 學既再唔係A FOR APPLE, B FOR BOY, 唱哥仔玩遊戲, 而家呢? 怪獸學校+怪獸家長, 小朋友又怎會有幸福的童年, 慘哉慘哉!

kbi

原帖由 fionsagittarius 於 14-01-28 發表
我個B正一係小龍女, 係咁同佢搵N班, 原因係冇人湊而唔係要佢羸在起跑線, 請唔到工人, 公公身體又不行, 早點 ...

只要媽媽爸爸不是怪獸，有父母愛錫，小朋友就已經好幸福。不是嗎？幸福其實好簡單。

raysuen01

有冇走火入魔, 要睇父母...
我個女而家返學(pn), 通常都係最遲走果個....
夜晚佢有時忽然會講返學學過o既野...
例如水蛇春咁長o既茶點前禱告...
又喜歡拎返d書出嚟睇, 孭住書包响屋企周圍走/照鏡...
讀書, 係享受定承受, 睇大家咁處理...

siumak

我囡番育嬰園添﹐
宜家日日番到屋企就係度叫住同學仔名﹐
我對住佢唱學校D歌仔佢就向左向右郁郁貢仲偷笑﹐
有時放學係學校門口仲扭計要番入去玩；

唔好再Focus係N年前我地係點﹐
其實我地印象模糊﹐
只係你淨係記得自己喊果一幕﹐
宜家小朋友番學都可以好開心o架。

hkpapa852

家長心態, 決定孩子命運. 一早要小朋友返學, 唔代表一定係怪獸家長. 依家好多雙職父母, 冇工人或者唔放心工人照顧小朋友, 都可能一早俾D小朋友返學.

其實小朋友早D返學,多D接觸其它年齡相約小朋友, 同佢地發展都好.
但如果只係一心"不要輸在起跑線", 所以一定要返PN, 再考K1 ....  咁為小朋友安排各式各樣活動, 小朋友就真係慘啦!