請問讀緊既家長

ms-apple

你好, 希望讀緊既家長, 可以幫幫手回答以下問題?

1)請問這幼園之每星期英文 / 普通話堂會有多少時間呢?

2)程度深淺? 幼園有要求默書?

3)每日功課會有多少?k2現在寫什麼?

kmmum

1)請問這幼園之每星期英文 / 普通話堂會有多少時間呢?
每天都有英文堂/ 普通話一星期一日
2)程度深淺? 幼園有要求默書?
程度一般. (和kv,st.cat 相比. 唔會係深) 默書..k1暫時無.
3)每日功課會有多少?k2現在寫什麼?
k1,每日一張worksheet.

bee918

k2最近寫"太空".

百厭豬

原帖由 ms-apple 於 11-10-17 14:09 發表
你好, 希望讀緊既家長, 可以幫幫手回答以下問題?

1)請問這幼園之每星期英文 / 普通話堂會有多少時間呢?
2英,1普,
2)程度深淺? 幼園有要求默書?
中程度,K2冇默書,K3唔知~
3)每日功課會有多少?k2現在寫什麼? ... 一日兩樣功課,有時多一張工作紙,如果有電腦堂又多一張,
每樣都好少量,
學過既字係"一十土大天空太口日田白手月........"
大約係咁上下,記唔哂有咩,不過認字都唔少,

tikhimma

吓,我打去問,佢話我知英文每日都有,普通話一星期兩堂...

想問問大家,半日同全日的比例又有無唔同呢?

bee918

全日同半日應無分別掛?
K2日日都有20分鐘英文, 一星期兩節普通話.

kmmum

剛和讀KV/KM 的家長傾過K1功課, KM每日一頁,FRI兩頁. (和又一村差不多) ,但KM 每星期一份BOOK REPORT. 似閱讀報告般,晝笑呵呵. 一星期認兩個生字左右.  KV 一星期得兩三份. 無英文無中文功課. (聯線/PAINTING)下學期才有.   從功課看來,又一村絕不少/淺.   朋友囡囡讀KV  ,她說其他家長已經組堂學PHONICS , KM 家長每星期會重溫所學的生字. 及讓小孩多看書.  
我想講.小朋友的成功或多或少都要家長的配合.不可以單方面依靠學校.  有LH家長朋友會自組讀書會,每兩個星期,到其中一家. 讓小朋友玩SHOW & TELL.
我深信兩三年後,小朋友有好P的OFFER, 家長和小朋友一定曾共同努力.   
以前,曾擔心又一村課程淺. 但是.發現學術/音樂.可以自己教或在外補底.  但德育方面,自問教得不好. 要多謝又一村老師的愛心教導.

bbmylove09

請問有無額外的故事書, 字咭, 或其他野?

kmmum

你指k1 ? 書有英文書/中文書/普通話.
英文都是 a to z  (基本上,大部份讀N時,已經識)
中文書,有短句. 我會當故事書,和囡囡每星期講解幾篇.
每星期認兩個中文字.  
字咭<--沒有. (自己動手做吧). 我在書展買十元一本中文書, 來做字卡. E.G  火, 土,草.
K2 上學期,寫兩個中文字.
中文. 我相信又一村 越對不淺.  至於英文. 家長努力吧.
名K . K 2下學期識串字. K3作句子.
學術方面,我自己可以教.   品德方面. 都係果句[萬分感謝老師的教導.]

原帖由 bbmylove09 於 11-11-23 17:25 發表
請問有無額外的故事書, 字咭, 或其他野?

bb媽0米

原帖由 kmmum 於 11-11-18 23:25 發表
剛和讀KV/KM 的家長傾過K1功課, KM每日一頁,FRI兩頁. (和又一村差不多) ,但KM 每星期一份BOOK REPORT. 似閱讀報告般,晝笑呵呵. 一星期認兩個生字左右.  KV 一星期得兩三份. 無英文無中文功課. (聯線/PAINTING)下學期 ...

好認同你0既講法,我覺得依家社會個價值觀真係錯晒,小朋友讀書,只為左谷成績,忽略德育培育,洐生一大班港孩,係就係好叻識好多字玩I-PHONE玩電腦玩到出神入化,但完全唔知乜野叫禮貌,唔識點同人溝通,只顧自己利益唔會同人設想,冇自理能力,唔識自己解決問題,所以依家有D青少年郁D就打父母呀跳樓呀自殺呀咁.

如果唔想自己子女變成咁,就要自細培訓,要教佢地點做人.

始終德育發展係要由細開始灌輸正確0既觀念,學術方面大個左都仲可以追,但德育方面真係唔得,唔通亞仔讀中學先教佢乜野叫禮貌乜野叫孝順乜野叫分享咩?

希望各位想讀/讀梗又一村的家長明白,俾小朋友係學校讀書唔止學英文學普通話學寫字學默書做幾多樣功課,呢D野我地係屋企都可以TRAIN佢,放假報多D課外活動,買多幾本補充佢做都得,除左呢D之外,小朋友係學校學習係要學點同人相處,過群體0既生活.

如果只要小朋友讀書叻,其實根本唔駛送佢返學校讀書,幼稚園課程我地自己唔識教咩?想佢識串字日日叫佢背字典已經得啦哈哈....

希望各位小朋友係又一村老師的愛心培育下,長大之後都係一個有禮貌肯自學識得照顧自己的好孩子,唔係一架只懂讀書的機器!

kmmum

以前,我亦像其他家長,想搵一間程度深的K. 奈何囡囡言語遲緩+各方問題. 結果得一間K有OFFER. 身邊朋友都替我擔心兩年後的一戰. 因為又一村是出名的開心幼稚園及課程淺.  但街外人不知. 原來又一村老師真的充滿愛心+包容. 囡囡病了,老師會致電給家長. 亦願意回答家長問題.
我想講, 名K 的家長絕大部份都是勤力 .她們會組班學PHONICS , 組讀書會, 各類型興趣班. 大家很團體,很努力地去培育小朋友. 因此.名K的小朋友能大比數考入在直資/私校 . 相信家長絕對作出很大的功勞.

bb媽0米

原帖由 kmmum 於 11-11-25 23:58 發表
以前,我亦像其他家長,想搵一間程度深的K. 奈何囡囡言語遲緩+各方問題. 結果得一間K有OFFER. 身邊朋友都替我擔心兩年後的一戰. 因為又一村是出名的開心幼稚園及課程淺.  但街外人不知. 原來又一村老師真的充滿愛心+包 ...

係呀係呀,其實每間幼稚園都各有自己優點,所以我地揀學校始終要因應仔女的情況,課程深的幼稚園一定可以谷到D小朋友成績好好,但自己仔女適唔適合讀呢D幼稚園呢?佢讀唔讀得上?家長同小朋友會唔會跟得好辛苦呢?相信作為家長0既我地係最清楚的.

所以我好反對一D家長,明知又一村課程唔算深但又要揀呢間學校,入左去讀之後就勁哦校長要學校加深D課程,有次湊放學,聽到某個亞媽係學校門口同其他都係湊放學0既家長勁講又一村的唔好,講到間學校一文不值,我真係好想問佢"亞太點解你又要黎讀呢?點解唔轉校呀?"

kmmum

如果d 家長覺得課程淺, 一係轉校一係去補底. 但又話唔想小朋友補咁多習.  咁即係將教育責任推俾學校 ?!
身邊朋友讀的k. 一個學期先和老師交談一兩次. 或者大件事先會傾運.  好多名k 老師.唔會咁nice . 只會講一句. [無乜問題, 家長唔洗擔心 or  你小朋友有問題.你帶去做評估]

原帖由 bb媽0米 於 11-11-28 09:04 發表


係呀係呀,其實每間幼稚園都各有自己優點,所以我地揀學校始終要因應仔女的情況,課程深的幼稚園一定可以谷到D小朋友成績好好,但自己仔女適唔適合讀呢D幼稚園呢?佢讀唔讀得上?家長同小朋友會唔會跟得好辛苦呢?相信作 ...

chelchel0126

異常同意
十一億個讚好
我未有親眼見過嗰d家長,之但係,喺呢到就都見識唔少,有時,真係好想問吓,一早呢到d前輩,已經講過十九幾萬次,本校課程係唔深架啦,如果貴家長係咁介意嘅,咁點解又要遞表呢??唔通想體驗吓我地"普通學校"嘅學習環境?? 你仲要留喺到,又或者仲要嚟,但另一邊箱又彈三彈四,好老實,係侮辱緊喺到讀緊嘅小朋友,侮辱緊小朋友們嘅家長,同時,包括仍然喺到讀嘅"你"囉

kmmum

其他教得深,只係那些無學卷的學校. (一對手數得曬) . 無學卷而出名的學校.課程和又一村.是差不多. 可能又一村校園大, 外人覺得.校內學生只識玩. 唔會讀書.

chelchel0126

唔係想認叻,不過,我地有教bpmf囉

bb媽0米

原帖由 kmmum 於 11-11-28 13:29 發表
如果d 家長覺得課程淺, 一係轉校一係去補底. 但又話唔想小朋友補咁多習.  咁即係將教育責任推俾學校 ?!
身邊朋友讀的k. 一個學期先和老師交談一兩次. 或者大件事先會傾運.  好多名k 老師.唔會咁nice . 只會講一句. [ ...

絕對係呀!
亞仔好耐之前都曾考過名校幼稚園,有某D老師個樣超COOL,你問佢野佢會覺得唔多耐煩咁,名校唔憂冇學生,你唔鐘意0既0米轉校LOR,我地大把人WAITING呀!

所以到亞女讀K,我都冇同佢報其他幼稚園,讀返又一村!

我有朋友的仔仔都讀梗某九龍塘某名K,佢話響到讀書0既個個都係叻仔叻女,而且一定要家長跟得D野好足,勁多親子功課做(ex.閱讀報告),d同學仔都做得好有心機好靚,家長一放鬆少少就好似即刻被人比下去咁樣.

同埋當你見到其他同學日日放學後都學幾樣課外活動,又法文又日文,唔特別0既都唔學之時,學琴呢d已經太common唔值錢啦!咁唔通自己唔帶小朋友去學返幾樣咩?

如果老師發覺小朋友有問題,老師只會同家長講要多d跟同埋最好帶佢去補習or做評估,邊到會話好似又一村d老師咁少少野都即刻打俾家長傾下計架?

bb媽0米

哈哈,呢d家長係又一村其實都唔少....

其實我懷疑有d家長未必想讀又一村,應該都有考過出名深的幼稚園,只係考唔到,得又一村一間收,冇奈之下0米照讀lor!

我曾經見過一個家長仲得人驚,應該係前年上午放學時間,我去湊亞仔放學,見到有個家長捉住個老師企係學校門口勁鬧,大大聲起碼鬧足10分鐘!個老師完全冇得還口,得個聽字,仲要當時勁多家長勁多小朋友望住,呢個家長個女都企係旁邊聽住亞媽點樣鬧自己老師!

我聽左一陣,大意係話老師罰佢個女唔岩,佢聽返自己個女講件事唔關亞女事,亞女冇做錯,點解老師要罰亞女之類....

我完全好鄧呢個老師慘,亦鄧呢個家長可悲,而且我可以想像到佢個女聽住亞媽咁樣鬧老師,個小朋友係學校對老師的態度會係幾咁"好"lor!

唯一慶幸0既係,亞仔同佢並唔係同班同學哈哈...

所以快快手湊左亞仔之後,我都即刻離開,費事俾亞仔學壞呀!

chelchel0126

你講出咗個重點==> 考唔到

[ 本帖最後由 chelchel0126 於 11-11-29 09:26 編輯 ]

kmmum

我都有考過出面好多名k. 無offer而留低又一村. xddd 講真. 小朋友考唔到,做家長除了自我檢討, 亦要明白小朋友的能力. 既然決定留低又一村. 便乖乖地讀好自己的書,做好自己本份.