派位計分

pangpuiyee

唔好意思, 我對小一派位程序感到很混亂,

請問第一輪:自行分配學位計分:
適齡10分, 首名子女5分, 宗教5分=20分正確嗎?

如果間學校有100個位, 會有幾多個位比自行分配學位計分的人?是否由高至低分入晒為止?
如有100人在此階段入晒, 是否統一派位就冇位?

另外,
統一派位第一輪可選3間任何校網的學校正確嗎?仲洗唔洗計分?

統一派位第二輪選30間住址校網的學校正確嗎?仲洗唔洗計分?

十分謝謝.

idyhk

hi~~
第一輪只得學位既50%,即100個位,只能有50個位係第一輪收生,仲有50個要留番大抽獎(即第二輪)而第一輪呢50個位有30個要派俾必收生(即係個小朋友有兄姊在該校就讀或父母在該校就職),而餘下學既學位就攞黎計分啦

統一派位個份表就係人地成日講既大抽獎(即第二輪)
而第二輪係唔計分既

而統一派位個份表唔係叫第一輪,係甲部,可選3間任何校網的學校

而統一派位個份表都唔係叫第二輪,係"月"部(唔識打呢個字 )可選30間住址校網的學校
希望幫到你啦

pangpuiyee

idyhk,
十分謝謝你的解釋, 我開始明白.

是否計分的部份叫自行收生?

再請問統一派位甲部有幾多個位?點抽法?
謝謝

JCHANG

idyhk
我想問如果越區可以嗎？機會大唔大？
大抽獎唔理想，政府學校有無得叩門？
Thanks

idyhk

是否計分的部份叫自行收生?<----是

統一派位甲部有幾多個位,就係係個50個位既10%,即是10個位係俾甲部抽,但係係所有校網都可以抽既關係,一o的較熱門既學校都會好多人抽,如果咁都抽中真係要擺幾圍興祝,當然真係會有人抽中,但機會真係好微   

仲有一點要提提你,就係一o的較熱門既學校如果自行收生同統一派位甲,"月"部都唔係第一選擇,係無得叩門架(有o的衰到連表都唔派 )

唔使多謝我啦,我會 ,想當年都係多得bk既媽咪指點,我先無咁騰騰震   

idyhk

JCHANG

第一輪既自行收生係唔限地區,機會大唔大就只睇你個分數高唔高

大抽獎唔理想，政府學校有無得叩門？<---有

但有o的學校係會有o的限制,例如第一,二輪唔選佢,係連表都無得派,所以你要打去你心儀個間學校問下先知啦