女兒唔想彈琴

SAM43

女兒今年6歲, 已學了彈琴1 年, 但直至今日,連 "音" 仍未
記熟, 老師己投訴多次, 但因是working mom, 時間寧願
用在温書上.

好想替她 quit, 但又不甘心浪費了之前的時 間和金錢,
轉其他樂噐, 又唔知佢鐘意那一種, 冇可能每樣試試.請問各媽咪有何高見 ??     

chu_muimui

學琴係一個好艱辛既過程，好多小朋友學左一段好短好短既時間，就會「知難而退」。
所以，你要想清楚，學任何樂器都是差不多：除左天分外，就是能否夠恆心和刻苦，不斷付出時間、精神和努力，還要能面對錯敗！沒有人沒經過痛苦而能考到八級的呀！

kayi412

我覺得你可以係你放假既時候陪下佢練呀
因為你個囡囡都係得六歲
都係有人陪下佢練好好多咖

好似我大女甘
以前唔識得話陪佢
到而家讀中學至學到六級

但係到左個細女
我而家一放工就盡量陪佢練下
就算十五分鐘都好咖

細女而家都係五歲
但係都學得幾好呀

桃子

我都好agree with chu_muimui 所講 "學琴係一個好艱辛既過程" 加上仲係好漫長的.
我囡囡頭一年都好熱愛練琴, 但係一路上d 歌仔開始好難彈了. 有時彈極都唔arm,佢開始唔喜歡彈琴. 我唯有佢一唔想彈就要哄她, 比d獎勵佢. 仲有每次我都會陪她彈的. 有時叫老師搵d 佢可以彈到的流行歌, 增加佢d 興趣.

TomDog

我認為學得叻唔叻係一回事, 有無興趣學又是另一回事, 女兒自己願意繼續學鋼琴嗎? 還是教學方法不適合她?  如果此時將時間和金錢放在發掘她其他興趣, 說不定更fruitful呢? 學不學任何樂器也好, 你都仍然可以讓她多些去欣賞美樂, 滋養心靈, 那是一生都能受用的事。  

YanYan0116

其實學琴真係好難, 亞女(5歲多)學了5個月, 我見佢d書愈來愈複雜, 見到都覺得煩, 我又唔多識, 只知middle c, do = c, ......有時見到佢練琴都唔知佢有無彈錯, 所以我自己亦報名學, 本來想同個女同一時間學, 但miss話怕囡囡分心, 結果我在公司附近報了, 利用lunch time時間上堂, 希望至少可以陪囡囡學到grade 3啦.

小朋友真係好得意, 我唔彈佢唔彈, 我彈佢又要爭, 又要扮miss教翻我.
佢地真係要人陪同讚就會比心機彈.

wtmaggie

我個女唔係唔喜歡彈琴，係唔喜歡練琴。無論點鼓勵都冇用。本來報了考試，但因她的抗拒和逃避，我決定我這個五音不全的媽媽去學琴，每當我練琴，練了一會，佢就會話：「到我了！」每當佢好專心咁練琴，我都會想不枉我去記音符。
以前佢彈不到的地方會好嬲，唔再彈，但後來佢聽我練琴時不懂的地方重覆又重覆的練，佢又好似想通咗d，會不停的重覆去練。
由於我們跟同一個老師學，所以佢好自然做咗我的師姐，佢仲會教我彈，親子關係還好了。

註：我決定暫不考試，讓她心態上ready 才在下一期考。


  

SAM43

各位媽咪,

衷心的多謝你們的回應, 看完後, 心情開心了很多.

坦白說, 我覺得女兒並不太喜歡彈琴, 只是在我的"威迫"下,
無奈接受, 加上我冇陪她練琴, 成績當然較差, 亦得不到老師
的受錫, 有時難免薄責, 這是理所當然的, 但亦因這緣故, 令她更抗拒返"彈琴"

另一方面, 看見好朋友的女兒, 8歲己考取了5級証書,
內疚 + 坦心 + 憂慮,令我頗煩惱.

唯一慶幸的是, 她就讀"一條龍"學校, 可以不為"攞証書"考學校, 亦減輕了許多壓力.

然而, 身為女孩子, 我仍希望她能繼續下去. 希望我跟她能一同努力.


最後, 再次謝謝各位

jena2468

YanYan0116 寫道:
其實學琴真係好難, 亞女(5歲多)學了5個月, 我見佢d書愈來愈複雜, 見到都覺得煩, 我又唔多識, 只知middle c, do = c, ......有時見到佢練琴都唔知佢有無彈錯, 所以我自己亦報名學, 本來想同個女同一時間學, 但miss話怕囡囡分心, 結果我在公司附近報了, 利用lunch time時間上堂, 希望至少可以陪囡囡學到grade 3啦.

小朋友真係好得意, 我唔彈佢唔彈, 我彈佢又要爭, 又要扮miss教翻我.
佢地真係要人陪同讚就會比心機彈.

我個仔都好鍾意做小老師, 我都話媽咪學到二級, 我要等你教我ga, 佢聽到會好開心, 時不時捉住我地黎教

王國新丁

係呀, 小朋友就係咁, 我阿仔都試過"監"我學琴架, 仲好有心機教我, 可惜我頭腦閉塞, 唔明又無興趣, 但又唔想比佢知道我唔想學, 怕影響到佢, 於是我同佢講: [你比心機學, 等你8級才教我吧, 現在我怕你教錯我呢!] 哈, 咁就過骨啦!   

Mrssslui

聽完你地講,真係好D,彼此支持下.
等我唔洗覺得自己個女點解會係咁,原來個個都係差唔多覺得係苦差.

SandyWu

My daughter started to learn piano one month ago.  I also learn how to play with her.  However, I am very busy these few weeks  

Without me, she refused to practice I feel sorry about this and I hope that I can have spare time later to play with her.  

Mrssslui 寫道:
聽完你地講,真係好D,彼此支持下.
等我唔洗覺得自己個女點解會係咁,原來個個都係差唔多覺得係苦差.

mercury16

我想分享我同囡囡練琴嘅方法,人須要支持和鼓勵,小朋友亦不例外,每次彈完一首歌我都會送一個貼紙同掌聲,就算難聽都要俾呢Ｄ鼓勵佢,當佢個日心情好down嘅時候冇mood彈就要講返佢上次點彈得叻,如你今日好過上次會獎多一個貼紙,其實多贊賞佢多支持小朋友就會用心好多!咁細個小朋友當然要陪佢一起練習,要俾佢感受有人聽緊自己彈琴,唔好俾小朋友覺得自己係對牛彈琴,俾着自己係咁總邊有心機去彈.
之於記音符我老師就會教我同佢玩鬥快方法,每人講出一個音,两個鬥快禁個音出來,通常我都辧唔識,當然知佢一定識個Ｄ要快過佢彈,知佢唔係咁識嗰Ｄ就要對彈多幾次,同多Ｄ做練習薄,每次老師都寫Ｄ音符要佢返屋企做,多做就會容易記到,我就講住咁多先,各位家長都交留吓你哋嘅心得la! :wink:

YanYan0116

如果小朋友可以升級快過人, 做父母當然開心, 但愈咁諗壓力就愈大.

我e+都叫自己唔好要求咁高, 只要小朋友有一樣樂器係學得懂, 我都好開心, 我相信他們的情緒可藉著彈奏去舒發, 性情都會較平和.