今年讀小一既家長,你地個班主任有無同你地溝通過呀 ??

lou

今年讀小一既家長,你地個班主任有無同你地溝通過呀 ??學校透明度高唔高呀 ??

今日個仔有張工作紙,佢寫左"我今年在 xx學校上課,我感到沉悶和陌生呀 ."仲有佢話今日返學唔開心呀,因為有個字唔識寫,問左老師兩次佢都無教佢,另小息時d同學仔食哂佢d小食呀...其實我洗唔洗搵佢班主任傾下呢 ?? 你地個班主任有無同你地溝通過呀 ??
:cry:  :cry:  :cry:

焯媽媽

一定要同老師講, 因為孩子的印象很重要, 如果一開始唔鍾意返學, 便一路都會唔鍾意..

zimba

我仔今年讀小一, 雖然無乜同班主任溝通, so far都無乜問題, 班主任好客氣同有禮貌.
因為有個字唔識寫,問左老師兩次佢都無教佢
會唔會係誤會? 有時老師忙唔記得咗, 又或者聽唔到?
小息時d同學仔食哂佢d小食呀
係唔係俾同學吓? 真係要問清楚你仔仔發生甚麼事? 班主任未必留意到, 但如果仔仔真係俾人吓, 就要同班主任傾, 等佢都留意一下喎.
仲有, 你仔仔寫呢句話, 佢真係好唔開心呀! 有無問佢, 係邊d事令佢唔開心呢? 要搵老師幫下佢呀.

car-long

細仔班主任係開學無耐就搵左 , 聽佢講野佢幾 nice 同幫倒忙的 , 希望仔仔今年有個開心的小一  

car-long

cherry_2005

囡囡今年小一, 學校都唔錯, 星期五第一日返學, 星期六已經打嚟關心吓小朋友習唔習慣, 通告會唔會睇唔明.

衍彤媽

班主任預告會逐一打電話同家長聯絡,但唔會第一/二日就打,因為想觀察多d個小朋友先.班主任亦希望知道個小朋友係屋企的情況.

sandylaw

咁樣都幾好喎，唔知阿女個班主任會唔會呢

瑄婷

我女間學校，在開學前一星期開了一次家長會，會內校長介紹了全部老師給家長認識，另外班主任在囡囡的課室接見了全班家長，及講講家長及學生在開學月內要留意的地方，而下次家長會定左９月３０日，家長可再一次了解女兒開學後的情況及發表意見．
我覺得學校同家長的溝通真係做得好好
    

carrai

瑄婷 寫道:
我女間學校，在開學前一星期開了一次家長會，會內校長介紹了全部老師給家長認識，另外班主任在囡囡的課室接見了全班家長，及講講家長及學生在開學月內要留意的地方，而下次家長會定左９月３０日，家長可再一次了解女兒開學後的情況及發表意見．
我覺得學校同家長的溝通真係做得好好
    

嘩！你囡間學校真係好好喎！不過離我家來說太遠啦！可惜

LV77

Hi lou,

我諗你可以致電班主任瞭解下事情，６歲小朋友實有野表達錯，知多些都無壞呀！！

反而想問下你小朋友咁叻小一就自己寫句子　”我今年在 xx學校上課,我感到沉悶和陌生呀　”　？　 請問邊間小學，咁深　？

MarcoFung

我個仔在 28/08 開始返半日適應，班主任在 01/09 打電話給我，查詢小朋友平時在家和幼稚園情況，她居然用廣東話，因為在學校見她時，她全用普通話對答，以為她不識廣東話，她說有小朋友時，她不會用廣東話，囑咐不要給小朋友知道！