時間表

susuh

其實有無全識媽媽可提供一個大約的時間表每日做乜呢?

每天要預備飯仔比佢,午睡,BATHING, 晚餐..
我見各媽媽們都好多教材, 又要FLASH/讀圖書/比佢聽音樂/VCD。(仲要一日做幾次) 一日真係做到咁多野嗎? 定係有工人幫手呢?

beepaul2007

當然如果有工人,應該易d 分配你嘅工作啦,但係係教材之外嘅嘢喎,flash 咭一定要自己做先有好效果,更可增進你同仔女感情,重有工人如果唔明白flash 咭背後用途同方法,根本做唔到你想要嘅效果.
我本人都要返工,每日工人要負責照顧bb 之外,一般家務同晚餐都係佢做,而我會每朝做1次flash 咭,到放工後,到佢訓覺前做多2次flash 咭,依傢我都諗住晚上抽時間同佢講故事,
但如果係無工人,要自已做哂咁多嘢,一定係辛苦傢啦,同埋要安排得好好先得,每星期,當工人放假果日,我就會趁 bb 訓覺就要煮定粥仔,佢醒咗餵飽佢之後就同佢flash 咭,聽音樂,落公園等,工人放假我就唔會做家務同煮飯傢啦,因為每星期都食足6日住家飯都想出街食下,如果你又唔想出去食,又要做家務,就可趁佢訓覺時要做定,或者要訓練佢自已可以坐定定,只要見到你就唔會扭計就好得多,如果唔係下下要陪住佢,就真係咩都唔駛做傢啦.